Samfélagsmiðlar

Easy Jet fær góð kjör á Keflavíkurflugvelli

Þrátt fyrir að breska lággjaldaflugfélagið hafi tilkynnt um Íslandsflug sitt í nóvember fær félagið felld niður lendingagjöld á Keflavíkurflugvelli í samræmi við afsláttarprógramm Isavia sem var opinberað í síðasta mánuði.

Ef starfsmaður Easy Jet yrði spurður hvort Luton flugvöllur sé í London væri svarið væntanlega jákvætt. Enda segir á heimasíðu félagsins að flogið verði frá London-Luton til Reykjavíkur frá og með vorinu. Hins vegar líta forsvarsmenn Isavia svo á að Easy Jet ætli að fljúga hingað frá Luton en ekki London. Flugfélagið fær því 75 prósent afslátt af lendinga- og farþegagjöldum í sumar og þau verða felld niður að öllu leyti í vetur. Þetta staðfestir Friðþór Eydal, talsmaður Isavia.

Aðeins gjaldfrjálst fyrir nýja áfangastaði

Næstu tvö ár fær Easy Jet einnig afslætti hér á landi út á flug sitt til og frá Luton. Þetta er í samræmi við nýtt kerfi Keflavíkurflugvallar sem á að létta undir með flugrekendum um hríð vegna þeirrar áhættu sem fylgir því að hefja flug á nýjum leiðum. Afslátturinn getur numið nokkrum milljónum króna á mánuði samkvæmt útreikningum Túrista.

Þetta nýja fyrirkomulag Isavia hefur verið lengi í smíðum og var fyrst birt á heimasíðu flugvallarins í byrjun þessa árs. Áform Easy Jet um flug hingað til lands voru hins vegar opinberuð tveimur mánuðum áður. Þrátt fyrir það mun Easy Jet starfa í samræmi við þetta nýja kerfi.

Kapphlaup um Stansted í vetur

Easy Jet hefði ekki fengið neinn afslátt á Keflavíkurflugvelli ef ferðir félagsins væru frá Gatwick, Stansted eða Heathrow því þá velli nota íslensku félögin fyrir flug sitt til London. Hins vegar var ekki flogið frá Keflavík til Stansted síðasta vetur og því ætti það félag sem fyrst tilkynnir um vetrarflug til Stansted að uppfylla kröfur Isavia líkt og Easy Jet gerir með flugi frá Luton. Sá flugvöllur liggur álíka langt frá höfuðborginni og Stansted gerir.

Að sama skapi ættu áætlunarferðir til Orly flugvallar í París einnig að gefa rétt á niðurfellingu í vetur og sama má segja um fjölmarga minni flugvelli í borgum sem nú þegar eru hluti af leiðarkerfum flugfélaganna hér á landi. Friðþór Eydal vill hins vegar ekki tjá sig um hvort hinar ýmsu flugleiðir uppfylli kröfur Isavia.

TENGDAR GREINAR: Frítt fyrir nýjar flugleiðir Ekki svo einfalt með Easy Jet
NÝJAR GREINAR: Skrifað í skýjunum

HOTELS:COM: Sértilboð á hótelum í London

Mynd: Túristi

Nýtt efni

Biðinni er brátt lokið og eftirvæntingarfullir aðdáendur írska rithöfundarins Sally Rooney getað andað léttar því að í liðinni viku var tilkynnt af The Wylie Agency, umboðsskrifstofu rithöfundarins, að ný bók væri væntanleg frá henni þriðjudaginn 24. september 2024.  Alex Bowler, talsmaður Faber & Faber, enska forlags rithöfundarins, sendi líka frá sér tilkynningu í tilefni af væntanlegri  …

Farþegar á Keflavíkurflugvelli gátu að jafnaði valið á milli nærri 10 brottfara á dag til höfuðborgar Bretlands í síðasta mánuði. Þetta er viðbót um eina ferð frá sama tíma í fyrra ef tillit er tekið til þess að nú er hlaupaár. London var sú borg sem oftast var flogið til frá Keflavíkurflugvelli í febrúar samkvæmt …

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …