Samfélagsmiðlar

Verðsveiflur hjá bílaleigum í Orlando

Það er ekki algilt að leiga á bíl á Flórída kosti meira þegar nær líður ferðalaginu.

Þú getur sparað þér umtalsverðar upphæðir með því að gera verðsamanburð á bílaleigum áður en gengið er frá pöntun á bíl á Flórída. Þetta sýndu niðurstöður verðkönnunar Túrista á bílaleigum Sanford flugvallar í október. En völlurinn er heimahöfn Icelandair í Orlando.

Núna höfum við athugað hvort leiga á bíl í 8 daga í febrúar hafi hækkað eða lækkað frá því síðast og niðurstaðan er sú að það er ekki á vísan að róa. Ennþá finnum við lægstu verðin hjá Rentalcars.com, sem sér um bílaleiguleit Túrista og verðin hjá Hertz hafa ýmist hækkað eða lækkað um mörg þúsund krónur. Aðrir standa næstum því í stað eins og sjá má á töflunni hér fyrir neðan. Það er því ekki víst að þeir sem bókuðu með góðum fyrirvara hafa fengið lægri verð en þeir sem ganga frá leigunni í dag.

Dagsetningarnar í könnuninni voru valdar af handahófi en miðað var við átta daga leigutíma í kringum flugáætlun Icelandair í Orlandó. Sambærilegar tryggingar, ótakmarkaður akstur og skattar voru hluti að leiguverðinu í öllum tilvikum.

Verð á bílaleigubílum við Sanford flugvöll í Orlandó 7. til 15. febrúar:

Meðalstór bíll (Intermediate)
Verð 2.des
Verð 17.okt
Munur
Budget.com36.057 kr.35.325 kr.+2%
Dohop.is30.828 kr.31.945 kr.-3,5%
Hertz.com59.839 kr.52.478 kr.+14%
Túristi (Rentalcars)*28.943 kr.29.243 kr.-0,01%
Stór bíll (Mini-Van)
Verð 2.des
Verð 17.oktMunur
Budget.com53.649 kr.52.560 kr.+2%
Dohop.is44.475 kr.43.844 kr.+1,5%
Hertz.com51.926 kr.68.071 kr.-2,4%
Túristi (Rentalcars)**37.317 kr.39.012 kr.-4,3%

*Rentalcars.com varð fyrir valinu þegar Túristi valdi sér samstarfsaðila til að sjá um bílaleiguleit Túrista. Verðlagið og sú staðreynd að síðan er á íslensku skiptu þar höfuðmáli.

TENGDAR GREINAR: Sex bestu fjölskylduhótelin í Orlando

Mynd: Visit Orlando

 

Nýtt efni

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …

Kínversku bílaframleiðendurnir BYD og SAIC, sem er eigandi framleiðslufyrirtækis MG-rafbílana vinsælu, hafa ekki ákveðið enn hvort verð á rafbílum sem seldir verða í Evrópu eftir 4. júlí hækka í verði. Þá tekur gildi umtalsverð hækkun tolla á kínversku rafbílana. Samkvæmt heimildum Reuters verður engin verðbreyting ákveðin fyrir þann tíma. Evrópusambandið ákvað að tollur á MG-bílum …

Gengi hlutabréfa í Norwegian féll í gærdag eftir að greinendur norska bankans DNB færðu niður verðmat sitt á félaginu úr 19 norskum krónum á hlut niður í 17 kr. Hið nýja verðmat var engu að síður 30 prósent yfir markaðsgenginu, 14 norskar kr., en engu að síður féll gengið um tíu prósent í gær og …