Samfélagsmiðlar

Villta norðvestrið

Danskir bændur hafa nýtt jarðir sínar vel í gegnum aldirnar og þar er varla óplægðan akur að finna. Fyrsti þjóðgarður landsins sker sig þó úr enda þykir landslagið á þessum slóðum heldur kaldranalegt, alla vega miðað við aðrar sveitir landsins.

Landslagið í Danmörku verður seint sagt stórbrotið enda er landið afskaplega flatt. Það hefur þó vissulega sinn sjarma að horfa yfir fallegar grónar grundir svo langt sem augað eygir. Það verður því enginn Íslendingur svikinn af því að ferðast um land frænda okkar og upplifa gjörólíkt landslag en við eigum að venjast hér heima. Það er þó eitt svæði í Danmörku sem sker sig úr. Það kallast Thy og liggur í norðvesturhluta Jótlands og er fyrsti danski þjóðgarðurinn.

Nóg af sandi

Vindurinn hefur borið sand yfir jarðirnar á Thy svæðinu í langan tíma. Sandhólar og miklar og breiðar sandstrendur eru því áberandi á þessum slóðum. Þar eru þó einnig að finna skóglendi og kristaltær vötn. Landslagið er fjölbreytt á þessu 244 ferkílómetra svæði sem auðvelt er að kynna sér hjólandi og gangandi.

Úrval af skipulögðum ferðum

Eins og alþjóð veit þá hentar flatlendið í Danmörku einstaklega vel til hjólreiða. Thy þjóðgarðurinn er þar engin undantekning. Hjólaferðalag um garðinn getur tekið nokkra daga og gistir fólk þá á tjaldsvæðum, farfuglaheimilum, krám eða jafnvel hótelum.

Þeir sem vilija frekar fara um gangandi geta farið á eigin vegum eða bókað sér hópferð (sjá nánar hér). Bílar og hestar þeysa líka um þjóðgarðinn þannig að það hafa allir jafnan aðgang að þessu villta og einstaka svæði í Danmörku.

TENGDAR GREINAR: Tjaldferð til Jótlands
NÝJAR GREINAR: Íslendingar helmingur farþega

Myndir: Danmark Media Center/Nationalpark Thy

Þessi grein er skrifuð í samvinnu við:

 

 

 

Nýtt efni

„Við erum á lokametrunum í undirbúningi og opnum vonandi í september," segir Inga Harðardóttir, framkvæmdastjóri Flóra hotels, um nýtt íbúðahótel á vegum Reykjavik Residence við Vatnsstíg. Á nýja hótelinu verða 26 íbúðir í nýuppgerðum fasteignum milli Laugavegs og Hverfisgötu en Reykjavik Residence rekur íbúðahótel á nokkrum stöðum í miðborginni. Flóra hotels, móðurfélag Reykjavík Residence, rekur …

Níunda fjórðunginn í röð lækkar verð á notuðum lúxus úrum og verðlækkun ársins nemur 1,2 prósentum, samkvæmt fjárfestingabankanum Morgan Stanley sem vel fylgist með verðþróuninni. Dýrustu úrin hafa lækkað ennþá meira og þannig hefur verðið á notuðu Rolex farið niður um 7,2 prósent síðastliðna 12 mánuði. Morgan Stanley gerir ráð fyrir að þessi verðþróun verði …

Rekstrarafkoma Play var neikvæð um 2,9 milljarða króna í fyrra og svo bættust við rúmir þrír milljarðar í fjármagnskostnað. Tapið fyrir skatt nam því 6,3 milljörðum króna. Afkomuspáin fyrir yfirstandandi ár gerði ráð fyrir að rekstrarafkoman yrði í kringum núllið en nú hefur staðan versnað og reiknað er með neikvæðri afkomu. Þetta kemur fram í …

Verð á hlutabréfum í þýska rafhlöðuframleiðandanum Varta hrundi við opnun markaðar í Frankfurt í dag, eða um nærri 80%, eftir að fréttir bárust af tillögum um endurskipulagningu fyrirtækisins. Þær myndu leiða til þess að hlutabréf núverandi eigenda yrðu nánast verðlaus.  Meðal þess sem að rætt er um er að núverandi meirihlutaeigandi, austurríski milljarðamæringurinn Nichael Tojner, …

Meðal þess sem kom í ljós eftir Covid-19-faraldurinn var að starfsfólk skorti í vaxandi ferðaþjónustu víða um heim. Faraldurinn truflaði gangverk vinnumarkaðar margra landa og sér ekki fyrir endann á því. Skortur á starfsfólki gæti hamlað vexti í greininni. Ætli megi ekki segja að fólk vilji fremur ferðast en þjóna öðrum? Vandræði eru á mörgum …

Íslandssjóðir eru ekki lengur meðal 20 stærstu hluthafa Icelandair en sjóðastýringafyrirtækið, sem er í eigu Íslandsbanka, varð stærsti hluthafinn í Play eftir hlutafjáraukningu í apríl sl. Íslandssjóðir hafa síðustu mánuði dregið töluvert úr fjárfestingu sinni í Icelandair og eru ekki lengur meðal tuttugu stærstu hluthafanna. Nú eru aftur á móti tvö eignarhaldsfélög á vegum Högna …

Ekkert félag flýgur fleirum innan Evrópu en lágfargjaldaflugfélagið Ryanair gerir og síðustu mánuði hafa farþegar félagsins að jafnaði borgað minnað fyrir sætin en þeir sem voru á ferðinni í fyrra. Tekjur félagsins lækkuðu þannig á milli ára samkvæmt uppgjöri sem félagið birti í morgun fyrir fjórðunginn apríl til júní. Sá er fyrsti fjórðungur reikningsársins hjá …

BYD

Kínverski rafbílaframleiðandinn BYD lækkaði verð á bílum sínum á íslenska markaðnum í ársbyrjun þegar dregið var úr opinberum stuðningi við kaup á nýjum rafbílum. Þar með gat Vatt, sem er með umboð fyrir BYD hér á landi, boðið ódýrustu tegundina á lægra verði en í fyrra að því gefnu að kaupandinn fái hinn nýja rafbílastyrk …