Samfélagsmiðlar

20 stærstu flugvellir Norðurlanda

Það fóru rúmlega 24 milljónir farþega um flugvöllinn í Kaupmannahöfn á síðasta ári og engin önnur norræn flughöfn státar af álíka fjölda. Mesta aukningin var hins vegar í Flugstöð Leifs Eiríkssonar. Sú íslenska nýtur ákveðinnar sérstöðu á Norðurlöndum.

Norðmenn fljúga mikið innanlands og níu af tuttugu stærstu flugvöllum Norðurlanda, í farþegum talið, eru í Noregi. Ísland og Finnland eigi aðeins einn fulltrúa á listanum sem birtur var á heimasíðunni Check-in.dk.

Bítast um SAS

Bilið á milli flugvallanna við höfuðborgir Noregs og Danmerkur minnkar jafnt og þétt og í Danmörku óttast ferðaþjónusta landsins að SAS muni fljótlega auka umsvif sín í Noregi á kostnað starfsseminnar í Danmörku. Ef það gengi eftir þá myndi flugvöllurinn, sem eitt sinn var kenndur við Gardermoen, fara fram úr vellinum við Kastrup og verða um leið sá stærsti á Norðurlöndum. Reyndar vilja yfirvöld í Stokkhólmi einnig fá SAS til að fljúga til fleiri staða frá Arlanda og einn af stjórnarmönnum SAS hefur verið skipaður í nefnd sem á að vinna að framgangi flugvallarins. Þessi nefndarstörf hafa valdið óánægju á meðal ferðafrömuða í Noregi og Danmörku sem segja þau valda hagsmunaárekstrum.

Sá eini sem er aðeins með millilandaflug

Á síðasta ári fjölgaði farþegum í Keflavík hlutfallslega miklu meira en á öðrum norrænum flugvöllum eins og sjá má á töflunni hér fyrir neðan. En fyrir utan ferðir Icelandair milli Akureyrar og Keflavíkur á sumrin þá er ekkert innanlandsflug í boði frá Keflavík öfugt við alla hina flugvellina á listanum.

Árlega fara á milli 400 til 500 þúsund farþegar um Reykjavíkurflugvöll og ef innanlandsflugið færðist til Keflavíkur þá myndi völlurinn aðeins færast upp um eitt sæti á listanum yfir stærstu flughafnir Norðurlanda.

20 stærstu flugvellir Norðurlanda.

FlugvöllurFjöldi farþega 2013Breyting frá 2012
1.Kaupmannahafnarflugvöllur24.067.030+3.1%
2.Oslóarflugvöllur22.956.544+4.0%
3.Arlanda í Stokkhólmi20.681.554+5.1%
4.Vantaa í Helsinki15.279.043+2.8%
5.Flesland í Bergen6.213.960+6.9%
6.Landvetter í Gautaborg5.004.093+3.1%
7.Sola í Stavanger4.668.403+5.8%
8.Værnes í Þrándheimi4.311.328+3.6%
9.Billund á Jótlandi2.829.507+3.5%
10.Keflavíkurflugvöllur2.751.743+15.6%
11.Bromma í Stokkhólmi2.279.501-0.6%
12.Skavsta við Stokkhólm2.169.587-6.4%
13.Malmö2.127.586+1.1%
14.Langnes í Tromsö1.935.419+2.5%
15.Rygge við Osló1.890.889+9.2%
16.Torp Sandefjord1.856.300+8.8%
17.Bodø í N-Noregi1.669.191-3.6%
18.Álaborg á Jótlandi1.422.289+8.7%
19.Luleå í N-Svíþjóð1.106.638+1.5%
20.Álasund V-Noregi1.077.209+7.6%

 

 

 

 

 

 

 

 

 

 

 

 

 

 

 

 

TILBOÐ: 25% AFSLÁTTUR Í LONDONÞRIÐJA NÓTTIN FRÍ Í EDINBORG
NÝJAR GREINAR: Lægsta verðið þegar engin samkeppni er um farþegana

Nýtt efni

Vaxandi óánægju gætir meðal leigusala og húsnæðismiðlara í Bandaríkjunum með það ægivald sem Airbnb hefur á skammtímaleigumarkaðnum. Margir eru sagðir leita leiða til að afla leigutekna utan eða meðfram kerfi bandaríska risans, sem gerir stöðugt meiri kröfur til þeirra sem leigja út vegna þrýstings frá samfélögum sem stynja undan umfangi og markaðsáhrifum skammtímaleigu til ferðafólks.  …

Flugsamstæðan Air France KLM hefur greint frá því að rekstrarhagnaður á síðasta ársfjórðungi hafi minnkað um 30% og er það verri afkoma en flugmálasérfræðingar bjuggust við. Helstu skýringar eru sagðar aukinn starfskostnaður og hærra olíuverð en búist var við. Þetta er veruleiki sem önnur flugfélög hafa almennt verið að kljást við. Á öðrum ársfjórðungi nam …

Þegar stjórnendur Play kynntu í apríl sl. uppgjör fyrirtækisins fyrir fyrstu þrjá mánuði ársins þá brugðu þeir út af vananum og birtu engan árshlutareikning. Þar með fengu fjárfestar og greinendur ekki aðgang að uppfærðum efnahagsreikningi fyrir flugfélagið þar sem meðal annars eigna- og skuldastaða kemur fram. Um leið fengust ekki upplýsingar um hvert eiginfjárhlutfall félagsins …

Suður-kóreski rafhlöðuframleiðandinn LG Energy Solution (LGES) á í viðræðum við þrjá ónefnda kínverska birgja um að framleiða ódýrar bílarafhlöður fyrir Evrópumarkað og bregðast þannig við hærri verndartollum Evrópusambandsins á rafbíla frá Kína.  Þetta hefur Reuters-fréttastofan eftir háttsettum heimildarmanni innan LGES, sem er í hópi stærstu rafhlöðuframleiðenda heims ásamt CATL í Kína, Panasonic í Japan og …

Þó margir njóti guðaveiga í sumarfríinu þá er hásumarið rólegur tími í heimi vínviðskipta. Það er löngu búið að ganga frá sölu á framleiðslu liðins árs en beðið tíðinda af næstu vínuppskeru. Þegar horft er á heildina þá hefur dregið úr vínsölu vegna efnahagsþrenginga og breyttra neysluhátta. En loftslagsbreytingar valda vínbændum víða erfiðleikum og hafa …

Það kemur skýrt fram í afkomutölum rafbílaframleiðandans Tesla að hægt hefur á orkuskiptum í bílasamgöngum. Á fyrri helmingi ársins hefur Tesla selt um 831 þúsund rafbíla en Elon Musk hafði spáð því að á árinu öllu myndu seljast um 1,8 milljónir bíla. Það vantar því enn mikið upp á að sú spá rætist. Sala Tesla …

Áður en Play fór í loftið sumarið 2021 var efnt til hlutafjárútboðs þar sem söfnuðust 10 milljarðar króna. Umsjón með útboðinu höfðu Arctica Finance og Arion banki en þessi tvö fjármálafyrirtæki komu einnig að fjármögnun Wow Air á sínum tíma. Í útboði meðal almennings reyndist umframeftirspurnin áttföld. Í kynningarefni sem fylgdi hlutafjárútboðinu var aðeins ein …

„Okkur er ánægja að tilkynna um fjölgun A350-900-véla í utanlandsflugi og A321neo í innanlandsflugi,“ segir Yukio Nakagawa, innkaupastjóri Japan Airlines, í tilkynningu félagsins um samninga við Airbus um kaup á nýjum þotum. „Með því að flýta því að taka í notkun nýjustu og sparneytnustu flugvélarnar viljum við veita viðskiptavinum okkar besta hugsanlegu þjónustu um leið …