Samfélagsmiðlar

Aukagjöldin hækka hratt

Flugfarþegar þurfa í auknum mæli að borga sérstaklega fyrir að innrita farangur, taka frá sæti og borga með kreditkorti. Hliðartekjur skipta flugfélögin sífellt meira máli og samkvæmt breskri könnun hækka þau þóknanir sínar töluvert milli ára.

Þeir sem fljúga frá Keflavík í sumar þurfa að borga allt að 3100 krónur fyrir að innrita tösku og gjaldið er álíka hátt fyrir að taka frá sæti með meira fótaplássi. Næsta sumar gætu þessi gjöld hafa hækkað um tugi prósenta því samkvæmt könnun vefsíðunnar TravelSupermarket hafa flugfélögin hækkað verðskrár sínar töluvert frá því í fyrra. Farangursgjald Easy Jet hefur t.d. hækkað um nærri fjórðung og British Airways tekur nærri þúsund krónum meira fyrir of þungan handfarangur í ár.

Líkt og Túristi benti á í síðustu viku þá þurfti að borga 1490 krónur fyrir sæti á fremsta bekk hjá Wow Air síðasta sumar. Núna er gjaldið 2990 krónur. Á móti kemur að önnur sæti hafa lækkað niður í 990 krónur.

Evrópusambandið vill banna handfarangursgjald

Wizz Air, eitt af stærri lággjaldaflugfélögum Evrópu rukkar nú farþega fyrir allan handfarangur sem kemst ekki undir sætin. Vestanhafs eru félög einnig farin að rukka fyrir hefðbundnar handfarangurstöskur. Þingmönnum á Evrópuþinginu líst illa á þessa þróun og vinna að reglum sem eiga að koma í veg fyrir að þessi gjaldtaka verði almenn.

TENGDAR GREINAR: Hvað kostar að taka frá ákveðið sæti?Meirihlutinn rukkar fyrir innritaðar töskur

Mynd: geishaboy500/Creative Commons:

Nýtt efni

Vaxandi óánægju gætir meðal leigusala og húsnæðismiðlara í Bandaríkjunum með það ægivald sem Airbnb hefur á skammtímaleigumarkaðnum. Margir eru sagðir leita leiða til að afla leigutekna utan eða meðfram kerfi bandaríska risans, sem gerir stöðugt meiri kröfur til þeirra sem leigja út vegna þrýstings frá samfélögum sem stynja undan umfangi og markaðsáhrifum skammtímaleigu til ferðafólks.  …

Flugsamstæðan Air France KLM hefur greint frá því að rekstrarhagnaður á síðasta ársfjórðungi hafi minnkað um 30% og er það verri afkoma en flugmálasérfræðingar bjuggust við. Helstu skýringar eru sagðar aukinn starfskostnaður og hærra olíuverð en búist var við. Þetta er veruleiki sem önnur flugfélög hafa almennt verið að kljást við. Á öðrum ársfjórðungi nam …

Þegar stjórnendur Play kynntu í apríl sl. uppgjör fyrirtækisins fyrir fyrstu þrjá mánuði ársins þá brugðu þeir út af vananum og birtu engan árshlutareikning. Þar með fengu fjárfestar og greinendur ekki aðgang að uppfærðum efnahagsreikningi fyrir flugfélagið þar sem meðal annars eigna- og skuldastaða kemur fram. Um leið fengust ekki upplýsingar um hvert eiginfjárhlutfall félagsins …

Suður-kóreski rafhlöðuframleiðandinn LG Energy Solution (LGES) á í viðræðum við þrjá ónefnda kínverska birgja um að framleiða ódýrar bílarafhlöður fyrir Evrópumarkað og bregðast þannig við hærri verndartollum Evrópusambandsins á rafbíla frá Kína.  Þetta hefur Reuters-fréttastofan eftir háttsettum heimildarmanni innan LGES, sem er í hópi stærstu rafhlöðuframleiðenda heims ásamt CATL í Kína, Panasonic í Japan og …

Þó margir njóti guðaveiga í sumarfríinu þá er hásumarið rólegur tími í heimi vínviðskipta. Það er löngu búið að ganga frá sölu á framleiðslu liðins árs en beðið tíðinda af næstu vínuppskeru. Þegar horft er á heildina þá hefur dregið úr vínsölu vegna efnahagsþrenginga og breyttra neysluhátta. En loftslagsbreytingar valda vínbændum víða erfiðleikum og hafa …

Það kemur skýrt fram í afkomutölum rafbílaframleiðandans Tesla að hægt hefur á orkuskiptum í bílasamgöngum. Á fyrri helmingi ársins hefur Tesla selt um 831 þúsund rafbíla en Elon Musk hafði spáð því að á árinu öllu myndu seljast um 1,8 milljónir bíla. Það vantar því enn mikið upp á að sú spá rætist. Sala Tesla …

Áður en Play fór í loftið sumarið 2021 var efnt til hlutafjárútboðs þar sem söfnuðust 10 milljarðar króna. Umsjón með útboðinu höfðu Arctica Finance og Arion banki en þessi tvö fjármálafyrirtæki komu einnig að fjármögnun Wow Air á sínum tíma. Í útboði meðal almennings reyndist umframeftirspurnin áttföld. Í kynningarefni sem fylgdi hlutafjárútboðinu var aðeins ein …

„Okkur er ánægja að tilkynna um fjölgun A350-900-véla í utanlandsflugi og A321neo í innanlandsflugi,“ segir Yukio Nakagawa, innkaupastjóri Japan Airlines, í tilkynningu félagsins um samninga við Airbus um kaup á nýjum þotum. „Með því að flýta því að taka í notkun nýjustu og sparneytnustu flugvélarnar viljum við veita viðskiptavinum okkar besta hugsanlegu þjónustu um leið …