Samfélagsmiðlar

Langflestir keyra sjálfir út á Leifsstöð

Í Stokkhólmi eru flugmálayfirvöld í miklum vanda vegna þess hve margir velja bílinn fram yfir almenningssamgöngur. Hér á landi er hlutfall ökumanna í hópi flugfarþega líklega miklu hærra en í sænska höfuðstaðnum.

Átta af hverjum tíu lesendum Túrista fara oftast til og frá Flugstöð Leifs Eiríkssonar í einkabíl samkvæmt könnun síðunnar. Sjötti hver lesandi tekur rútuna og um fjögur prósent fara í leigubíl. Á sjötta hundrað svör fengust í könnuninni.

Ef niðurstöðurnar eru lýsandi fyrir ástandið hér á landi er sennilega leit að öðrum alþjóðlegum flugvelli þar sem álíka hátt hlutfall heimamanna kemur sér í flugið í einkabíl. Erlendir ferðamenn sem hingað koma auka vafalítið hlutfall rútufarþega þegar á heildina er litið.

Einkabíllinn takmarkar flugframboðið

Í Stokkhólmi standa flugmálayfirvöld frammi fyrir töluverðum vanda vegna vinsælda einkabílsins meðal farþega á Arlanda flugvelli. Þar keyrir þriðji hver farþegi bílinn sinn til og frá vellinum og fimmti hver tekur rútu eða leigubíl. Kolefnisútblásturinn frá þessari umferð er það mikill að brátt má ekki auka flugumferðina frá Arlanda fyrr en umhverfisvænni samgöngur, eins og lestir, hafa náð meiri útbreiðslu meðal farþeganna samkvæmt frétt Dagens Nyheter. Í dag tekur aðeins um fjórði hver farþegi lestina út á völl en unnið er að því að fjölga ferðum og gera þær ódýrari.

Þrátt fyrir hylli einkabílsins hér á landi þá eiga forsvarsmenn Isavia væntanlega ekki við sama vandamál að etja og þeir á Arlanda því nýverið var farið að bjóða flugfélögum niðurfellingu á lendinga- og farþegagjöldum í Keflavík í von um að fjölga farþegum og flugleiðum.

TENGDAR GREINAR: Frítt fyrir nýjar flugleiðir
NÝJAR GREINAR: Nokkrar norskar nektrarstrendur

Mynd: Wikicommons

Nýtt efni

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …

Hann er önnum kafinn við að búa til smjördeig fyrir bökurnar þegar símaviðtalið hefst en er með hendurnar frjálsar og spjallar á meðan. Smjördeigið á leið yfir botninn með fyllingunni - MYND: © Arctic Pies „Við vorum þrír Ástralir sem stofnuðum þetta fyrirtæki saman og tengdum í gegnum þessa sömu matarupplifun. Það er pínu flókið …