Samfélagsmiðlar

Aukin samkeppni í spilunum ef ekkert verður úr einkaleyfi

Samkeppniseftirlitið leggst gegn einkaleyfi á áætlunarferðum milli höfuðborgarsvæðisins og Keflavíkurflugvallar. Tvö fyrirtæki sinna akstrinum í dag og fleiri kunna að bætast við ef innanríkisráðuneytið tekur undir með Samkeppniseftirlitinu.

Sex fyrirtæki tóku þátt í útboði Sambands sveitarfélaga á Suðurnesjum þegar lýst var eftir tilboðum í einkaleyfi á áætlunarferðum milli höfuðborgarsvæðisins og Keflavíkurflugvallar. Útboðið var kært og í síðustu viku úrskurðaði Samkeppniseftirlitið að stöðva þyrfti áform um einokun í áætlunarakstri á þessari leið. Í ályktun eftirlitsins segir meðal annars að hagsmunir almennings af skilvirkri samkeppni í fólksflutningum séu fyrir borð bornir með einkaleyfinu og ferðaþjónustu á Íslandi um leið bakað alvarlegt tjón. Samkeppniseftirlitið beinir þeim tilmælum til innanríkisráðherra og Vegagerðarinnar að leita þegar í stað allra leiða til þess að stöðva áform Sambands sveitarfélaga á Suðurnesjum um að koma á einokun á áætlunarleiðinni milli Flugstöðvar Leifs Eiríkssonar og Reykjavíkur.

Þriðji aðilinn íhugar akstur

Tvö fyrirtæki hafa sinnt akstrinum á þessari leið hingað til, Flugrútan á vegum Kynnisferða og Airport Express á vegum Allrahanda. Þórir Garðarsson, framkvæmdastóri Allrahanda, segir við Túrista að það hafi legið fyrir í nokkurn tíma að niðurstaða Samkeppniseftirlitsins myndi verða á þennan veg. Hann telur að tilboðin sem bárust í útboðinu hafi verið óraunhæf og engin geti staðið undir þeim með þeim hætti sem þarf. Hann hefur ekki trú á að verð lækki á þessari leið en sér heldur ekki fram á hækkanir.

Óskar Stefánsson, framkvæmdastjóri Bíla og fólks, sem átti næst lægsta tilboðið í útboðinu, segir að fyrirtækið sé að íhuga að hefja áætlunarferðir á milli höfuðborgarsvæðisins og Flugstöðvar Leifs Eiríkssonar á næsta ári.

Hvað verður um einkastæðið?

Fyrir nærri ári síðan var tekið fyrir akstur áætlunarbifreiða við Leifsstöð. Flugfarþegar sem vilja nýta sér almenningssamgöngur verða því að ganga yfir skammtímabílastæðið til að komast um borð í rútu. Í útboðsgögnum á einkaleyfinu er gert ráð fyrir því að sá sem hneppir hnossið fá sérstæði við enda flugstöðvarinnar fyrir rútur sínar. Stæðið er ekki í notkun í dag og samkvæmt svari frá Isavia þá er beðið eftir ákvörðun Sambands sveitarfélaga á Suðurnesjum, innanríkisráðuneytisins og Vegagerðarinnar varðandi næstu skref í útboðsmálunum. Þangað til verða farþegar að gera sér að góðu að ganga með farangurinn sinn í öllum veðrum yfir bílastæði til að komast um borð í áætlunarbíla.

TILBOÐ: Afsláttur á hótelum, frír morgunmatur og fleira
HÓTEL: Finndu ódýr hótel út um allan heim

Mynd: Wikicommons

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …