Samfélagsmiðlar

Farið til London hefur hækkað um meira en helming

Ef við gefum okkur að eftirspurn ráði miklu varðandi þróun fargjalda þá er útlit fyrir að miklu fleiri ætli að ferðast milli Íslands og Bretlands á næstunni en til Danmerkur. Í febrúar er nefnilega mun ódýrara að fljúga til Kaupmannahafnar en London samkvæmt nýjustu verðkönnun Túrista.

Í lok nóvember kostaði ódýrasta farið, báðar leiðir, til Lundúna í viku 8 (18.-24. febrúar) 35.825 krónur. Í dag, þegar fjórar vikur eru í brottför, er lægsta fargjaldið 55.825 krónur og hefur það hækkað um rúmlega helming síðustu tvo mánuði.

Á sama tímabili hafa ódýrustu farmiðarnir til Kaupmannahafnar lækkað og þangað má fljúga fyrir tæpar fjörtíu þúsund krónur eins og sjá má á töflunum hér fyrir neðan. WOW air er ódýrast til beggja þessara borga.

Lægsta farið, báðar leiðir, til London í viku 8 (18.-24. febrúar) ef bókað 4 eða 12 vikum fyrir brottför

Bókað 26.nóvBókað í dagVerðbreyting
easyJet59.430 kr.71.344 kr.+20%
Icelandair43.250 kr.62.260 kr.+44%
WOW air35.825 kr.55.825 kr.+56%

 

 

 

 

Lægsta farið, báðar leiðir, til Kaupmannahafnar í viku 8 (18.-24. febrúar) ef bókað 4 eða 12 vikum fyrir brottför

Bókað 26.nóvBókað í dagVerðbreyting
Icelandair39.140 kr.39.320 kr.+0,5%
WOW air34.560 kr.32.560 kr.-6%

 

 

 

Ódýrustu farmiðarnir í apríl

Eins og sést í fyrri töflunni þá var easyJet langdýrasti kosturinn fyrir þá sem bókuðu febrúarferðina til London í nóvember og líka fyrir þann sem kaupir í dag. Hins vegar er breska félagið um fjórðungi ódýrara en WOW air og Icelandair ef ferðinni er heitið til London upp úr miðjum apríl. Farið þá kostar um fjörtíu þúsund með þeim íslensku en rúmar þrjátíu þúsund með easyJet. Lítill munur er á lægsta verði Icelandair og WOW air til Kaupmannahafnar í viku 16 (15.-21.apríl) en sé ferðinni heitið til Oslóar er SAS ódýrasti kosturinn í þessari ákveðnu viku. Þessar þrjár flugleiðir eru þær einu sem fleiri en eitt flugfélag sinnir á veturna. Reyndar flýgur Primera Air einnig til Oslóar fram í miðjan mars og kostar farið með félaginu frá 9.900 krónum.

Lægsta farið í viku 16 (15.-21.apríl) til þriggja borga

KaupmannahöfnVerðOslóVerðLondonVerð
Icelandair39.320 kr.Icelandair38.503 kr.easyJet31.576 kr.
WOW air37.560 kr.Norwegian39.503 kr.Icelandair40.760 kr.
SAS30.196 kr.WOW air39.835 kr.

 

 

 

Í þessum mánaðarlegu könnunum Túrista eru fundin lægstu fargjöldin, báðar leiðir, innan ákveðnar viku hjá hverju félagi fyrir sig. Gert er ráð fyrir að lágmarksdvöl í útlöndum sé tveir sólarhringar og því stundum úr fáum flugum að velja, sérstaklega hjá easyJet. Farangurs- og kreditkortagjöld eru tekin með í reikninginn (sjá samantekt yfir aukagjöld hér)

*easy Jet, Norwegian og WOW air rukka fyrir innritaðan farangur. Gjaldi fyrir eina tösku er bætt við fargjaldið í samanburðinum. Miðað er við gengi evru og norsku krónunnar í dag þegar verð erlendu félaganna eru reiknuð út.

Fylgstu með Túrista á Facebook

TILBOÐ: 10% afsláttur á gistingu í LondonÓkeypis morgunmatur í Kaupmannahöfn
HÓTEL: Gerðu verðsamanburð á hótelum í Kaupmannahöfn

Mynd: Visit London

 

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …