Samfélagsmiðlar

Air Canada bakkar á meðan Icelandair sækir fram

Stjórnendur stærsta flugfélags Kanada segja vetrarflug milli Edmonton og London ekki borga sig. Forsvarsmenn Icelandair ætla samt að fjölga ferðum til kanadísku borgarinnar umtalsvert þó enn séu nokkrir mánuðir í jómfrúarflug félagsins þangað.

Í byrjun september var tilkynnt að Edmonton í Kanada yrði nýr áfangastaður Icelandair og flogið yrði þangað fjórum sinnum í viku frá lokum marsmánaðar og fram til áramóta. Í síðustu viku gáfu stjórnendur Air Canada það út að félagið ætli að draga saman seglin í Edmonton og fella niður flug þaðan til London frá áramótum og fram á vor. Er haft eftir talsmanni félagsins í frétt Edmonton Journal að það hafi reynst erfitt að reka þessa flugleið með hagnaði yfir vetrarmánuðina.

Forsvarsmenn Icelandair virðast hins vegar sjá tækifæri í auknum umsvifum í Edmonton því í gær var tilkynnt að félagið ætli að fljúga til kanadísku borgarinnar allt árið um kring og hefur jómfrúarferðinni verið flýtt um nokkrar vikur. „Ég minnist þess ekki að félagið hafi fjölgað ferðum og lengt tímabil með þessum hætti áður en flug hefst, þannig að þetta lofar góðu. Við reynum að fylgjast með því sem er að gerast á mörkuðunum og vera fljót að bregaðst við,” segir Guðjón Arngrímsson, upplýsingafulltrúi Icelandair, aðspurður um hvort það sé ekki óvenjulegt að fjölga ferðum á nýjan áfangastað áður en áætlunarflugið hefst.

Ergelsi í Edmonton

Niðurfellingar á ferðum Air Canada til London mælast illa fyrir í Edmonton samkvæmt frétt Edmonton Journal. Formaður viðskiptaþróunarnefndar borgarinnar segir ákvörðunina fáranlega og sýna að Air Canada leggi meiri áherslu á að fjölga farþegum í nágrannaborginni Calgary. Talsmaður Edmonton-flugvallar tekur í sama streng og segir flugið til London hafa notið mikilla vinsælda. Þess má geta að Icelandair hefur síðastliðna tólf mánuði fjölgað vikulegum ferðum sínum til bresku höfuðborgarinnar úr fjórtán í nítján.

NÝJAR GREINAR: AUÐVELT AÐ FINNA ÓDÝRARI BÍLALEIGUBÍL Í ORLANDO
HÓTEL: 15% AFSLÁTTUR Á GÓÐU HÓTELI Í KAUPMANNAHÖFN

Mynd: Edmonton Tourism

Nýtt efni

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …