Samfélagsmiðlar

EasyJet mun dýrara en Icelandair og WOW air

Það kostar nærri þriðjungi minna að fljúga með Icelandair en easyJet til London eftir fjórar vikur. WOW air er líka ódýrara en breska lággjaldaflugfélagið.

Fyrir átta vikum síðan kostaði farið til London í viku 48 (26. nóv.-2. des) minnst hjá EasyJet, eða 25.752 krónur. Icelandair var dýrast og kostaði farmiði báðar leiðir hjá félaginu 40.520 krónur.

Staðan í dag er gjörbreytt því lægstu verðin hjá breska félaginu hafa rúmlega tvöfaldast. WOW air hefur hækkað sitt lægsta verð um ellefu þúsund en Icelandair býður nú best því þar hafa fargjöldin aðeins hækkað um 260 krónur eins og sjá má hér fyrir neðan.

Líkt og gert hefur verið frá upphafi þessara mánaðarlegu kannana er aukagjöldum fyrir innritaðan farangur og kreditkortagreiðslur bætt við fargjöldin í samanburðinum. Farangursgjald easy Jet er á bilinu 3100 til 3500 krónur (19 til 22evrur) fyrir hvern fluglegg en 2900 hjá WOW air.

Lægstu fargjöld, báðar leiðir, til London í viku 48 (26.nóv-2.des) ef bókað með tólf vikna fyrirvara og fjögurra vikna.

LondonBókað í dag

Bókað 5. sep

Breyting
easyJet*53.567 kr.25.752 kr.+108%
Icelandair40.780 kr.40.520 kr.+0,6%
WOW air*45.825 kr.34.925 kr.+31%

Lítill munur á verði til Kaupmannahafnar

WOW air hefur tekið yfir flugáætlun Iceland Express og flýgur því til Kaupmannahafnar í vetur en borgin var ekki á upprunalegri vetraráætlun félagsins. WOW air rukkar 46.560 krónur fyrir flugsæti og eina tösku í viku 48 (26. nóv.-2. des) ef bókað er í dag. Það er 220 krónum minna en Icelandair tekur fyrir þjónustuna eins og taflan sýnir. Fyrir átta vikum síðan kostaði farið með Iceland Express í þessari sömu viku 33.900 en 38.960 hjá Icelandair.

Lægstu fargjöld, báðar leiðir, til Kaupmannahafnar í viku 48 (26.nóv-2.des) ef bókað með tólf vikna fyrirvara og fjögurra vikna.

KaupmannahöfnBókað í dagBókað 5. sep
Breyting
WOW*/Iceland Express46.560 kr.33.900 kr.+37%
Icelandair46.780 kr.38.960 kr.+20%

WOW lægst til London í janúar en Icelandair til Köben

Þeir sem ætla til London í viku 4 (21.-27.jan) á næsta ári þurfa að borga að lágmarki 37.825 krónur fyrir farið. Er það WOW air sem býður best á meðan gjaldið hjá Icelandair er 40.780 krónur. EasyJet er dýrast með farmiða upp á 53.567. Sé ferðinni hins vegar heitið til Kaupmannahafnar þá er Icelandair tólf prósent ódýrara en WOW air í þessari fjórðu viku næsta árs. Á næstu síðu má sjá samantekt á lægstu fargjöldum í janúar 2013 (smellið hér).

Í þessum mánaðarlegu könnunum Túrista eru fundin lægstu fargjöldin, báðar leiðir, innan ákveðnar viku hjá hverju félagi fyrir sig. Gert er ráð fyrir að lágmarksdvöl í útlöndum sé tveir sólarhringar og því stundum úr fáum flugum að velja, sérstaklega hjá EasyJet. Farangurs- og kreditkortagjöld eru tekin með í reikninginn.

Smellið hér fyrir samanburð á verði í viku 4

*easy Jet og WOW air rukka fyrir innritaðan farangur. Gjaldi fyrir eina tösku er bætt við fargjaldið í samanburðinum. Miðað er við gengi evru í dag.

NÝTT: Ókeypis á netið í BerlínTengiflug í súginn vegna seinkunnar

Mynd: Visit London

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …