Samfélagsmiðlar

Flugmenn gagnrýndir á þingi og af kollegum

Það stefnir í verkfall hjá flugmönnum Icelandair á morgun og 26 flug verða felld niður. Þriggja daga vinnustöðvun flugmanna Lufthansa hefur enn sem komið er litlu skilað nema gagnrýni á stéttina.

Flugmenn Lufthansa, umsvifamesta flugfélags Evrópu, lögðu niður störf í þrjá daga í byrjun apríl. Eru þeir ósáttir við fyrirhugaðar breytingar á lífeyrisréttindum og eins krefjast þeir hærri launa. Vinnustöðvunin er talin hafa kostað fyrirtækið um 70 milljónir evra (um 11 milljarða króna) en aflýsa þurfti um fjögur þúsund ferðum og koma farþegum fyrir hjá öðrum flugfélögum eða í lestir. Deilan er ennþá óleyst og haft er eftir fjármálastjóra Lufthansa í fyrradag að hún útiloki ekki frekar verkföll.

Samkvæmt frétt Reuters hefur Lufthansa boðið flugmönnunum 5,2 prósenta hækkun sem nær aftur til apríl 2012 og fram til loka næsta árs. Flugmennirnir eru sáttir við afturvirku hækkunina en krefjast 4,6 prósenta viðbótar fyrir næstu 12 mánuði. Eins leggjast þeir gegn hugmyndum um að takmarka rétt þeirra til eftirlauna.

Þingmenn og kollegar ósáttir

Meðallaun flugmanna hjá Lufthansa eru um 2,3 milljónir króna á mánuði (um 15.000 evrur) eða fjórföld þýsk meðallaun samkvæmt frétt Reuters. Sú staðreynd hefur meðal annars orðið til þess að aðgerðirnar hafa verið gagnrýndar af þýskum þingmönnum, fjölmiðlafólki og ekki síst öðrum starfsmönnum Lufthansa. Flokksfélagi Angelu Merkel, kanslara Þýskalands, sagði meðal annars að hann hefði litla samúð með vinnudeilum stéttar sem hefði álíka laun og kanslarinn sjálfur.

Í frétt Eyjunnar í dag kemur fram að flugstjórar Icelandair eru með tvisvar til þrisvar sinnum hærri laun en hinn almenni launamaður. Munurinn verður enn meiri ef dagpeningagreiðslur eru teknar með en þær geta numið um 200 til 300 þúsund krónum á mánuði samkvæmt Eyjunni.

Ekkert flug á vegum Icelandair á morgun

Fyrir stundu sendi Icelandair frá sér tilkynningu þess efnis að tuttugu og sex flug á vegum félagsins á morgun yrðu felld niður. Á heimasíðu Icelandair má fá nánari upplýsingar um hvaða ferðir er að ræða og hver réttindi farþega eru. Flugmenn félagsins hafa einnig boðað til tólf tíma vinnustöðvunar 16. og 20. maí. Þá verður tveggja daga verkfall 23. til 25. maí og aftur 30. maí til 3. júní.

Líkt og kom fram í frétt Túrista í gær þá stefnir í almennt verkfall hjá starfsmönnum lággjaldaflugfélagsins Norwegian innan nokkurra daga en samkvæmt breskri rannsókn eru flugmenn lággjaldaflugfélaga með lægri laun en starfsbræður hjá hefðbundnum félgum í átta af hverjum tíu tilfellum.

Nýtt efni

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …

Allt frá því að Play var skráð á hlutabréfamarkað sumarið 2021 og fram til ársloka 2022 var Fiskisund ehf. stærsti hluthafinn í Play með 8,6 prósenta hlut. Fyrir Fiskisundi fóru þau Kári Þór Guðjónsson, Halla Sigrún Hjartardóttir og Einar Örn Ólafsson, sem lengi var stjórnarformaður flugfélagsins en settist í forstjórastólinn um síðustu mánaðamót. Einar Örn átti einnig …

Flugstöðin í Changi í Singapúr er ekki lengur í efsta sæti á árlegum lista Skytrax yfir bestu flugvellina heldur í öðru sæti. Hamad alþjóðaflugvöllurinn í Doha í Katar toppar nú listann sem birtur var í gær en hann byggir á einkunnagjöf farþega. Í þriðja sæti er Incheon í Seoul en í næstu tveimur sætum eru …

Fyrsta skemmtiferðaskip ársins kom til Ísafjarðar um síðustu helgi, þýska AIDAsol með nærri í 2.200 farþega. Á sunnudag koma tvö skip með væntanlega 3.000 - 4.000 farþega. Það er farþegafjöldi undir öllum viðvörunarmörkum sem Ísafjarðarbær ætlar að fylgja í framtíðinni vegna komu skemmtiferðaskipa. Nýsamþykktar fjöldatakmarkanir gilda raunar ekki á þessu ári þar sem bókanir hafa …