Samfélagsmiðlar

Stundvísitölur: Mun oftar á áætlun en í fyrra

Líkt og í fyrri hluta mánaðarins voru nærri engar tafir á ferðum til og frá landinu seinni tvær vikur nýliðins mánaðar. Á sama tíma í fyrra var staðan allt önnur.

Þeir sem flugu til útlanda seinni tvær vikurnar í nóvember fóru langflestir í loftið á réttum tíma því 96 prósent af brottförum WOW air stóðust áætlun og hjá Icelandair var hlutfallið 94 prósent. Á sama tíma í fyrra hélt aðeins helmingur ferða Iceland Express áætlun og hjá Icelandair seinkaði einni af hverjum fjórum.

Sem betur fer hefur stundvísin á Keflavíkurflugvelli batnað mikið frá því í fyrra því miklar seinkanir geta reynst farþegum dýrkeyptar. Sérstaklega þeim sem þurfa að ná tengiflugi. Því sá sem missir af seinna fluginu vegna seinkunar á því fyrra þarf að kaupa nýjan miða nema öll flugin hafi verið keypt á einum miða hjá t.d. Icelandair eða SAS. Þeir sem það gera eru nefnilega á ábyrgð flugfélagsins sem seldi miðana.

LESTU LÍKA: Tengiflug í súginn vegna seinkunar

Icelandair fjölgar ferðum um fjórðung

Brottfarir Icelandair frá Keflavík á seinni hluta nóvember í fyrra voru 185 talsins en 234 núna. Aukningin nemur 26 prósentum. Iceland Express stóð fyrir 40 ferðum til útlanda seinni tvær vikurnar í nóvember 2011 en brottfarir á vegum WOW air voru 26 talsins á sama tíma í ár.

Líkt og kom fram á hér síðunni á mánudag þá stóð Icelandair undir 83% af öllum ferðum til og frá landinu í nóvember (sjá hér).

Stundvísitölur seinni hluta nóvember 2012

16.-30.nóv.Hlutfall brottfara á tímaMeðalseinkun brottfaraHlutfall koma á tímaMeðalseinkun komaHlutfall ferða á tímaMeðalseinkun allsFjöldi ferða
Icelandair94%1 mín85%2 mín90%1,5 mín467
WOW air96%1 mín92%4 mín94%2,5 mín50

Um útreikningana: Daglega reiknar Túristi út hversu mikill munur er á áætluðum komu- og brottfaratímum og þeim tímasetningum sem gefnar eru upp fyrir lendingar og flugtak á heimasíðu Keflavíkurflugvallar. Þar sem seinkun um korter telst vera innan skekkjumarka í fluggeiranum þá eru fimmtán mínútur dregnar frá öllum seinkunum. Flug sem tefjast um minna en stundarfjórðung teljast vera á áætlun.

Fylgstu með Túrista á Facebook

HÓTEL: Gerðu verðsamanburð á gistingu og bóðkaðu besta kostinn
NÝJAR GREINAR: Hér er best að borða fyrir brottförNæstum allir með töskur hjá Icelandair en helmingur hjá WOW

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …