Samfélagsmiðlar

Enn meiri verðlækkun á fargjöldum sumarsins

Fyrir viku síðan auglýsti Wow Air tilboð á flugsætum til London á 10.900 krónur. Í dag er farið komið niður fyrir tíu þúsund. Félagið hefur fjölgað ferðum sínum til Lundúna úr þremur í tólf á viku.

Síðasta vor og sumar kepptust Iceland Express og Wow Air við að undirbjóða hvort annað. Verðin fóru þó sjaldnast undir tíu þúsund krónur. Í dag auglýsir Wow Air hins vegar flugmiða til London í sumar á 9.900 krónur. Við gjaldið bætast bókunargjöld og innritaður farangur er ekki innifalinn.

Að sögn Svanhvítar Friðriksdóttur hjá Wow Air er tilboð dagsins hluti af kosningaherferð félagsins. Hún segir þó markmið Wow Air vera að bjóða lægstu verðin og því fylgjast starfsmenn þess náið með verðskrám samkeppnisaðilanna. Svanhvít segir verðlækkanir hjá Easy Jet undanfarið vera eina ástæðu þess að Wow Air hafi lækkað verðin hjá sér.

Samkvæmt vef Easy Jet er ódýrasta fargjaldið í júní til London á 9.992 krónur (63,21 evrur) en þó bara á einni dagsetningu. Annars eru verðin í kringum fjórtán þúsund krónur hjá breska félaginu fyrir far aðra leiðina. Hjá Wow Air er fjöldi ferða á undir tíu þúsund í allt sumar. En eins og áður segir eru bókunar- og farangursgjöld ekki innifalin í verðum félaganna tveggja.

Mikil fjölgun ferða

Í síðustu viku birti Túristi sína mánaðarlegu verðkönnun á fargjöldum. Niðurstaðan var sú að ódýrustu farmiðar til London í júní og ágúst hafa lækkað í samanburði við sama tíma í fyrra hjá Easy Jet, Icelandair og Wow Air. Ein af ástæðunum kann að vera sú að félögin hafa öll fjölgað ferðum sínum milli Keflavíkur og London. Engin þó meira en Wow Air sem flýgur leiðina núna tólf sinnum í viku sem er fjórum sinnum oftar en síðasta sumar.

Í byrjun næsta árs ætla Easy Jet og Icelandair að fjölga ferðunum enn frekar og þá verða farnar sex ferðir á dag frá Keflavík til flugvallanna í kringum bresku höfuðborgina. Það er tvöfalt meira en var í boði í fyrra.

Fylgstu með Túrista á Facebook

TENGDAR GREINAR: Framboð á ferðum til London tvöfaldast
HÓTEL: Hvar er ódýrast að gista í London?
BÍLALEIGA: Rentalcars lofar lægsta verðinu

Mynd: Visit London

Nýtt efni

Vaxandi óánægju gætir meðal leigusala og húsnæðismiðlara í Bandaríkjunum með það ægivald sem Airbnb hefur á skammtímaleigumarkaðnum. Margir eru sagðir leita leiða til að afla leigutekna utan eða meðfram kerfi bandaríska risans, sem gerir stöðugt meiri kröfur til þeirra sem leigja út vegna þrýstings frá samfélögum sem stynja undan umfangi og markaðsáhrifum skammtímaleigu til ferðafólks.  …

Flugsamstæðan Air France KLM hefur greint frá því að rekstrarhagnaður á síðasta ársfjórðungi hafi minnkað um 30% og er það verri afkoma en flugmálasérfræðingar bjuggust við. Helstu skýringar eru sagðar aukinn starfskostnaður og hærra olíuverð en búist var við. Þetta er veruleiki sem önnur flugfélög hafa almennt verið að kljást við. Á öðrum ársfjórðungi nam …

Þegar stjórnendur Play kynntu í apríl sl. uppgjör fyrirtækisins fyrir fyrstu þrjá mánuði ársins þá brugðu þeir út af vananum og birtu engan árshlutareikning. Þar með fengu fjárfestar og greinendur ekki aðgang að uppfærðum efnahagsreikningi fyrir flugfélagið þar sem meðal annars eigna- og skuldastaða kemur fram. Um leið fengust ekki upplýsingar um hvert eiginfjárhlutfall félagsins …

Suður-kóreski rafhlöðuframleiðandinn LG Energy Solution (LGES) á í viðræðum við þrjá ónefnda kínverska birgja um að framleiða ódýrar bílarafhlöður fyrir Evrópumarkað og bregðast þannig við hærri verndartollum Evrópusambandsins á rafbíla frá Kína.  Þetta hefur Reuters-fréttastofan eftir háttsettum heimildarmanni innan LGES, sem er í hópi stærstu rafhlöðuframleiðenda heims ásamt CATL í Kína, Panasonic í Japan og …

Þó margir njóti guðaveiga í sumarfríinu þá er hásumarið rólegur tími í heimi vínviðskipta. Það er löngu búið að ganga frá sölu á framleiðslu liðins árs en beðið tíðinda af næstu vínuppskeru. Þegar horft er á heildina þá hefur dregið úr vínsölu vegna efnahagsþrenginga og breyttra neysluhátta. En loftslagsbreytingar valda vínbændum víða erfiðleikum og hafa …

Það kemur skýrt fram í afkomutölum rafbílaframleiðandans Tesla að hægt hefur á orkuskiptum í bílasamgöngum. Á fyrri helmingi ársins hefur Tesla selt um 831 þúsund rafbíla en Elon Musk hafði spáð því að á árinu öllu myndu seljast um 1,8 milljónir bíla. Það vantar því enn mikið upp á að sú spá rætist. Sala Tesla …

Áður en Play fór í loftið sumarið 2021 var efnt til hlutafjárútboðs þar sem söfnuðust 10 milljarðar króna. Umsjón með útboðinu höfðu Arctica Finance og Arion banki en þessi tvö fjármálafyrirtæki komu einnig að fjármögnun Wow Air á sínum tíma. Í útboði meðal almennings reyndist umframeftirspurnin áttföld. Í kynningarefni sem fylgdi hlutafjárútboðinu var aðeins ein …

„Okkur er ánægja að tilkynna um fjölgun A350-900-véla í utanlandsflugi og A321neo í innanlandsflugi,“ segir Yukio Nakagawa, innkaupastjóri Japan Airlines, í tilkynningu félagsins um samninga við Airbus um kaup á nýjum þotum. „Með því að flýta því að taka í notkun nýjustu og sparneytnustu flugvélarnar viljum við veita viðskiptavinum okkar besta hugsanlegu þjónustu um leið …