Samfélagsmiðlar

Ferðaminningar Mikaels Torfasonar

Það var ekki nóg fyrir Mikael Torfason rithöfund að fara í öll fötin í bakpokanum til að halda á sér hita í sleðaferð á Grænlandi. Hann segir hér frá ferðalögum sínum.

Fyrsta ferðalagið til útlanda:
Við fórum til Kanarí þegar ég var enn í leikskóla. Ég man eftir að hafa séð þykjustunni indjánaþorp og fengið martröð um að ég hlypi um gangana á hótelinu án þess að vita hvar mitt herbergi væri.

Best heppnaða utanlandsferðin:
Ég var í sex mánuði á sólarströnd í Portúgal. Við bjuggum þar í bænum Tavira í góðu yfirlæti.

Verst heppnaða utanlandsferðin:
Ég reyndi einu sinni að flytja til útlanda þegar ég var rúmlega tvítugur að deyja úr óhamingju að mér fannst. Vann í ferðatívolíi á Jótlandi en gafst upp eftir viku og flúði aftur heim.

Tek alltaf með í fríið:
Ekkert sérstakt nema vegabréf og peninga.

Vandræðalegasta uppákoman í útlöndum
Ja, mér brá einu sinni rosalega í myrkrinu á Grænlandi fyrir nokkrum árum þegar ég hafði leigt hús þar til að skrifa bók. Þannig var að ég fékk far með danskri herflugvél og við lentum á ísnum við Scoresby Sund og ég hafði bókað far með veiðimanni á hundasleða til Ittoqqortoormiit. Ég hafði ekki alveg gert mér grein fyrir kuldanum og myrkrinu og að ferðalagið væri um sólarhringur á hundasleða. Veiðimaðurinn tók öll föt upp úr bakpokanum mínum og skipaði mér að klæðast í öll fötin sem ég var með. Svo fékk hann lánaðan XXL kuldagalla hjá vinum sínum í flugstöðinni og við héldum af stað. Mér hefur aldrei verið jafn kalt, hvorki fyrr né síðar.

Besti maturinn sem ég hef smakkað á ferðalagi:
Æi, mér er eitthvað svo nákvæmlega sama um mat. Ég fékk Kentucky Fried Chicken einu sinni tíu ára í London og man enn eftir þeirri máltíð og lyktinni af blautþurrkunum sem fylgdu.

Uppáhalds staðurinn í útlöndum:
Köln. Já, ég hef alltaf haft ánægju af þeirri borg og auðvitað þar sem ég hef búið um tíma eins og Kaupmannahöfn eða Los Angeles.

Draumafríið:
Ég hef aldrei skilið hugmyndina um frí þótt ég hafi gaman að því að drösla krökkunum í útilegur og fíflast með þeim í útlöndum. Besta fríið er bara heima með bók og ég hef aldrei litið á ferðalög sem frí og hvort eð er á maður helst ekki að ferðast fyrir minna en þrjá mánuði til að fá eitthvað frí út úr ferðalaginu.

Nýtt efni

Notkun á sjálfbæru eldsneyti er besta leiðin til að draga hratt úr losun frá flugsamgöngum, segir Willie Walsh, framkvæmdastjóra Alþjóðasambands flugfélaga, IATA. Hann ræddi mikilvægi þess að minnka losun í ávarpi sínu á flugmálaráðstefnu Changi í Singapúr í vikunni.  Willie Walsh undirstrikaði í ávarpi sínu að flugheimurinn stefndi staðfastlega að kolefnishlutleysi árið 2050: „Við megum …

Vesturland er í útjaðri meginstraums erlendra ferðamanna sem koma til Íslands. Flestir eru þeir á Suðvesturlandi, fara Gullna hringinn og meðfram suðurströndinni - en auðvitað aka margir þeirra eftir Hringveginum í gegnum Borgarfjörð eða halda upp á Snæfellsnes - og áfram sem leið liggur til Vestfjarða með ýmsum útúrdúrum. Við ætlum sem sagt ekki að …

Gott símasamband í höfuðborg Bretlands byggði lengi á hinum 177 metra háa BT Tower sem kenndur var við eigandann, British Telecom. Turninn varð hæsta mannvirkið í London þegar hann var reistur af símafyrirtækinu árið 1964. Það var ekki fyrr en 16 árum síðar að annað mannvirki í London fór upp fyrir þetta símamastur sem einnig …

Velta í ferðaþjónustu í nóvember og desember í fyrra var nærri óbreytt miðað við sama tíma árið 2022 eða rúmlega 121 milljarður króna. Ef veltan hefði verið í takt við verðbólgu og fjölgun gistinátta ferðamanna þá hefði hún verið um 13 milljörðum kr. hærri. Af undirgreinum ferðaþjónustunnar þá var veitingareksturinn sá eini sem hélt í …

Bandaríski fjárfestingasjóðurinn Bain Capital Credit varð langstærsti hluthafinn í Icelandair í júní 2021 og á nú 17,2 prósenta hlut. Sjóðurinn hefur fjárfest fyrir 10,4 milljarða króna í flugfélaginu en fengi rétt 7,5 milljarða fyrir hlutinn í dag. Mismunurinn nemur nærri 3 milljörðum króna en gengi hlutabréfa í Icelandair hefur lækkað um 18 prósent frá því …

Tölur sem Kóperníkus, lofthjúpsvöktunaþjónusta Evrópusambandsins, og ítölsku umhverfisverndarsamtökin Legambiente kynntu nýlega sýna að í Mílanó mælist svifryk og önnur loftmengun áfram hvað mest í allri Evrópu. Nú er loks rætt um það af yfirvöldum í Mílanó og nærliggjandi borgum og bæjum á Langabarðalandi að grípa einhverra aðgerða - eins og að takmarka notkun á mest …

Þátttaka hins opinbera í rafbílakaupum landsmanna er nú með breyttu sniði. Í stað skattaafsláttar upp á 1,3 milljónir króna, sem dreginn var frá söluverði nýrra rafbíla, þá verða kaupendur bílanna að greiða fullt verð í umboðinu og sækja svo um 900 þúsund króna styrk hjá Orkustofnun í framhaldinu. Þessi breyting var gerð um síðustu áramóti …

Sá sem kaupir ódýrasta fargjaldið hjá Icelandair, Economy Light, þarf að borga aukalega fyrir innritaðan farangur. Áður var töskugjaldið 5.280 krónur en nú þarf að borga allt að 6.600 krónur undir farangurinn aðra leið. Hækkunin nemur 25 prósentum og svo mikil eru hún líka ef innrita á skíði. Flutningur á þeim kostar núna allt að …