Samfélagsmiðlar

Tveir dagar í Toronto

Það er flogið beint frá Keflavík til stærstu borgar Kanada allt árið um kring. Hér er tveggja daga dagskrá fyrir þá sem vilja sjá margt en verja sem minnstum tíma í leigubílum og lestum.

 

Nærri helmingur þeirra sex milljóna manna sem búa í Toronto er ekki fæddur í Kanada og í borginni eru töluð meira en 180 tungumál. Þessi stórborg býður því upp á mjög fjölskrúðugt mannlíf, ólík hverfi og frábæran mat frá öllum heimsins hornum.

Dagur 1

Hakað við turninn

Í rúma þrjá áratugi var hinn 553 metra hái CN Tower hæsti turn í heimi. Daglega taka þúsundir manna lyftu upp í glerkúluna á hæð númer 114 þaðan sem útsýnið yfir borgina og Ontario vatn er kyngimagnað og 3700 króna virði. Til að minnka líkurnar á langri bið í afgreiðslunni er skynsamlegt að koma snemma og kaupa miða á netinu. Það er opið frá níu að morgni og fram til ellefu á kvöldin.

Tískuhverfið

Þegar komið er niður á jörðina á ný er haldið í vestur eftir Front Street, upp Spadina Avenue og inn King Street. Þar er hjarta Fashion District sem var áður þekkt fyrir blómlega fataframleiðslu en nú eru það búðirnar sem hafa tekið yfir.

Vinsælt bístró í hádeginu

Frakkinn Frédéric Geisweiller hefur staðið vaktina lengi á Le Select bistróinu sínu við 432 Wellingston Street West. Hann vísar fólki til sætis á þessum fallega veitingastað sem hann hefur innréttað í gamalli prentsmiðju. Hádegisseðillinn er það sneisafullur af stórum og smáum klassískum frönskum réttum, t.d. Croque Monsieur (14 dollara) og Confit de Canard (18 dollara). Á kvöldin kostar þriggja rétta máltíð um 50 dollara (5800 kr). Staðurinn er stór en það borgar sig að gera boð á undan sér, sérstaklega á kvöldin og ef þú vilt sitja úti.

Ontario Art Gallery

Stjörnuarkitektinn Frank Gehry er einn þekktasti sonur Toronto og það lá því vel við að fá hann til byggja við eitt af helstu listasöfnum borgarinnar. Afraksturinn er afskaplega þægileg safnabygging sem rúmar nokkrar ólíkar sýningar og auðvitað kaffihús, veitingahús og verslanir.

Kínahverfið og Kensington market

Það eru fjögur hverfi í Toronto sem gera tilkall til Chinatown nafnbótarinnar en svæðið sem liggur rétt vestan við Ontario Art Gallery er aðal Kínahverfi borgarinnar. Hér eru búðir og veitingastaðir merktir með kínverskum táknum og alls kyns varningi er stillt út á stétt. Við Kínahverfið blandast Kensington market, þekktasti markaður borgarinnar, en hann minnir um margt á Camden markaðinn í London þar sem fókusinn er á notuð föt og mubblur. Hér standa hlið við hlið veitingafólk og kaupmenn sem eiga ættir að rekja til allra heimsins horna.

Bar Isabel

Það er hægt að fá tapas mjög víða en við College Street númer 797 hefur kokknum tekist sérstaklega vel að útbúa þessa þekktu spænsku rétti með skemmtilegum brag. Matseðillinn er breytist reglulega en þeir sem vilja borða vel og mikið á óformlegum en fjörugum veitingastað verða ekki sviknir af Bar Isabel. Hér borgar sig að panta borð því staðurinn er mjög vinsæll.

Dagur 2.

Mest sótta safnið

Bygging Royal Ontario Museum setur sterkan svip á Bloor street í norðurhluta miðborgarinnar og því er víða haldið fram að safnið sé eitt af skyldustoppunum í Toronto. Árlega borga rúmlega milljón gestir sig inn á sýningar tengdar risaeðlum, steingervingum og manninum í nútið og fortíð. Það er tilvalið að fá sér léttan hádegisverð á kaffihúsi safnsins áður en lengra er haldið.

Stórverslanir við Bloor Street

Nokkrar af þekktustu verslunarkeðjum heims eru nágrannar Royal Ontario Museum við Bloor Street. Og þar sem búðaráp er hluti af borgarferðum margra þá er ekki ólíklegt að sumir vilji gefa sér tíma hér til að kanna úrvalið.

Aðalfjörið í Toronto

Eftir að stórar keðjur eins og H&M og Starbucks fóru að koma sér fyrir á vesturhluta Queen street flúðu litlu verslanirnar og veitingastaðirnir enn vestar á götuna þar sem áður þótti alls ekki fínt að búa. Í dag er vestasti hluti Queen Street hins vegar rómaður fyrir hugmyndaauðgi þess athafnafólks sem hefur opnað þar búðir, gallerí, bari, hótel og veitingastaði. Það er því ekki úr vegi að rölta rólega niður Queen Street W frá Bathurst Street og niður að Gladstone Avenue og velja sér staði til að kynnast nánast. Þeir sem vilja búa á þessu vinsæla svæði ættu að bóka herbergi á Gladstone Hotel eða Drake Hotel.

Icelandair býður upp á flug til Toronto allt árið.

Sjá einnig vegvísi fyrir Toronto

HÓTEL: Berðu saman verð á ódýrum hótelum út um allan heim
BÍLALEIGUBÍLAR: Bókaðu bílaleigubíl fyrir sumarfríið

Myndir: Ferðamálaráð Toronto, Le Select Bistro og Drake Hotel

Nýtt efni

Fyrstu fimm mánuði ársins hefur verð á flugmiðum frá Íslandi til útlanda verið ódýrara en á sama tímabili í fyrra. Í maí lækkaði verðið um 5,7 prósent samkvæmt nýjum mælingum Hagstofunnar en til samanburðar hækkaði verðlag almennt um 6,2 prósent á milli ára. Verðmælingar Hagstofunnar ná til fleiri flugfélaga en þeirra íslensku en þau standa …

Þess hefur verið beðið að Framkvæmdastjórn Evrópusambandsins tilkynnti um refsitolla á innflutning kínverskra rafbíla. Kínversk stjórnvöld hafa verið sökuð um óeðlilega mikinn ríkisstuðning við innlenda framleiðendur og var þetta meðal umræðuefna í Evrópuferð forseta Kína nýverið. Ný tollheimta myndi þýða milljarða evra aukalegar álögur á kínverska rafbílaframleiðendur.  Xi-Jingping, forseti Kína - MYND: Britta Pedersen/dpa-Zentralbild/dpa/Alamy Nú …

Það er stundum margt um ferðamanninn á Skólavörðustíg og á Laugavegi. Einhverjir tuða vegna þessa, segjast vilja endurheimta miðborgina, en fleiri gera sér grein fyrir því að ferðamenn hafa glætt miðborgina nýju lífi. Það er svo annað mál að ferðamannafjöldi leiðir gjarnan til einhæfni í þjónustu: Ferðamannamenn í miðborginni - MYND: ÓJ Minjagripaverslunum fjölgar óhæfilega, …

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …