Samfélagsmiðlar

Skoðum skó betur en aðrir

Sá evrópski flugvöllur er vandfundinn þar sem leitað er jafn ítarlega í skóm farþega og gert er í Leifsstöð.

Við öryggisleitina á Keflavíkurflugvelli þurfa allir farþegar að fara úr skónum. Öfugt við það sem gengur og gerist á flugvöllum frændþjóðanna eins og Túristi greindi frá í lok sumars. Svo virðist sem þessar miklu öryggisráðstafanir hér á landi séu einstakar í Evrópu. Því samkvæmt þeim upplýsingum sem Túristi hefur aflað sér hjá þeim þrettán flugvöllum sem flogið er til frá Keflavík í vetur er hvergi leitað í skóm allra farþega. Víða er eftirlitið handahófskennt og farþegar í háum hælum eða stígvélum beðnir um að fara úr skónum en aðeins hér á landi er eitt látið yfir alla ganga.

Hliðin píptu í tíma og ótíma

Það eru forsvarsmenn Isavia, rekstraraðila Keflavíkurflugvallar, sem ákveða hvaða reglur gilda þar varðandi skoðun á skóm. Ástæðan fyrir þessu stranga eftirliti er meðal annars sú, „að menn voru orðnir langþreyttir á þeim töfum sem orsökuðust af því að hliðin virtust pípa í tíma og ótíma. Jafnvel þótt ekki væri að finna neina aðra skýringu en þá að viðkomandi væri í skóm með málmfjöður/plötu í botninum eða reimakósa úr málmi“, eins og það er orðað í svari Innanríkisráðuneytisins við fyrirspurn Túrista um skoðun stjórnvalda á því hvort reglurnar ættu að vera harðari hér.

Í svarinu segir líka, „…er það mat ráðuneytisins að sú leið sem valin hefur verið við skoðun á skófatnaði sé á engan hátt íþyngjandi fyrir flugfarþega og stuðli þvert á móti að því að auka öryggi í flugi og flýta fyrir afgreiðslu við flugvernd…“. Túristi telur víst að það sé líka markmið yfirvalda í hinum Evrópulöndunum að tryggja öruggar flugsamgöngur þó ekki hafi verið gengið jafn langt og hér á landi. Þetta íslenska eftirlit veldur líklega hluta farþega óþægindum, til dæmis gamalmennum og þeim sem ferðast með ungabörn. Nýleg lesendakönnun Túrista leiddi í ljós að þrír af hverjum fjórum telja ekki réttlætanlegt að reglur hér séu strangari en í nágrannalöndunum.

NÝJAR GREINAR: 10 bestu evrópsku borgirnar fyrir sælkera – Fjallakofi Hitlers vinsæll hjá ferðamönnum
TILBOÐ: Kaupmannahöfn: Hotel Sct Thomas – 10% afsláttur fyrir lesendur Túrista

Mynd: Túristi

Nýtt efni

Vesturland er í útjaðri meginstraums erlendra ferðamanna sem koma til Íslands. Flestir eru þeir á Suðvesturlandi, fara Gullna hringinn og meðfram suðurströndinni - en auðvitað aka margir þeirra eftir Hringveginum í gegnum Borgarfjörð eða halda upp á Snæfellsnes - og áfram sem leið liggur til Vestfjarða með ýmsum útúrdúrum. Við ætlum sem sagt ekki að …

Gott símasamband í höfuðborg Bretlands byggði lengi á hinum 177 metra háa BT Tower sem kenndur var við eigandann, British Telecom. Turninn varð hæsta mannvirkið í London þegar hann var reistur af símafyrirtækinu árið 1964. Það var ekki fyrr en 16 árum síðar að annað mannvirki í London fór upp fyrir þetta símamastur sem einnig …

Velta í ferðaþjónustu í nóvember og desember í fyrra var nærri óbreytt miðað við sama tíma árið 2022 eða rúmlega 121 milljarður króna. Ef veltan hefði verið í takt við verðbólgu og fjölgun gistinátta ferðamanna þá hefði hún verið um 13 milljörðum kr. hærri. Af undirgreinum ferðaþjónustunnar þá var veitingareksturinn sá eini sem hélt í …

Bandaríski fjárfestingasjóðurinn Bain Capital Credit varð langstærsti hluthafinn í Icelandair í júní 2021 og á nú 17,2 prósenta hlut. Sjóðurinn hefur fjárfest fyrir 10,4 milljarða króna í flugfélaginu en fengi rétt 7,5 milljarða fyrir hlutinn í dag. Mismunurinn nemur nærri 3 milljörðum króna en gengi hlutabréfa í Icelandair hefur lækkað um 18 prósent frá því …

Tölur sem Kóperníkus, lofthjúpsvöktunaþjónusta Evrópusambandsins, og ítölsku umhverfisverndarsamtökin Legambiente kynntu nýlega sýna að í Mílanó mælist svifryk og önnur loftmengun áfram hvað mest í allri Evrópu. Nú er loks rætt um það af yfirvöldum í Mílanó og nærliggjandi borgum og bæjum á Langabarðalandi að grípa einhverra aðgerða - eins og að takmarka notkun á mest …

Þátttaka hins opinbera í rafbílakaupum landsmanna er nú með breyttu sniði. Í stað skattaafsláttar upp á 1,3 milljónir króna, sem dreginn var frá söluverði nýrra rafbíla, þá verða kaupendur bílanna að greiða fullt verð í umboðinu og sækja svo um 900 þúsund króna styrk hjá Orkustofnun í framhaldinu. Þessi breyting var gerð um síðustu áramóti …

Sá sem kaupir ódýrasta fargjaldið hjá Icelandair, Economy Light, þarf að borga aukalega fyrir innritaðan farangur. Áður var töskugjaldið 5.280 krónur en nú þarf að borga allt að 6.600 krónur undir farangurinn aðra leið. Hækkunin nemur 25 prósentum og svo mikil eru hún líka ef innrita á skíði. Flutningur á þeim kostar núna allt að …

Sérstakar ívilnanir fyrir kaupendur rafbíla voru felldar úr gildi um síðustu áramót og nú leggst fullur virðisaukaskattur á kaupverðið. Skattaafslátturinn nam áður allt að 1,3 milljónum króna og í flestum tilfellum hækkuðu bílaumboðin verðið á rafbílunum um þessa upphæð. Önnur biðu með að gefa út nýja verðskrá og það var tilfellið hjá Vatt ehf. sem …