Samfélagsmiðlar

Íslendingar ekki lengur fjölmennastir

Auknar flugsamgöngur til Bretlands hefur valdið miklum breytingum á vægi íslenskra og breskra farþega á Keflavíkurflugvelli.

Íslendingar hafa hingað til verið langstærsti farþegahópurinn á Keflavíkurflugvelli. Þetta sýna mánaðarlegar talningar Ferðamálastofu á þjóðernum farþega sem ná aftur til ársins 2002. Í síðasta mánuði urðu hins vegar þau tímamót að hátt í tvö þúsund fleiri Bretar en Íslendingar flugu frá landinu. Bresku farþegarnir voru 22.820 talsins og fjölgaði þeim um 42,9 prósent í samanburði við febrúar í fyrra. Íslendingarnir voru 21.261. Farþegar sem aðeins millilenda í Keflavík eru ekki taldir með.

Fjórða hver ferð til London

Flug til höfuðborgar Bretlands hefur tvöfaldast síðustu tvö ár og er nú flogið þangað fjörtíu sinnum í viku. Í síðasta mánuði fór til að mynda fjórða hver þota héðan áleiðis til London samkvæmt talningu Túrista. Við þetta bætist flug til Manchester, Glasgow, Edinborgar og Bristol og alls eru ferðinar til Bretlands því 54 á viku eða hátt í átta á dag.

Áframhaldandi ferðagleði

Þó Íslendingar séu ekki lengur stærsti hópurinn sem nýtir sér Keflavíkurflugvöll þá hefur ferðum landans til útlanda fjölgað í hverjum mánuði síðan í september í fyrra. Það sem af er ári hefur utanlandsferðunum fjölgað um 6,2 prósent samkvæmt því sem kemur fram á vef Ferðamálastofu.


VINSÆLT: ER ÓDÝRARA AÐ LEIGJA BÍL MEÐ 3JA MÁNAÐA EÐA 3JA VIKNA FYRIRVARA?

Mynd: Isavia

Nýtt efni

„Við erum á lokametrunum í undirbúningi og opnum vonandi í september," segir Inga Harðardóttir, framkvæmdastjóri Flóra hotels, um nýtt íbúðahótel á vegum Reykjavik Residence við Vatnsstíg. Á nýja hótelinu verða 26 íbúðir í nýuppgerðum fasteignum milli Laugavegs og Hverfisgötu en Reykjavik Residence rekur íbúðahótel á nokkrum stöðum í miðborginni. Flóra hotels, móðurfélag Reykjavík Residence, rekur …

Níunda fjórðunginn í röð lækkar verð á notuðum lúxus úrum og verðlækkun ársins nemur 1,2 prósentum, samkvæmt fjárfestingabankanum Morgan Stanley sem vel fylgist með verðþróuninni. Dýrustu úrin hafa lækkað ennþá meira og þannig hefur verðið á notuðu Rolex farið niður um 7,2 prósent síðastliðna 12 mánuði. Morgan Stanley gerir ráð fyrir að þessi verðþróun verði …

Rekstrarafkoma Play var neikvæð um 2,9 milljarða króna í fyrra og svo bættust við rúmir þrír milljarðar í fjármagnskostnað. Tapið fyrir skatt nam því 6,3 milljörðum króna. Afkomuspáin fyrir yfirstandandi ár gerði ráð fyrir að rekstrarafkoman yrði í kringum núllið en nú hefur staðan versnað og reiknað er með neikvæðri afkomu. Þetta kemur fram í …

Verð á hlutabréfum í þýska rafhlöðuframleiðandanum Varta hrundi við opnun markaðar í Frankfurt í dag, eða um nærri 80%, eftir að fréttir bárust af tillögum um endurskipulagningu fyrirtækisins. Þær myndu leiða til þess að hlutabréf núverandi eigenda yrðu nánast verðlaus.  Meðal þess sem að rætt er um er að núverandi meirihlutaeigandi, austurríski milljarðamæringurinn Nichael Tojner, …

Meðal þess sem kom í ljós eftir Covid-19-faraldurinn var að starfsfólk skorti í vaxandi ferðaþjónustu víða um heim. Faraldurinn truflaði gangverk vinnumarkaðar margra landa og sér ekki fyrir endann á því. Skortur á starfsfólki gæti hamlað vexti í greininni. Ætli megi ekki segja að fólk vilji fremur ferðast en þjóna öðrum? Vandræði eru á mörgum …

Íslandssjóðir eru ekki lengur meðal 20 stærstu hluthafa Icelandair en sjóðastýringafyrirtækið, sem er í eigu Íslandsbanka, varð stærsti hluthafinn í Play eftir hlutafjáraukningu í apríl sl. Íslandssjóðir hafa síðustu mánuði dregið töluvert úr fjárfestingu sinni í Icelandair og eru ekki lengur meðal tuttugu stærstu hluthafanna. Nú eru aftur á móti tvö eignarhaldsfélög á vegum Högna …

Ekkert félag flýgur fleirum innan Evrópu en lágfargjaldaflugfélagið Ryanair gerir og síðustu mánuði hafa farþegar félagsins að jafnaði borgað minnað fyrir sætin en þeir sem voru á ferðinni í fyrra. Tekjur félagsins lækkuðu þannig á milli ára samkvæmt uppgjöri sem félagið birti í morgun fyrir fjórðunginn apríl til júní. Sá er fyrsti fjórðungur reikningsársins hjá …

BYD

Kínverski rafbílaframleiðandinn BYD lækkaði verð á bílum sínum á íslenska markaðnum í ársbyrjun þegar dregið var úr opinberum stuðningi við kaup á nýjum rafbílum. Þar með gat Vatt, sem er með umboð fyrir BYD hér á landi, boðið ódýrustu tegundina á lægra verði en í fyrra að því gefnu að kaupandinn fái hinn nýja rafbílastyrk …