Samfélagsmiðlar

Ætla að ná fimmta hverjum farþega

Hagnaður af rekstri írska lággjaldaflugfélagsins Ryanair var umfram væntingar. Forsvarsmenn þess hafa háleit markmið fyrir næstu ár.

Ryanair er umsvifamesta félagið í flugi til og frá Írlandi, Spáni, Ítalíu og Póllandi. Forsvarsmenn þess fullyrða ennfremur að þegar kemur að ferðum innan Evrópu þá fljúgi tólf prósent farþega með írska félaginu. Vöxtur fyrirtækisins hefur verið mjög hraður og farþegum fjölgað um að lágmarki tíu af hundraði á milli ára allar götur síðan árið 2002.

Þó erfitt sé að halda í álíka vöxt, nú þegar farþegarnir eru orðnir svona margir, þá hafa stjórnendur Ryanair sett sér það markmið að ná 20 prósent allra þeirra flugfarþega sem ferðast milli evrópskra flugvalla innan fárra ára. Liður í að ná því marki er sterkari staða í Skandinavíu og Þýskalandi á kostnað SAS og Airberlin samkvæmt frétt Standby.

Meiri hagnaður

Í mars sl. lauk reikningsári Ryanair og niðurstaðan var hagnaður sem jafngildir tæpum 90 milljörðum íslenskra króna. Það er nokkru meira en búist hafði verið við samkvæmt Dagens Nyheter. Á næsta ári reikna stjórnendur Ryanair með að gróðinn aukist um fimm af hundraði og nemi hátt í 95 milljörðum íslenskra króna.

Ellefu þúsund fyrir að prenta út brottfararspjald

Írska lággjaldafélagið er meðal annars þekkt fyrir há aukagjöld og fyrir að fylgjast grannt með því að farþegarnir taki aðeins með sér eina tösku í handfarangri, líkt og fjallað var um hér á síðunni nýverið. Þá þurfa þeir sem eiga miða hjá Ryanair að prenta út brottfararspjöldin sín að lágmarki fjórum tímum fyrir brottför. Ef það klikkar þá kostar 70 evrur (um 11.050 krónur) að fá starfsmann félagsins til að prenta út spjaldið á flugvellinum. Aukagjöldin virðast þó ekki standa í farþegunum miðað við vöxt Ryanair.

HÓTEL: Gerðu verðsamanburð á hótelum og bókaðu það hagstæðasta
TENGDAR GREINAR: Hafðu þetta í huga áður en þú bókar hjá Ryanair

Mynd: Wikicommons

Nýtt efni

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Bláa lónið í Svartsengi hefur rýmt öll sín athafnarsvæði vegna jarðhræringa við Sundhnúkagígaröðina nú í morgun. Rýmingin gekk vel að því segir í tilkynningu og er gestum þakkaður góður skilningur á stöðunni, starfsmönnum fagleg vinnubrögð og viðbragðsaðilum gott samstarf. Bláa lónið er einn allra vinsælasti viðkomustaður ferðamanna hér á landi en vegna jarðhræringa á Reykjanesi …

Icelandair hefur gripið til hópuppsagna í dag og munu þær ná til ólíkra deilda innan fyrirtækisins að því segir í frétt Vísis. Þar er haft eftir Ásdísi Ýr Pétursdóttur, talskonu Icelandair, að dagurinn í dag sé erfiður en hún geti ekki tjáð sig nánar um stöðuna af virðingu við starfsfólkið. Heimildir FF7 herma að uppsagnirnar …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …