Samfélagsmiðlar

Aukinn áhugi á skíðaferðum til Bandaríkjanna

Klettafjöllin standa þétt að baki Denver í Colorado og í hlíðunum eru að finna fjölmörg skíðasvæði. Það stefnir í að Íslendingar fjölmenni í brekkurnar í vetur sem aldrei fyrr.

Bjartviðri og púðursnjór einkenna skíðasvæðin í Klettafjöllum að sögn heimamanna og þar er að finna nokkra af þekktustu skíðastöðum Bandaríkjanna, til dæmis Aspen og Vail. Í maí í fyrra hóf Icelandair að fljúga beint til Denver í Colarado fylki og þar með varð leiðin í brekkurnar mun styttri fyrir íslenska skíðamenn. Ferðaskrifstofan GB-ferðir hefur um langt árabil boðið upp á skíðaferðir í Klettafjöll og að sögn Jóhanns Péturs Guðjónssonar, eigenda, þá hefur áhuginn á ferðum þangað í vetur aukist. „Við erum að fá töluvert af nýjum viðskiptavinum í ár. Þetta er fólk sem er búið að fara til Evrópu í mörg ár og hefur látið sig dreyma um skíðafrí í Colorado. Það sem þau munu upplifa í vetur er gjörólíkt frá því sem það á að venjast í Evrópu“, segir Jóhann. „Ferðalangar geta verið öruggir með mjög góð snjóalög og veðráttan þarna er slík að oft er þurrt og sólríkt og snjórinn léttur og þægilegur“.

Samstarf við Hlíðarfjall

Akureyri og Denver eru vinabæir og í vetur þá fá árskorthafar í Hlíðarfjalli sérkjör á lyfukortum á Winter Park skíðasvæðinu í gegnum GB-ferðir. Winter Park er fjórða stærsta skíðasvæði Colorado og segir Jóhann einn af kostum svæðisins vera þann að biðraðir eru sjaldséðar við lyfturnar. Ástæðan er sú að svæðið er stórt og brekkurnar margar í samanburði við það gistirými sem er í boði í Winter Park.

NÝJAR GREINAR: Verðsveiflur á bílaleigum
HÓTEL: Gerðu verðsamanburð á gistingu út um allan heim

 

Mynd: GB-ferðirr

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …