Samfélagsmiðlar

Rússlandsreisan hefst í Túngötu

Icelandair hefur áætlunarflug til Rússlands á næsta ári. Þeir sem ætla að nýta sér beint flug til Sankti Pétursborgar verða að fá áritun hjá rússnesku ræðisskrifstofunni áður en haldið er í hann.

Ekkert af þeim löndum sem flogið er beint til frá Íslandi í dag krefur ferðamenn um vegabréfsáritanir. Bandaríkjamenn fara þó fram á að fólk geri boð á undan sér og skrái sig í ESTA gagnagrunninn. Með tilkomu áætlunarflugs Icelandair til Sankti Pétursborgar næsta sumar þá breytist staðan því þeir sem ætla að sækja Rússa heim þurfa að fá áritun.

Til að fá þetta skriflega leyfi til að ferðast til Rússlands þarf að mæta á ræðisskrifstofu landsins í Túngötu með vegabréf, passamynd, útfyllt eyðublað og sýna fram á sjúkratryggingu. Í svari skrifstofustjóra ræðisskrifstofunnar við fyrirspurn Túrista segir jafnframt að þeir sem ætla til Rússlands í viðskiptaerindum eða til að sækja ráðstefnu þurfi að hafa undir höndum boðsbréf frá viðkomandi aðilum í Rússlandi þar sem m.a. kemur fram nafn ferðamannsins og hversu löng dvölin í landinu verður. Án svona bréfs mega ferðamenn ekki taka þátt í fundarhöldum. Ræðisskrifstofan Rússa gefur ekki út þess háttar plögg.

Það kostar 5850 krónur að fá vegabréfsáritun sem gildir í 30 daga. Afgreiðslutíminn er fimm virkir dagar og þeir sem geta ekki beðið svo lengi og þurfa skyndiútgáfu borga tvöfalt gjald. Ræðisskrifstofan er opin frá 9 til kortér í tólf alla daga og þeir sem búa út á landi geta sent umboðsmann í sinn stað.

Nánari upplýsingar um vegabréfsáritanir til Rússlands má nálgast hér.

 

Nýtt efni

Stjórnendur rafbílaframleiðandans Tesla leita nú leiða til að draga úr kostnaði og horfa þeir til þess að segja upp 14 þúsund starfsmönnum eða um 10 prósent af vinnuaflinu. Þetta kemur fram í tölvupósti sem forstjóri félagsins, Elon Musk, sendi til starfsfólks samkvæmt frétt sem fagritið Electrek birti í morgun. „Ég hata ekkert meira en þetta …

Stefnt er að því að á hótelinu verði veitingastaður, ráðstefnu- og veislusalur ásamt heilsulind. Síðan er ætlunin að stækka Skógarböðin og tengja þau hótelinu.  Samkvæmt fréttatilkynningu er um að ræða fimm milljarða króna fjárfestingu. Áætlað er að hótelið verði opnað eftir tvö ár, vorið 2026.  „Þetta er virkilega spennandi verkefni sem við hjá Íslandshótelum hlökkum …

Hver hlutur í Icelandair kostaði fyrir opnun Kauphallarinnar í morgun 1 krónu og fjóra aura. Verðið hefur ekki verið svona lágt síðan í nóvember árið 2020 en þá hafði félagið nýverið efnt til hlutafjárútboðs þar sem sölugengið var 1 króna á hlut. Í dag er markaðsvirði Icelandair 43 milljarðar króna og hefur það lækkað um …

Stafræna byltingin gerði fjarvinnu auðveldari og heimsfaraldurinn festi það vinnufyrirkomulag í sessi. Stór og vaxandi hópur fólks nýtir sér þá möguleika sem felast í þessu frelsi - að geta unnið verk sín eiginlega hvar sem er í heiminum, skila unnum verkum af sér án þess að mæta á tiltekinn stað á tilgreindum tíma. Áætlað er …

Sigurð Örn Ágústsson, fyrrum forstjóri Bláfugls, hefur verið ráðinn framkvæmdastjóri viðskiptaþróunar hjá Play. Um er að ræða nýtt svið innan flugfélagsins og verður Sigurður Örn hluti af framkvæmdastjórn flugfélagsins sem nú telur átta manns, einum fleiri en í yfirstjórn Icelandair. Í tilkynningu segir að Sigurður Örn muni hafa það hlutverk að leiða frekari þróun þvert …

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …