Samfélagsmiðlar

Hækkar fargjaldið því oftar sem þú leitar?

Flugfélög eru stundum grunuð um að nýta sér vefkökur til að verðleggja farmiða fyrir hvern og einn. Upplýsingafulltrúi Icelandair segist ekki þekkja til þess háttar tækni.

Það kannast líklega allir ferðalangar við hversu tímafrekt það getur verið að leita uppi hagstæðasta farið úr landi. Fólk eyðir löngum stundum á netbókunarvélum flugfélaganna til að gera verðsamanburð og finna bestu dagsetningarnar. Síðan ber það ferðaáætlunina undir samferðafólkið og loks þegar komið er að því að bóka þá hefur flugið hækkað óþægilega mikið.

Og þeir eru greinilega margir sem gruna flugfélögin um græsku í þessum efnum. Því sá orðrómur hefur lengi verið í gangi að félögin fylgist með heimsóknum á heimasíðuna sína með svokölluðum vefkökum. Þannig geti þau hækkað fargjaldið þeim mun oftar sem bókunarvélin er notuð í viðkomandi tölvu.

Ekki í notkun hér

„Við könnumst ekki við þá tækni sem þarna er lýst og höfum að sjálfsögðu aldrei notað hana“, segir Guðjón Arngrímsson, upplýsingafulltrúi Icelandair, þegar Túristi bar þessar sögusagnir undir hann. Kollegar Guðjóns hjá Norwegian og SAS tóku í sama streng þegar málið var til umfjöllunar í norska blaðinu Aftenposten. Þau segja að fargjaldið ráðist meðal annars af framboði, eftirspurn, tilboðum og tímasetningum en ekki af fjölda heimsókna einstakra kúnna á heimasíðu félaganna.

Fundu engar vísbendingar um njósnir

Í lok síðasta árs könnuðu sérfræðingar bresku neytendastofunnar (Office of Fair Trading) hvort forsvarsmenn netverslana nýti vefkökur til að fylgjast með kúnnunum og ákveði verð út frá þeim upplýsingum sem þær hafa um netnotkunina. Niðurstaða rannsóknarinnar var sú að fyrirtæki notfæra sér ekki þessar upplýsingar til að hækka verð. Í skýrslunni segir jafnframt að verðlagning á vörum með takmarkaðan líftíma, t.d. farmiðum, sé alla jafna breytileg eftir því sem nær líður síðasta söludegi. Samkvæmt frétt Aftenposten var sambærileg könnun gerð í Hollandi nema þar var einblínt á heimasíður flugfélaga. Niðurstaðan var sú sama og í bresku könnuninni.

Nýtt efni

Biðinni er brátt lokið og eftirvæntingarfullir aðdáendur írska rithöfundarins Sally Rooney getað andað léttar því að í liðinni viku var tilkynnt af The Wylie Agency, umboðsskrifstofu rithöfundarins, að ný bók væri væntanleg frá henni þriðjudaginn 24. september 2024.  Alex Bowler, talsmaður Faber & Faber, enska forlags rithöfundarins, sendi líka frá sér tilkynningu í tilefni af væntanlegri  …

Farþegar á Keflavíkurflugvelli gátu að jafnaði valið á milli nærri 10 brottfara á dag til höfuðborgar Bretlands í síðasta mánuði. Þetta er viðbót um eina ferð frá sama tíma í fyrra ef tillit er tekið til þess að nú er hlaupaár. London var sú borg sem oftast var flogið til frá Keflavíkurflugvelli í febrúar samkvæmt …

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …