Samfélagsmiðlar

Er ódýrara að leigja bíl með 3ja mánaða eða 3ja vikna fyrirvara?

Verðin á bílaleigum Flórída fer upp og niður og íslenska krónan leikur þar stóra rullu. Það er því hægt að finna ódýrari bílaleigubíla í dag en fyrir þremur mánuðum síðan. Jafnvel þó stutt sé í ferðalagið.

Frá því í haust höfum við fylgst með verðþróun á bílaleigubílum á Flórída í febrúar. Athugunin leiðir í ljós að verðin hafa oftast hækkað í dollurum talið. En þar sem íslenska krónan hefur styrkst um nærri 5 prósent á tímabilinu þá eru bílarnir í sumum tilvikum ódýrari núna en þeir voru fyrir þremur mánuðum síðan.

Eins og áður er það Rentalscars.com, sem sér um bílaleiguleit Túrista, sem býður lægsta verðið á bílaleigubílum á Sanford flugvelli, heimahöfn Icelandair í Orlandó.

Eins og sést á töflunni hér fyrir neðan þá borgar sig að nota bókunarsíður sem gera verðsamanburð á ólíkum bílaleigum því þar finnast oft mun lægri verð þó bílarnir séu frá stærstu bílaleigufyrirtækjunum. Til dæmis munar um 40 prósent á hæsta og lægsta leiguverðinu á stórum fjölskyldubíl (Mini van) í næsta mánuði.

Dagsetningarnar í könnuninni voru valdar af handahófi en miðað var við átta daga leigutíma í kringum flugáætlun Icelandair í Orlandó. Sambærilegar tryggingar, ótakmarkaður akstur og skattar voru hluti að leiguverðinu í öllum tilvikum. Miðað er við almennt gengi.

Þess má geta að margar bókunarsíður leyfa notendum að afbóka sér að kostnaðarlausu. Þannig er hægt að falla frá dýrari pöntun og bóka nýja og ódýrari.

Verð á bílaleigubílum við Sanford flugvöll í Orlandó 7. til 15. febrúar:

Meðalstór bíll (Intermediate)
Verð 15. janVerð 2.des
Verð 17.okt
Verðþróun sl. 3 mánuði
Budget.com41.336 kr.36.057 kr.35.325 kr.+17%
Dohop.is29.571 kr.30.828 kr.31.945 kr.-7,4%
Hertz.com58.474 kr.59.839 kr.52.478 kr.+11,4%
Túristi (Rentalcars)28.295 kr.28.943 kr.29.243 kr.-3%

 

Stór bíll (Mini-Van)Verð 15. jan
Verð 2.des
Verð 17.oktVerðþróun sl. 3 mánuði
Budget.com61.189 kr.53.649 kr.52.560 kr.+6,9%
Dohop.is46.150 kr.44.475 kr.43.844 kr.+11%
Hertz.com53.764 kr.51.926 kr.68.071 kr.-3,5%
Túristi (Rentalcars)37.483 kr.37.317 kr.39.012 kr.-4,3%

TENGDAR GREINAR: Sex bestu fjölskylduhótelin í Orlando

Mynd: Visit Orlando

 

Nýtt efni

Heldur færri beiðnum um vegabréfsáritun var hafnað á Schengen-svæðinu 2023 miðað við árið á undan, 1,6 milljónum eða 15,8 prósentum af heildarfjölda áritana í stað 17,9 prósenta. Flestum beiðnum var að venju hafnað í Frakklandi eða 436.893, samkvæmt frétt SchengenNews, en Frakkar taka líka við flestum beiðnum. Þau ríki sem koma næst á eftir á …

Þegar nýtt íslenskt flugfélag fer í loftið þá er Kaupmannahöfn ávallt meðal fyrstu áfangastaða. Þannig var það í tilfelli Iceland Express, sem þó var ekki fullgilt flugfélag, Wow Air og Play. Hjá öllum þremur var stefnan ekki sett á Stokkhólm fyrr en fleiri þotur höfðu bæst í flotann. Play fór sína fyrstu ferð til sænsku …

Árið 2023 varð landsvæði sem nam tvöfaldri stærð Lúxemborgar eldum að bráð í Evrópu - meira en hálf milljón hektara gróðurlendis eyðilagðist. Samkvæmt upplýsingum Evrópska upplýsingakerfins um gróðurelda (European Forest Fire Information System - EFFIS) voru 37 prósent umrædds lands þakin runnum og harðblaðaplöntum en á 26 prósentum óx skógur.  Auk gríðarlegs tjóns vistkerfisins fylgdu …

Kopar er nú meðal eftirsóttustu hráefna í iðnaði og verð á honum hækkar ört - svipað og gerðist með hráolíuna á áttunda áratugnum eftir að olíuframleiðendur í Arabalöndunum settu viðskiptabann á Bandaríkin og bandalagsríki þeirra vegna stuðnings við Ísrael í Yom Kippur-stríðinu. Mikil hækkun á verði kopars á mörkuðum skýrist raunar að hluta af auknum …

Ísland komst fyrst á kortið hjá United Airlines vorið 2018 þegar félagið hóf áætlunarflug hingað frá New York. Síðar bætti bandaríska flugfélagið við ferðum hingað frá Chicago og í báðum tilvikum voru brottfarir í boði frá frá vori og fram á haust. Í fyrra varð ekkert út Íslandsflugi United frá New York en í lok …

Ferjan Sæfari leggst að bryggju í Sandvík, þorpi Grímseyjar, um hádegisbil eftir um þriggja klukkustunda siglingu frá Dalvík. Ferjan stoppar ekki lengi í eyjunni í þetta sinn heldur leggur aftur af stað frá Grímsey klukkan 14. Dagsferðalangar í Grímsey á veturna stoppa því aðeins í tæpar tvær klukkustundir í eyjunni en leggja á sig meira …

Mótun ferðamálastefnu fyrir Ísland til ársins 2030 var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira en 100 manns að þeirri vinnu. Drög að tillögu til þingsályktunar voru birti í febrúar og …

Þrátt fyrir takmarkað framboð á flugi innan Evrópu þá eru fargjöld ekki á uppleið og verðþróunin er neytendum í hag nú í sumarbyrjun að sögn forstjóra og fjármálastjóra Ryanair sem kynntu nýtt ársuppgjör félagsins nú í morgun. Reikningsár þessa stærsta lágfargjaldaflugfélags Evrópu lauk í lok mars sl. og þar var niðurstaðan hagnaður upp á 1,9 …