Samfélagsmiðlar

Á netið hjá Icelandair

Nú er hægt að komast í netsamband í stórum hluta flugflota Icelandair. Túristi prófaði þjónustuna.

Samband fólks við netið er orðið það náið að jafnvel í háloftunum stendur til boða að tengjast því. Vestanhafs hafa farþegar um árabil getað borgað fyrir aðgang að netsambandi en þróunin hefur verið hægari innan Evrópu.

Hjá Icelandair er nú unnið að því að setja upp þráðlausan búnað í þoturnar og verður félagið eitt af þeim fyrstu í Evrópu til að netvæða allan flotann sinn samkvæmt því sem Túristi kemst næst.

Um borð í um helmingi vélanna er nú þegar hægt að nýta sér þessa nýju þjónustu og prófaði útsendari Túrista hana um daginn. Það er skemmst frá því að segja að þessi nýbreytni lofar góðu. Sambandið var virkt á meðan vélin flaug í fullri hæð og slitnaði aldrei. Tengingin er nógu hröð fyrir tölvupósta, heimasíður með stórum myndum og þar sem hún er stöðug er hægt að uppfæra heimasíður eins og þessa hér og hlusta á músík af netinu.

Það er tekið fram í vélum Icelandair að tengingin henti fyrir almenna netnotkun en síður fyrir þunga vinnslu. Farþegar ættu því ekki að reikna með því að geta streymt kvikmyndir eða sent stórar skrár niður úr háloftunum. Netið hjá Icelandair er því sambærilegt við það sem er í boði hjá flugfélögum og lestarfyrirtækjum sem hafa ráðist í að gera farþegum kleift að drepa tímann á ferðalaginu á netinu.

Túristi borgaði 9 evrur (um 1400 krónur) fyrir að aðganginn og gildir hann fyrir eitt tæki. Samkvæmt upplýsingum frá Icelandair verður verðið á þessari þjónustu breytilegt. Guðjón Arngrímsson, upplýsingafulltrúi félagsins, segir að viðtökur farþega hafi verið mjög jákvæðar en enn séu hnökrar á þjónustunni og unnið er að því að auka öryggi tengingarinnar.

Reiknað er með að vinna við að netvæða allan flugflotann ljúki þegar líður á árið.

 

Nýtt efni

Biðinni er brátt lokið og eftirvæntingarfullir aðdáendur írska rithöfundarins Sally Rooney getað andað léttar því að í liðinni viku var tilkynnt af The Wylie Agency, umboðsskrifstofu rithöfundarins, að ný bók væri væntanleg frá henni þriðjudaginn 24. september 2024.  Alex Bowler, talsmaður Faber & Faber, enska forlags rithöfundarins, sendi líka frá sér tilkynningu í tilefni af væntanlegri  …

Farþegar á Keflavíkurflugvelli gátu að jafnaði valið á milli nærri 10 brottfara á dag til höfuðborgar Bretlands í síðasta mánuði. Þetta er viðbót um eina ferð frá sama tíma í fyrra ef tillit er tekið til þess að nú er hlaupaár. London var sú borg sem oftast var flogið til frá Keflavíkurflugvelli í febrúar samkvæmt …

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …