Samfélagsmiðlar

Skrifað í skýjunum

Norska lággjaldaflugfélagið Norwegian segist vera það fyrsta sem býður upp á frítt netsamband um borð í vélum sínum. Túristi prófaði þessa nýju þjónustu.

Vestanhafs hafa ferðamenn komist á netið um borð í flugvélum um árabil. Þó gegn greiðslu. Í Evrópu hefur gengið mun hægar að innleiða þessa þjónustu en nú býður hið norska Norwegian upp á frítt netsamband í nýjustu þotum sínum og fyrir árslok á allur flogflotinn að vera nettengdur.

Þegar þessar línur eru skrifaðar er útsendari Túrista um borð í vél Norwegian á leið frá Stokkhólmi til Kaupmannahafnar. Þegar vélin hafði náð 10.000 feta hæð tilkynnti flugfreyja að nú væri hægt að fara á netið. Til að byrja með var sambandið aðeins hægara en á jörðu niðri og sumar heimasíður tók lengri tíma að opna en vanalega. Það var þó ekkert mál að hringja vídeósamtal í gegnum Skype og ekki laust við að það hafi verið frekar óraunverulegt að eiga þannig samtal við einhvern á jörðu niðri. Myndbönd á YouTube birtast eðlilega.

Fyrstu kynni af þessari nýju þjónustu eru því góð og vonandi feta fleiri flugfélög í spor Norwegian fljótlega. Það mun þó sennilega vera bið eftir því að netsamband náist í háloftunum yfir Atlantshafinu. Því er ekki víst að þeir sem ferðast með Norwegian milli Oslóar og Keflavíkur í sumar geti lesið ferðagreinar Túrista alla leiðina.

NÝJAR GREINAR: Komuleyfi mögulega 10 milljarða virði
HOTELS.COM: Sértilboð á hótelum í Osló

Nýtt efni

Eftirspurn eftir ferðalögum til útlanda meðal Íslendinga er áfram sterk fullyrti Bogi Nils Bogason, forstjóri Icelandair, á kynningu á nýju uppgjöri flugfélagsins nú í morgun. Farþegum Icelandair frá heimamarkaðnum fækkaði hins vegar um 9 prósent á öðrum ársfjórðungi í samanburði við sama tímabil í fyrra. Þennan samdrátt útskýrði Bogi Nils með því að benda á …

Í byrjun júlí tóku gildi bráðabirgðatollar á rafbíla sem fluttir eru inn frá Kína til aðildarríkja Evrópusambandsins. Var gripið til þessa eftir að rannsókn á vegum Framkvæmdastjórnar Evrópusambandsins leiddi í ljós að kínverska framleiðslan nyti óeðlilega mikils ríkisstuðnings og skaði því evrópskir rafbílaframleiðendur. Aukatollurinn, sem nú leggst ofan á þann 10 prósent toll sem fyrir …

Á öðrum ársfjórðungi í fyrra hagnaðist Icelandair um 2,1 milljarð króna fyrir skatt en núna var niðurstaðan hagnaður upp á 73 milljónir króna. Í dollurum, uppgjörsmynt Icelandair, var rekstrarafkoman (Ebit) jákvæð um 3,3 milljónir dollara en 21 milljón í fyrra. Sú niðurstaða var sú besta í mörg ár eins og sjá má. Skilyrði til flugrekstrar …

Fyrir fjórum vikum síðan boðaði Lilja Dögg Al­freðsdótt­ir, menn­ing­ar- og viðskiptaráðherra, átak í markaðssetningu á Íslandi sem áfangastað fyrir ferðamenn. Segja má að ráðherrann hafi verið að svara kalli forsvarsfólks ferðaþjónustunnar sem hvatt hefur til opinberrar kynningar á Íslandi sem áfangastað líkt og víða tíðkast. Tveimur dögum eftir að Lilja Dögg lofaði „hundruðum millj­óna“ til …

Stjórnendur Icelandair og Play gáfu það út í sumarbyrjun að fargjöld hefðu lækkað vegna mikillar samkeppni í flugi yfir Atlantshafið. Félögin tvö þurfa nú í auknum mæli að sækja á þann markað þar sem minni eftirspurn er eftir Íslandsferðum. Gallinn er hins vegar sá að farþegar sem fljúga milli Evrópu og N-Ameríku, með millilendingu á …

Í júní í fyrra voru óvenju margir bandarískir ferðamenn á landinu miðað við flugframboð. Nú í sumar hefur flugferðunum fjölgað um 12 prósent en samt fækkaði bandarískum ferðamönnum um 19 prósent í nýliðnum júní. Það er Icelandair sem er langumsvifamest í flugi héðan til Bandaríkjanna og stóð félagið undir 7 af hverjum 10 flugferðum héðan …

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …