Samfélagsmiðlar

Edinborg uppáhaldsborg Breta

Höfuðstaður Skotlands er sú borg á Bretlandseyjum sem er best heim að sækja að mati heimamanna.

Verslun með póstkort er vafalítið blómlegri í Edinborg en víða annars staðar. Borgin er nefnilega ákaflega falleg og líklega vilja margir ferðamenn deila því sem fyrir augu ber með fólkinu heima.

Edinborg myndi þó ólíklega verma efsta sætið á listanum yfir bestu ferðamannaborgir Bretlands ef hún hefði aðeins útlitið með sér. Staðreyndin er sem betur fer sú að þar er heilmargt að sjá og gera og fjarlægðin á milli markverðra staða er ekki mikil. Ferðamenn þurfa því ekki að eyða dýrmætum tíma í ferðalög innanbæjar.

Allir þessi ótvíræðu kostir skiluðu borginni flestum stigum þegar lesendur The Guardian og CN Traveller voru nýverið beðnir um að velja uppáhalds bresku borgina sína.

En þó flugsamgöngur héðan séu mun betri til systurborgarinnar, Glasgow þá ætti það ekki að standa í vegi fyrir heimsókn til Edinborgar því það tekur ekki nema um klukkutíma að taka lestina þangað frá miðborg Glasgow.

NÝJAR GREINAR: Netsamband í þriðju hverji farþegavélBesta breska hótelið fyrir klink
TILBOÐ: Gistiheimili og íbúðarhótel í London frá 99 pundum

Mynd: Visit Britain

 

 

 

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …