Samfélagsmiðlar

Borgirnar þar sem bjórinn þykir bestur

Fjórtán borgir þar sem heimamenn eru öfundsverðir af ölinu sínu.

Ljós, bragðlítill pilsner ratar ekki í eins mörg glös í dag og hann gerði fyrir nokkrum árum síðan. Nú vill fólk að bjórinn hafi karakter og afurðir örbrugghúsa njóta sífellt meiri vinsælda á kostnað verksmiðjuframleiðslunnar. Hér eru þær borgir sem höfundar ferðabóka Frommers segja að hafi að geyma besta bjórinn.

Dublin, Írlandi

Bareigendur víða um heim hafa lengi reynt að herma eftir stemningunni á knæpunum í heimaborg Guinness. Án þess þó að takast ætlunarverk sitt fullkomlega. Þeir sem vilja upplifa alvöru Dubliners fjör fara því til höfuðborgar Írlands.

Munchen, Þýskalandi

Októberfest Bæjara laðar til sín þúsundir ferðamanna á hverju hausti. Weihenstephan, elsta brugghús í heimi og bjórhöllin Hofbräuhaus hafa einnig komið borginni á ölkortið.

Amsterdam, Hollandi

Hinir heimsþekktu bjórar Amstel, Heineken og Grolsch hófu ferilinn í Amsterdam. Þar í borg er þó hægt að smakka á miklu betri bjórum en þessum þremur.

Prag, Tékklandi

Tékkarnir fundu upp gyllta pilsnerinn og fáar, ef nokkrar, þjóðir drekka eins mikið af bjór og þeir gera. Hér er að finna ógrynni af aldargömlum knæpum þar sem hægt er að setjast niður og drekka bjór úr stórri krús.

Vín, Austurríki

Þeir hafa ekki öðlast heimsfrægð austurrísku bjórarnir en í höfuðborginni eru víst nokkur góð örbrugghús og bjórhallir.

Tókýó, Japan

Það er ekki ódýrt að gera sér glaðan dag í Tókýó en þar mun víst vera gott úrval af bjórum á krana og fjöldi minni brugghúsa að ná góðum tökum á markaðnum.

Portland, Bandaríkjunum

Stærsta borg Oregon fylkis hefur verið kölluð höfuðvígi bjórsins í Bandaríkjunum. Ástæðan er sú að þar eru fleiri örbrugghús á hvern íbúa en í nokkurri annarri bandarískri borg. Hráefnið er víst oftast sótt í heimahagana sem er kostur fyrir umhverfisvæna bjórþambara.

Hanoi, Víetnam

Það er ennþá ódýrt í Víetnam og í hinni fallegu höfuðborg í norðurhlutanum er úrvalið af bjór gott. Þau hjá Frommers mæla sérstaklega með Bia Hoi bjórnum sem mun vera bruggaður án nokkurra rotvarnarefna.

Melbourne, Ástralíu

Það eru sennilega ýkjur að segja að það sér pöbb á hverju horni í Melbourne en margir eru þeir. Meðal vinsælustu merkjanna eru Victoria Bitter, Crown Lager og Carlton Draught.

Edinborg, Skotlandi

Skotar hafa lengi þótt góðir bruggarar og á öllum sjarmerandi börunum í Edinborg er því að finna gott úrval af alls kyns öli.

MEIRA: Ferðamannaborg ársins í Evrópu

Mexíkó borg, Mexíkó

Það fljóta ekki límónur ofan á öllum bjór í Mexíkó þó flestir séu þeir svalandi í hitanum.

Milwaukee, Bandaríkjunum

Fjögur af stærstu bjórfyrirtækjum í heimi héldu einu sinni til í borginni og því var hún lengi kölluð bjórborgin. Miller er enn á heimavelli í Milwaukee en sem betur fer fyrir íbúana þá eru líka minni brugghús sem eiga létt með að framleiða bragðbetri vöru en Miller.

Brussel, Belgía

Óvíða er ölið jafn fjölbreytt og í Belgíu og belgíska bragðið er sér á báti. Það er þó ekki bara bjórinn sem smakkast vel í Brussel því matsölustaðir borgarinnar svíkja engan.

MEIRA: Borgin þar sem hótelin gefa afslátt um helgar

Fíladelfía, Bandaríkjunum

Philly Beer vikan er haldin hátíðleg í júní og þá streyma bjóráhugamenn til borgarinnar til að gera sér glaðan dag.

Við þennan lista Frommers má bæta Denver sem gerir nú tilkall til að vera kölluð helsta bjórborg Bandaríkjanna eins og Túristi sagði nýlega frá (sjá hér).

NÝJAR GREINAR: Leiðin frá Hvíta húsinu að hamborgarabúllu forsetafrúarinnar

Mynd: VisitScotland/ScottishViewpoint

Nýtt efni

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …

Toyota í Japan tilkynnti í morgun að framleiðsla fyrirtækisins hefði aukist um sjö prósent í janúar og að þetta væri þrettándi mánuðurinn í röð sem fleiri bílar væru framleiddir en í sama mánuði árið á undan. Meginskýringin er sögð mikil eftirspurn í Bandaríkjunum. Í janúar runnu rúmlega 740 þúsund fleiri Toyotur af færiböndum verksmiðjanna en …

Við þeim sem fara um Ráðhústorg í Kaupmannahöfn þessa dagana blasir við risastór auglýsing frá Icelandair. Velunnari FF7 var þar á ferð í vikunni og sendi meðfylgjandi mynd. Auglýsingin er á húsi númer fjögur við Ráðhústorg og fyrir hornið á vegg sem snýr að H.C. Andersen Boulevard, sem er mikil umferðaræð í gegnum miðborgina. Unnið …

Tæknirisinn Apple hefur síðastliðinn áratug unnið að þróun rafknúinna og sjálfstýrðra ökutækja sem þó aldrei hafa verið formlega kynnt. Og það verður varla úr þessu því nú hefur þessari þróunarvinnu verið hætt samkvæmt frétt Bloomberg. Þriðjungurinn af þeim mörg hundruð manns sem unnið hafa að bílaverkefninu verða færð yfir á svið gervigreindar hjá Apple en …

Útibú Arion banka á Keflavíkurflugvelli lokaði í janúar og við fjármálaþjónustu í flugstöðinni tók Change Group sem hátti hagkvæmasta tilboðið í þennan rekstur í útboði sem Isavia efndi til í fyrra. Ennþá er Change Group þó ekki komin með tilskilin leyfi til að sinna gjaldeyrisviðskiptum hér á landi samkvæmt því sem FF7 kemst næst og …

Hún er svo vinsæl, bandaríski rithöfundurinn Sarah J. Maas, að þegar þriðja bindið í Crescent City-bókaflokknum kom út þann 30. janúar síðastliðinn stóðu aðdáendur hennar í löngum röðum í vetrarkuldanum fyrir framan bókabúðirnar sem höfðu ákveðið að opna búðir sínar á miðnætti á útgáfudeginum í New York og víðar um Bandaríkin. Þessar raðir fyrir framan …

Matvælastofnun Sameinuðu þjóðanna hefur áætlað að af öllum mat sem framleiddur er í heiminum fari um þriðingur í ruslið, eða 1,3 milljarðar tonna á ári. Umhverfisstofnun Sameinuðu þjóðanna hefur áætlað að á heimsvísu fari um 17 prósent af öllum mat í matvöruverslunum, á veitingastöðum og á heimilum í ruslið. Það er gríðarlegt magn af prýðisgóðri næringu sem þar fer …