Samfélagsmiðlar

Farið á Ólympíuleika verður varla ódýrara

Það hefur sennilega sjaldan eða aldrei verið ódýrara að gera sér ferð á Ólympíuleika.

Ólympíusirkusinn treður aðeins upp á fjögurra ára fresti og heimsóknir hans til nágrannalandanna eru ekki tíðar. Á næsta ári gefst íþróttaáhugafólki hér á landi þó gott færi á að vera viðstatt þennan stórviðburð án þess að þurfa að kaupa sér flugmiða til annarra heimsálfa. Því leikarnir verða haldnir í London dagana 27.júlí til 12. ágúst.

Samkvæmt athugun Túrista kostar farið með Iceland Express til London og tilbaka, á meðan leikunum stendur, 37.700 krónur en 39.270 með Icelandair. Fjölmargar dagsetningar eru í boði hjá báðum aðilum á þessu verði þá sautján daga í júlí og ágúst sem um ræðir. Easy Jet flýgur nokkrum héðan til Lundúna á tímabilinu og þar eru verðin misjöfn eða frá 16.883 til 23.890 krónur. Farþegar félagsins sem innrita farangur þurfa svo að greiða aukalega 5415 krónur.

Miðar á leikana

Forsölu á miðum á Ólympíuleikana er að mestu lokið en samkvæmt frétt BBC er talið að skipuleggjendur þeirra muni bjóða aukalega hátt í tvær milljónir miða á næsta ári. Langstærsti hluti miðanna kostar á bilinu 20 til 100 pund. Miðasala á knattspyrnukeppni karla og kvenna hefst þann 29. nóvember þannig að þeir sem eru áhugasamir um þá grein ættu að kynna sér dagskrána því leikirnir fara fram á fótboltavöllum um allt Bretland og því ekki víst að flug til London sé besti kosturinn.

Í leitarvélinni hér að neðan er svo hægt að skoða verð á gistingu í London dagana 27. júlí til 12. ágúst.

Næstu Ólympíuleikar fara fram í Ríó í Brasilíu árið 2016 en vetrarleikarnir verða haldnir í millitíðinni Sochi í Rússlandi árið 2014.

NÝJAR GREINAR: Bestu bresku borgirnar að mati heimamanna

Mynd: ODA

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …