Samfélagsmiðlar

Reykjavík í ellefta sæti hjá Skandinövum

London og Róm eru þær ferðamannaborgir sem Dönum, Svíum og Norðmönnum þykir mest til koma í Evrópu. Reykjavík í einu af neðstu sætunum.

Nýlega voru hátt í þrjú þúsund Skandinavar spurðir hvaða evrópska borg sé þeirra upphálds áfangastaður. Valið stóð á milli fjórtán borga og þar á meðal Reykjavíkur. Það er skemmst frá því að segja að höfuðborg Bretlands sigraði valið með yfirburðum og fékk liðlega fjórðung atkvæða.

Róm var í öðru sæti en hún og Lissabon eru einu borgirnar, á lista þeirra tíu vinsælustu, sem ekki er flogið til beint frá Keflavík.

París og Barcelona fengu einnig mörg atkvæði en afgangurinn dreifðist nokkuð jafnt á milli næstu sæta.

Reykjavík endaði í því ellefta, af fjórtán mögulegum. Athygli vekur að Svíar og Norðmenn gáfu Reykjavík mun fleiri atkvæði en Danir gerðu.

Osló óvinsæl

Þátttakendur í þessari könnun, sem gerð var fyrir British Airways, gátu líka valið sína eigin höfuðborg. Kaupmannahöfn og Stokkhólmur komast á lista þeirra tíu vinsælustu en Osló fékk aðeins örfá atkvæði meðal granna sinna og endaði því í tólfta sæti. Fjögur félög fljúga hins vegar héðan til Oslóar um þessar mundir.

Uppáhalds ferðamannaborgir Skandinava

  1. London
  2. Róm
  3. París
  4. Barcelona
  5. Berlín
  6. Kaupmannahöfn
  7. Amsterdam
  8. Stokkhólmur
  9. Lissabon
  10. Madríd
  11. Reykjavík
  12. Osló
  13. Brussel
  14. Varsjá

VILTU 10% AFSLÁTT AF GISTINGU Í LONDON og í PARÍS?
HÓTEL: Smelltu til að gera verðsamanburð á hótelum

Mynd: Visit London
Heimild: Epinion-Primetime


Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …