Samfélagsmiðlar

Groddalegur íburður

Það er engu líkara en iðnaðarmennirnir hafa skilið við hálfklárað verk á Rough Luxe hótelinu í London. Veggirnir eru annaðhvort ómálaðir eða þakktir rifnu veggfóðri, gólfefnin víða slitin og rússneskar ljósaperur á stöku stað. En svona á þetta að vera.

Rough Luxe er til húsa í gömlu gistiheimili í námunda við King´s Cross lestarstöðina í London. Núverandi eigandi þess keypti húseignina af ítalskri fjölskyldu sem rak þar hefðbundið gistihús í marga áratugi. Við endurbyggingu á húsinu kom í ljós alls kyns veggfóður, flúr og flísar og þá kviknaði hugmyndin að þessum grófa stíl. Húsgögnin eru hins vegar af fínustu gerð þó mörg þeirra séu farin að láta á sjá. Þjónustan er svo í takt við það sem þekkist á bestu hótelum.

Það eru aðeins níu herbergi á þessu sérkennilega hóteli. Nóttin á þeim ódýrustu kostar rúmar tuttugu og fimm þúsund íslenskar en þau eru ekki með sérbaðherbergi.  Fyrir fjörtíu og tvö þúsund krónur fæst hins vegar herbergi með baðkari úr kopar.

Það kostar álíka mikið að gista á Rough Luxe og á hefðbundnum fjögurra stjörnu hótelum í London. Það er hins vegar ekki spurning um hvort er eftirminnilegra.

Í bakgarði hótelsins er listasafn og kaffihús.

Staðsetning á korti.

Myndir: Rough Luxe

ÞESSU TENGT: Skemmtileg gata í London

NÝTT EFNI: Hellt upp á með nýjustu tækni og vísindum

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …