Samfélagsmiðlar

Ódýrasta farið hækkar þó ferðunum fjölgi

Easy Jet, Icelandair og Wow Air hafa öll fjölgað ferðum sínum frá Keflavík til Lundúna. Þrátt fyrir það hafa ódýrstu fargjöld til borgarinnar í haust hækkað töluvert frá því í fyrra.

Ódýrasta farið til London og tilbaka, fyrstu vikuna í október í fyrra, kostaði 31.900 krónur. Það var Iceland Express sem bauð best samkvæmt verðkönnun Túrista þann 5. september 2012. Í dag er það Wow Air sem er með lægsta verðið þessa sömu viku. Farmiðinn, að viðbættum innrituðum farangri, kostar rúmar þrjátíu og sex þúsund krónur eins og sjá má á töflunni hér fyrir neðan. Ferðunum til London hefur fjölgað töluvert frá því í fyrra þrátt fyrir að Iceland Express hafi lagt upp laupana. Ferðum Wow Air eru nú tólf en voru tvær, Icelandair hefur fjölgað um allt að fimm á viku og Easy Jet um eina.

Icelandair er með lægsta farið til Kaupmannahafnar og Oslóar eftir fjórar vikur en Wow Air og Norwegian ef farið er út í lok nóvemer eins og sjá má á næstu síðu.

Þróun fargjalda í viku 40 (30.september-6. október) milli ára þegar bókað er með fjögurra vikna fyrirvara

2013

2012Breyting
London:
Easy Jet43.128 kr.34.357 kr.+26%
Icelandair40.510 kr.63.150 kr.-36%
Wow Air36.268 kr.32.928 kr.+10%
Kaupmannahöfn:
Icelandair39.340 kr.38.960 kr.+ 1%
Wow Air39.998 kr.Wow flaug ekki til Kaupmannahafnar
Osló:
Icelandair34.970 kr.Osló var ekki hluti af verðkönnuninn í fyrra
Norwegian43.505 kr.
SAS69.176 kr.

Túristi hefur gert mánaðarlegar verðkannanir á flugi til Kaupmannahafnar og London í rúmt ár en Osló bættist við nýlega. Það er því ekki til samanburður á fargjöldum til Osló milli ára. Í verðkönnununum eru fundin ódýrustu fargjöldin, báðar leiðir, innan ákveðinnar viku og farangurs- og bókunargjöld eru tekin með í reikninginn.

Á næstu síðu má sjá þróun verðgjalda í viku 48 og hvaða félög bjóða lægstu fargjöldin til Kaupmannahafnar, London og Osló í lok nóvember. Smelltu hér.

HÓTEL: Berðu saman verð á ódýrum hótelum út um allan heim
BÍLALEIGUBÍLAR: Bókaðu bílaleigubíl fyrir sumarfríið

 

Nýtt efni

Norska flugfélagið Norwegian gerði upp annan ársfjórðung í gær en hlutabréf í félaginu féllu um 16 prósent í síðustu viku þegar afkomuspá ársins var lækkuð. Fjárfestar tóku þó uppgjör gærdagsins vel því bréfin hækkuðu um fimm af hundraði. Niðurstaðan hljóðaði upp á 477 milljónir norskra króna í hagnað fyrir skatt eða 6,1 milljarð íslenskra kr. …

Play mun fækka flugferðunum sínum til Norður-Ameríku um fjórðung í vetur í samanburði við þann síðasta líkt og FF7 greindi frá. Til viðbótar hefur félagið gert breytingar á flugáætlun sinni til Evrópu. Í sumum tilfellum fjölgar ferðunum en þeim fækkar í öðrum. Þannig gerir áætlunin fyrir september ráð fyrir tíu prósent færri ferðum en í …

Play er með fjóra áfangastaði Bandaríkjunum og einn í Kanada og býður félagið nú upp á daglegar ferðir til þeirra allra nærri allt árið um kring. Yfir vetrarmánuðina hefur Play þó dregið úr framboði en næsta vetur verður niðurskurðurinn meiri en áður. Næstkomandi nóvember er aðeins reiknað með 99 brottförum frá Keflavíkurflugvelli til Bandaríkjanna og …

Nú í vikunni hafa mælingar í Noregi og Bandaríkjunum sýnt að verðlag í þessum tveimur löndum hjaðnar hraðar en greinendur höfðu reiknað með. Það sama er upp á teningnum í Svíþjóð en í morgun birti hagstofan þar í landi nýjar verðlagsmælingar sem sýna að verðbólga sl. 12 mánuði mælist nú 2,6 prósent. Ef vaxtakostnaður er …

Gengi hlutabréf í Icelandair hefur nú fallið um 61 prósent síðustu 12 mánuði og kostar hver hlutur í dag 86 aura. Í hlutafjárútboðinu sem efnt var til í september 2020, til að koma flugfélaginu í gegnum heimsfaraldurinn, var hluturinn seldur á 1 krónu. Stuttu eftir útboðið fór gengið eins langt niður og það er í …

Á fyrri helmingi ársins komu aðeins færri Bandaríkjamenn til Íslands en á sama tíma í fyrra þrátt fyrir tíðari flugferðir. Há verðbólga vestanhafs er væntanlega ein af skýringunum á þessum samdrætti enda hafa skuldsettir Bandaríkjamenn nú minna á milli handanna. Nú gæti hagur þess hóps vænkast því verðlag í Bandaríkjunum lækkaði meira í síðasta mánuði …

Vestanhafs er hefur ekkert flugfélag verið rekið með meiri hagnaði en Delta síðustu ár. Á nýafstöðnum öðrum ársfjórðungi, apríl til júní, voru tekjur félagsins hærri en nokkru sinni áður á þessum hluta árs en aftur á móti var kostnaðurinn líka hærri. Þar með lækkaði hagnaðurinn um 30 prósent á milli ára samkvæmt uppgjöri sem flugfélagið …

Þessa dagana er mikið rætt um samdrátt í íslenskri ferðaþjónustu miðað við síðasta ár en þá er einblínt á að vöxturinn haldi ekki áfram á sama hraða og hann hefur gert eftir heimsfaraldur. Ef bornar eru saman tölur um komur erlendra ferðamanna á fyrstu fimm mánuðum þessa árs miðað við sama tímabil 2019 sést að …