Samfélagsmiðlar

Farið hjá Icelandair hækkaði mest

Á sumrin eru fargjöld í hæstu hæðum og þá borgar sig oftast að bóka snemma. Það er þó ekki algilt, til dæmis hefur farið með Norwegian lækkað um nærri þriðjung og verðin hjá WOW air og easyJet standa í stað.

Um miðjan apríl kostaði ódýrasta farið til Kaupmannahafnar, í annarri viku júlímánaðar, 65.530 krónur hjá Icelandair en 66.228 hjá WOW air, að viðbættu farangursgjaldi. Í dag hefur verðið lægsta verðið lækkað um tvö þúsund krónur hjá WOW air en hækkað um rúmar tíu þúsund hjá Icelandair. Farmiðar til Oslóar og London eru einnig dýrari í dag hjá Icelandair en standa nær í stað hjá easyJet, SAS og WOW air. Hins vegar hefur farið með Norwegian til Oslóar lækkað um þriðjung og kostar aðeins 17.364 krónur þú stutt sé í brottför.

Í könnunum Túrista eru fundin ódýrustu fargjöldin báðar leiðir innan sömu viku ef bókað er með fjögurra eða tólf vikna fyrirvara. Lágmarksdvöl er tvær nætur og farangurs- og bókunargjöldum er bætt við. Á næstu síðu má sjá hver fargjöldin hjá hverju félagi fyrir sig í júlí og september.

Lægsta farið til London, Oslóar og Kaupmannahafnar vikuna 7.-13.júlí ef bókað 16. apríl eða í dag

Dýrara en í fyrra – sjá á næstu síðu hvernig lægstu fargjöld hafa þróast milli ára

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …