Samfélagsmiðlar

Telja Danmörku ekki vera peninganna virði

Prísarnir eru of háir og þjónustan léleg. Þetta eru niðurstöður könnunar sem gerð var meðal túrista í Danmörku. Forsvarsmenn ferðaþjónustunnar þar í landi eru skúffaðir og vilja ráðast í átak til að koma í veg fyrir hrun í geiranum.

Fyrir tólf árum síðan var verðlagið í Danmörku um 30 prósentum hærra en almennt gerist í Evrópusambandinu. Núna er munurinn 42 prósent og mörgum túristum þykir maturinn, þjónustan og ferðamannastaðirnir í landinu ekki standa undir háa verðinu. Þetta kemur fram í frétt Business.dk þar sem fjallað er um nýja skýrslu um ástandið í ferðaþjónustu Danmerkur. Skýrslan kemur í kjölfar falleinkunnar Dana hvað gestrisni varðar í samantekt World Economic Forum í vor sem kallaði á töluverða naflaskoðun meðal ferðamálafrömuða. Íslendingar fengu hins vegar hæstu einkunn.

Vilja lægri skatta og gjöld

Frá aldarmótum hefur gistnóttum á dönskum hótelum fækkað um tvo af hundraði en á sama tíma hefur þeim fjölgað um rúm fimm prósent í allri Evrópu. Danir eru því að dragast aftur út úr og í haust ætlar ríkisstjórnin að leggja fram áætlun um hvernig hægt er að snúa vörn í sókn. Innan ferðaþjónustunnar vonast fólk til þess að áætlunin feli í sér lægri virðisaukaskatt og umhverfisgjöld. Í frétt Business.dk kemur fram að ef Dönum tekst að fjölga ferðamönnum álíka mikið og nágrönnum þeirra hefur tekist þá verða til allt að sex þúsund ný störf í landinu.

Höfundar skýrslunnar eru þó ekki vissir um skattabreytingar dugi til og mæla með að á næstu fimm árum verði 10.000 manns úr ferðaþjónustunni sendir í endurmenntun til að læra hvernig á að veita góða þjónustu.

Fylgstu með Túrista á Facebook

TILBOÐ: Viltu afslátt af gistingu, frían morgunmat eða ókeypis freyðivín upp á herbergi?
HÓTEL: Einföld leit að ódýrum hótelum út um allan heim

Mynd: Copenhagen Media Center

Nýtt efni

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …