Samfélagsmiðlar

Úthugsuð Lundúnarhótel á góðu verði

Þau eru óvenjuleg hvert á sinn hátt þessi þrjú gistihús í höfuðborg Bretlands þar sem dvölin kostar ekki meira en á andlausu hóteli.

Hótelherbergi standa ekki alltaf undir væntingum. Allra síst í London. Oft er þar þröngt til veggja og það heyrir til undantekninga ef glugginn snýr ekki í átt að götuporti. Aðdáun Breta á gólfteppum getur líka verið þreytandi.

Það er þó hægt að finna fjöldan allan af huggulegum hótelum í heimsborginni sem ekki eru dýr. Hér eru þrjú sem falla í þann flokk. Þau eiga það líka sammerkt að mikill metnaður hefur verið lagður í útlitið, þjónustuna og aðbúnaðinn þó verðið sé í lægri kantinum.

Shoreditch Rooms

Hótelið er hluti af einkaklúbbi sem fólk úr hinum skapandi stéttum þykir fínt að hampa skirteinum frá. Í húsinu eru barir, veitingastaðir, veislusalir, heilsurækt og meira að segja keilubrautir. Á þakinu er upphituð sundlaug. Gestir hótelsins geta nýtt sér þessa aðstöðu og fengið innsýn inn í heim bresks einkaklúbbs. En hótelið var þar til í maí eingöngu fyrir meðlimi. Herbergin eru innréttuð í frekar látlausum og björtum stíl og maðurinn á bakvið útlitið, Tom Dixon, er ein af skærustu stjörnunum í breskum hönnunarheimi um þessar mundir.

Herbergin eru í þremur stærðarflokkum og þau minnstu og ódýrustu kosta frá 85 pundum á meðan þau stærstu kosta 145 pund. Þeim sem líkar lífið vel á Shoreditch og sjá fram á margar ferðir til London ættu að gerast meðlimir því þá fást betri kjör á gistingunni.

Shoreditch Rooms er á mörkum austurhluta borgarinnar og City fjármálahverfsins. Sjá á korti.

Dean Street Townhouse

Það eru engin tvö herbergi eins á þessu vinsæla hóteli í Soho hverfinu og hér hefur fólk dúllað sér við að velja spegla, púða og gluggatjöld í mismundani litum og útgáfum. Verðið kemur því á óvart því staðsetningin og aðstaðan er virkilega góð. Soho er reyndar frægt partíhverfi og hávaðinn af götunni gæti pirrað einhverja en þá þarf bara að minna sig á að herbergin eru svo sannarlega í ódýrari kantinum. Kosta frá 120 pundum sem er álíka mikið og gistingin kostar á úr sér gengnu keðjuhóteli í nágrenninu.

Á veitingastað hótelsins er aðeins unnið með breskt og írskt hráefni og réttirnir á matseðlinum eru árstíðarbundnir. 

Það virðist vera samdóma álit ferðapressunnar að það hafi tekist einkar vel að skapa heimilislega stemmningu á Dean Street Townhouse. Bæði á hótelinu og veitingastaðnum. Líkt og á Shoreditch Rooms er hægt að gerast meðlimur að hótelinu og fá þannig lægra verð.

Dean Street Townhouse er við Dean Street 69-71. Sjá á korti.

40 winks

Hótel sem aðeins hefur tvö herbergi, þar af annað eins manna, stendur varla undir nafni. En látum skilgreiningar liggja á milli hluta. 40 winks staðsett við mikla umferðargötu í austurhlutanum, götu sem hljómsveitin Pulp samdi lag um og var notað í myndinni Trainspotting. Þeir sem kannst við þá mynd vilja ólíklega feta í fótspor söguhetjanna og það gera þeir svo sannarlega ekki með því að bóka sig inn á 40 winks. Hótelið ber þess merki að þar hefur listamaður fengið að ráða ferðinni og andi Ingvar Kamprad er hvergi nærri. Innanstokksmunirnir minna meira á leikmuni en húsgögn og sumir hlutar hússins eru hlýlegir á meðan aðrir eru drungalegir. 

Á kvöldin er stundum efnt til kvöldvöku og hafa frægir gestir þá kíkt í heimsókn til að hafa ofan af fyrir gestunum. Leikkonana Kristin Scott Thomas sá til dæmis um kvöldlesturinn í setustofunni ekki fyrir svo löngu síðan. 

Fyrir þessa óvenjulegu gistiaðstöðu er greitt nokkuð hóflegt gjald. Nítíu pund fyrir eins manns herbergi og 130 fyrir tveggja manna herbergi.

40 winks er við Miles End 109. Sjá á korti

TENGDAR GREINAR: Einföld gisting í flottum umbúðum – New York og Groddalegur íburður í London
NÝJAR GREINAR: Hróskelduhátíðin opnar sundlaug og Hótel án starfsfólks

Myndir: Frá hótelunum sjálfum.

Nýtt efni

Það er stundum margt um ferðamanninn á Skólavörðustíg og á Laugavegi. Einhverjir tuða vegna þessa, segjast vilja endurheimta miðborgina, en fleiri gera sér grein fyrir því að ferðamenn hafa glætt miðborgina nýju lífi. Það er svo annað mál að ferðamannafjöldi leiðir gjarnan til einhæfni í þjónustu: Ferðamannamenn í miðborginni - MYND: ÓJ Minjagripaverslunum fjölgar óhæfilega, …

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …