Samfélagsmiðlar

Dýrari utanlandsferðir vegna mengunargjalds

Umdeild ákvörðun Evrópussambandsins um að krefjast losunargjalda af flugfélögum er farin að skila sér út í verðlagið. Kínverjar neita að borga.

Um áramót gengu í gildi reglur sem kveða á um að öll flugfélög sem fljúga í Evrópu skuli tryggja sér losunarkvóta fyrir kolefnisútblástur. Flugrekendur með bækistöðvar utan álfunnar þurfa einnig að hafa kvóta ætli þeir að fljúga til Evrópulandanna.

Í upphafi fá öll flugfélög 85 prósent af kvótanum gefins en það virðist ekki ætla að koma í veg fyrir að þessi nýju opinberu gjöld skili sér út í verðlagið. Því á mánudaginn hóf bandaríska flugfélagið Delta að rukka farþega sína aukalega um þrjá dollara fyrir hverja ferð til og frá Evrópu. Það samsvarar um 750 íslenskum krónum fyrir þá sem bóka báðar leiðir. Delta flýgur milli Keflavíkur og New York á sumrin.

Samkvæmt frétt USA Today vill talsmaður fyrirtækisins þó ekki staðfesta að nýja gjaldið sé til komið vegna kröfunnar um losunarkvóta. Þýska flugfélagið Lufthansa mun einnig vera að íhuga sambærileg aukagjöld.

Kínverjar segjast ekki ætla að borga

Stjórnvöld í Bandaríkjunum, Kanada, Indlandi og Kína hafa öll mótmælt þessu evrópska losunargjaldi og árangurslaust reynt að fá Evrópudómstólinn til að fella það niður. Í vikunni tilkynntu svo samtök fjögurra stærstu flugfélaga í Kína að þau myndu ekki borga gjaldið. Kínversku félögin verða því sektuð ef þau halda áfram flugi til Evrópu kvótalaus samkvæmt frétt BBC.

Evrópusambandið áætlar að nýju gjöldin muni hækka farmiðaverðið um tvær til tólf evrur. Það jafngildir um það bil 300 til 1900 krónum. Flugfarþegar hér á landi mega því búast við sambærilegum hækkunum.

NÝJAR GREINAR: Við fáum meira frí í árFerðalag ferðatöskunnar án okkar

Mynd: Mynd: Wikicommons / Juergen Lehle

Nýtt efni

Eftirspurn eftir ferðalögum til útlanda meðal Íslendinga er áfram sterk fullyrti Bogi Nils Bogason, forstjóri Icelandair, á kynningu á nýju uppgjöri flugfélagsins nú í morgun. Farþegum Icelandair frá heimamarkaðnum fækkaði hins vegar um 9 prósent á öðrum ársfjórðungi í samanburði við sama tímabil í fyrra. Þennan samdrátt útskýrði Bogi Nils með því að benda á …

Í byrjun júlí tóku gildi bráðabirgðatollar á rafbíla sem fluttir eru inn frá Kína til aðildarríkja Evrópusambandsins. Var gripið til þessa eftir að rannsókn á vegum Framkvæmdastjórnar Evrópusambandsins leiddi í ljós að kínverska framleiðslan nyti óeðlilega mikils ríkisstuðnings og skaði því evrópskir rafbílaframleiðendur. Aukatollurinn, sem nú leggst ofan á þann 10 prósent toll sem fyrir …

Á öðrum ársfjórðungi í fyrra hagnaðist Icelandair um 2,1 milljarð króna fyrir skatt en núna var niðurstaðan hagnaður upp á 73 milljónir króna. Í dollurum, uppgjörsmynt Icelandair, var rekstrarafkoman (Ebit) jákvæð um 3,3 milljónir dollara en 21 milljón í fyrra. Sú niðurstaða var sú besta í mörg ár eins og sjá má. Skilyrði til flugrekstrar …

Fyrir fjórum vikum síðan boðaði Lilja Dögg Al­freðsdótt­ir, menn­ing­ar- og viðskiptaráðherra, átak í markaðssetningu á Íslandi sem áfangastað fyrir ferðamenn. Segja má að ráðherrann hafi verið að svara kalli forsvarsfólks ferðaþjónustunnar sem hvatt hefur til opinberrar kynningar á Íslandi sem áfangastað líkt og víða tíðkast. Tveimur dögum eftir að Lilja Dögg lofaði „hundruðum millj­óna“ til …

Stjórnendur Icelandair og Play gáfu það út í sumarbyrjun að fargjöld hefðu lækkað vegna mikillar samkeppni í flugi yfir Atlantshafið. Félögin tvö þurfa nú í auknum mæli að sækja á þann markað þar sem minni eftirspurn er eftir Íslandsferðum. Gallinn er hins vegar sá að farþegar sem fljúga milli Evrópu og N-Ameríku, með millilendingu á …

Í júní í fyrra voru óvenju margir bandarískir ferðamenn á landinu miðað við flugframboð. Nú í sumar hefur flugferðunum fjölgað um 12 prósent en samt fækkaði bandarískum ferðamönnum um 19 prósent í nýliðnum júní. Það er Icelandair sem er langumsvifamest í flugi héðan til Bandaríkjanna og stóð félagið undir 7 af hverjum 10 flugferðum héðan …

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …