Samfélagsmiðlar

Tugprósenta lækkun á farmiðum

Það er flogið mun oftar héðan til Lundúna nú en á sama tíma í fyrra. Ódýrustu fargjöld félaganna þriggja sem fljúga til borgarinnar hafa lækkað um nærri fjörtíu prósent milli ára. Farmiðar til Kaupmannahafnar og Oslóar lækka líka.

Fyrir ári síðan kostaði ódýrasta farið til London eftir fjórar vikur tæpar 58 þúsund krónur. Í dag er hins vegar hægt að bóka flug til borgarinnar fyrir um 42 þúsund með svo skömmum fyrirvara. Lægstu verð Icelandair og Wow Air hafa lækkað um rúmlega fjórðung frá könnun Túrista fyrir ári síðan og hjá Easy Jet kostar ódýrasta farið nærri þrjátíu þúsund krónum minna en í fyrra eins og sjá má á töflunni hér fyrir neðan.

Líkt og greint var frá hér á síðunni nýverið þá hefur framboð á flugi til London meira en tvöfaldast síðustu tvö ár og eru vikulegar ferðir nú fjörtíu talsins. Sú aukning gæti verið útskýringin á þessari miklu verðlækkun núna.

Sama upp á teningnum í flugi til Kaupmannahafnar og Oslóar

Í þessari viku er Wow Air með tilboð á flugi til Kaupmannahafnar og það kann að vera ástæðan fyrir því að lægsta far félagins til höfuðborgar Danmerkur, um miðjan mars, hefur lækkað um rúmlega 12 þúsund milli ára. Fargjöld Icelandair hafa þó einnig lækkað um nærri sömu upphæð.

Túristi kannaði ekki hvað kostaði að bóka flug til Oslóar með litlum fyrirvara í fyrra en eins og sjá má á næstu síðu þá hefur farið með Norwegian lækkað um helming ef gengið er frá kaupunum með þriggja mánaða fyrirvara. Eins og áður er farangursgjaldi bætt við farmiðaverðið þegar það á við.

Þróun fargjalda í viku 12 (17.-23. mars) milli ára þegar bókað er með fjögurra vikna fyrirvara

2014

2013Breyting
London:
Easy Jet44.395 kr.73.268 kr.-39%
Icelandair44.500 kr.61.150 kr.-27%
Wow Air42.323 kr.57.825 kr.-27%
Kaupmannahöfn:
Icelandair48.460 kr.59.040 kr.-18%
Wow Air42.220 kr.54.560 kr.-23%
Osló:
Icelandair33.240 kr.Osló var ekki hluti af verðkönnuninn í fyrra
Norwegian20.735 kr.
SAS34.366 kr.


Í þessum mánaðarlegu könnunum Túrista eru fundin lægstu fargjöldin, báðar leiðir, innan ákveðnar viku hjá hverju félagi fyrir sig. Gert er ráð fyrir að lágmarksdvöl í útlöndum sé tveir sólarhringar. Farangurs- og kreditkortagjöld eru tekin með í reikninginn (sjá samantekt yfir aukagjöld hér). Verð voru fundin á heimasíðum félaganna 19. febrúar 2014 og 18.febrúar 2013.

Á næstu síðu má sjá þróun verðgjalda í viku 20

BÍLALEIGUBÍLAR: Svona borgar þú miklu minna fyrir bílaleigubíl

 

Nýtt efni

„Samstarf fólks um allt land er forsenda þess að þróunin verði Grænlandi í hag. Ferðamenn virða ekki sveitamörk heldur eru með hugann allan við að njóta áfangastaða sinna. Þess vegna er svo brýnt að við sem áfangastaðurinn Grænland vinnum saman að því að bjóða upp á óaðfinnanlega og heildstæða upplifun - og náum saman, bæði …

Biðinni er brátt lokið og eftirvæntingarfullir aðdáendur írska rithöfundarins Sally Rooney getað andað léttar því að í liðinni viku var tilkynnt af The Wylie Agency, umboðsskrifstofu rithöfundarins, að ný bók væri væntanleg frá henni þriðjudaginn 24. september 2024.  Alex Bowler, talsmaður Faber & Faber, enska forlags rithöfundarins, sendi líka frá sér tilkynningu í tilefni af væntanlegri  …

Farþegar á Keflavíkurflugvelli gátu að jafnaði valið á milli nærri 10 brottfara á dag til höfuðborgar Bretlands í síðasta mánuði. Þetta er viðbót um eina ferð frá sama tíma í fyrra ef tillit er tekið til þess að nú er hlaupaár. London var sú borg sem oftast var flogið til frá Keflavíkurflugvelli í febrúar samkvæmt …

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …