Samfélagsmiðlar

Tugprósenta munur á töxtum íslensku símafyrirtækjanna í Bandaríkjunum

Íslenskir túristar borga allir það sama fyrir símnotkun þegar ferðast er innan Evrópska efnahagssvæðisins. Öðru máli gegnir um þá sem nota símann sinn í Bandaríkjunum því íslensku símafélögin rukka mismunandi mikið fyrir þjónustu sína þar eins og verðkönnun Túrista leiðir í ljós.

Evrópusambandið hefur þvingað niður símakostnað milli EES-landanna síðustu ár með því að setja stiglækkandi hámarksverð á símnotkun. Þann fyrsta júlí sl. lækkaði til að mynda mínútuverðið úr 73 krónum niður í 60,9 kr. fyrir símtöl frá ESB svæðinu til Íslands. Samkvæmt athugun Túrista á verðskrá íslenskra, danskra og breskra símafyrirtækja þá notast öll félögin við þetta hámarksverð og engin býður lægra verð nema keyptir séu sérstakir áskriftapakkar.

Mínútan á tæpar 400 krónur vestanhafs

Á meðan íslenskur ferðamaður í Evrópu borgar rúmar sextíu krónur fyrir mínútuna þegar hann hringir heim þarf sá sem er í Bandaríkjunum að greiða að minnsta kosti 334 krónur. Það er Nova sem er með lægsta mínútuverðið en það er hæst hjá Vodafone eða 371 króna. Það er því um sex sinnum dýrara að hringja með íslenska símanum vestanhafs en í Evrópu. Munurinn er álíka þegar litið er til kostnaðar við að senda SMS heim því í Evrópu kostar skeytið 18,9 krónur en allt að 95 kr. frá Bandaríkjunum eins og sjá má á töflunni hér fyrir neðan.

Mikill verðmunur á gagnanotkun

Það eru margir sem vilja deila utanlandsferðinni með fólkinu heima og setja því myndir inn á Facebook eða Instagram. Það kostar sitt en þó mismunandi mikið eftir því við hvaða símafélag viðkomandi skiptir. Sá sem er með númer frá Nova borgar þannig 835 krónur fyrir hvert megabæti en Tal kúnninn 2890 krónur. Tal er hins vegar ódýrasti kosturinn ef hringt er í þig til útlanda því ef þú svarar borgarðu 94,44 krónur fyrir mínútuna á meðan viðskiptavinur Vodafone borgar 371 kr. Hjá Símanum geturðu hins vegar sloppið með mínútugjald upp á 83,23 krónur en við gjaldið gæti bæst viðbótarkostnaður sem nemur allt að 272 krónum á hverji mínútu. Samkvæmt upplýsingum frá Símanum lenda níu af hverjum tíu notendum sjálfkrafa á neti sem borga þarf aukalega fyrir og því þarf að velja gjaldfrjálst kerfi.

Hjá Vodafone fengustu þær upplýsingar að verðskrá fyrirtækisins varðandi símnotkun í Bandaríkjunum muni breytast um mánaðarmótin og kjörin verði ekki lakari en hjá öðrum.

Verðsamanburður á símnotkun í Bandaríkjunum:

Hringt til ÍslandsMóttekið símtal SMSGagnanotkun
Nova334 kr. mínútan167 kr. mínútan66,8 kr.835 kr. á Mb.
Síminn352,24 kr. mínútan83,23 kr. mín + viðbót*82,55 kr.1490 kr. á Mb.
Tal369,49 kr. mínútan94,44 kr. mínútan94,44 kr.2690 kr. á Mb.
Vodafone371 kr. mínútan371 kr. mínútan79,69 kr.2116,98 kr á Mb.

 

 

 

* Hægt er að komst hjá viðbótargjaldi með því að velja gjaldfrjálst net (sjá hér)

Fylgstu með Túrista á Facebook

HÓTEL: VILTU 10% AFSLÁTT Á GISTINGU Í PARÍS?

Nýtt efni

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …