Samfélagsmiðlar

Samkeppnin í flugi til London gæti aukist í vetur

Í dag fljúga easyJet, Icelandair og WOW air til flugvallanna í nágrenni við London. Fjórða félagið hefur nú fengið afgreiðslutíma í Keflavík fyrir flug til borgarinnar.

Ferðamannastraumurinn hingað frá Bretlandi hefur aukist mikið síðustu ár og öfugt við flestar þjóðar þá eykst eftirspurnin eftir Íslandsferðum þar í landi utan aðalferðamannatímans. Í febrúar voru Bretar til að mynda fjölmennari í innritunarsal Keflavíkurflugvallar en Íslendingar og var það í fyrsta skipti sem heimamenn eru ekki stærsti hópurinn samkvæmt talningum Ferðamálastofu.

Hafa hug á að fljúga hingað frá fleiri borgum

Nú hafa forsvarsmenn norska lággjaldaflugfélagsins Norwegian fengið úthlutaða þrjá afgreiðslutíma í viku á Keflavíkurflugvellifyrir flug til og frá Gatwick flugvelli við London. Það eru jafn margar ferðir og easyJet bauð upp á þegar Íslandsflug félagsins hófst vorið 2012. Það er þó ekki fullvíst að Norwegian muni hefja flug á þessari leið í vetur samkvæmt svari félagsins við fyrirspurn Túrista. Í dag flýgur Norwegian hingað frá Osló og Bergen en félagið nýtti sér ekki leyfi til að hefja flug hingað frá Kaupmannahöfn í sumar en eins og kom fram í viðtali Túrista við forstjóra Norwegian þá hafa forsvarsmenn félagsins hug á auka umsvif sín hér á landi.

Fjórða hver vél til London

Það var boðið upp á allt að fjörtíu flug í viku frá Keflavík til höfuðborgar Bretlands í vetur og lét nærri að fjórða hver vél sem tók á loft í Keflavík tæki stefnuna á flugvellina í nágrenni við London. Icelandair stóð fyrir helmingi ferðanna, WOW air bauð upp á þrettán flug í viku og easy Jet flaug daglega.

Breska félagið fækkaði svo ferðunum í vor og sumar en mun aftur bjóða upp á sjö flug í viku eftir áramót. WOW air mun hins vegar fækka sínum ferðum til Gatwick úr þrettán í viku niður í tíu. Icelandair heldur sínu striki og flýgur tvisvar á dag til Heathrow og fimm til sex ferðir í viku til Gatwick.

GERÐU VERÐSAMANBURÐ Á HÓTELUM OG BÍLALEIGUBÍLUM
NÝJAR GREINAR: ENGIN SAMKEPPNI Í FLUGI TIL KANADA Í KORTUNUMNÚ VERÐUR ÓDÝRARA AÐ DEILA FRÍINU MEÐ FÓLKINU HEIMA

Nýtt efni

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …

Toyota í Japan tilkynnti í morgun að framleiðsla fyrirtækisins hefði aukist um sjö prósent í janúar og að þetta væri þrettándi mánuðurinn í röð sem fleiri bílar væru framleiddir en í sama mánuði árið á undan. Meginskýringin er sögð mikil eftirspurn í Bandaríkjunum. Í janúar runnu rúmlega 740 þúsund fleiri Toyotur af færiböndum verksmiðjanna en …

Við þeim sem fara um Ráðhústorg í Kaupmannahöfn þessa dagana blasir við risastór auglýsing frá Icelandair. Velunnari FF7 var þar á ferð í vikunni og sendi meðfylgjandi mynd. Auglýsingin er á húsi númer fjögur við Ráðhústorg og fyrir hornið á vegg sem snýr að H.C. Andersen Boulevard, sem er mikil umferðaræð í gegnum miðborgina. Unnið …

Tæknirisinn Apple hefur síðastliðinn áratug unnið að þróun rafknúinna og sjálfstýrðra ökutækja sem þó aldrei hafa verið formlega kynnt. Og það verður varla úr þessu því nú hefur þessari þróunarvinnu verið hætt samkvæmt frétt Bloomberg. Þriðjungurinn af þeim mörg hundruð manns sem unnið hafa að bílaverkefninu verða færð yfir á svið gervigreindar hjá Apple en …

Útibú Arion banka á Keflavíkurflugvelli lokaði í janúar og við fjármálaþjónustu í flugstöðinni tók Change Group sem hátti hagkvæmasta tilboðið í þennan rekstur í útboði sem Isavia efndi til í fyrra. Ennþá er Change Group þó ekki komin með tilskilin leyfi til að sinna gjaldeyrisviðskiptum hér á landi samkvæmt því sem FF7 kemst næst og …

Hún er svo vinsæl, bandaríski rithöfundurinn Sarah J. Maas, að þegar þriðja bindið í Crescent City-bókaflokknum kom út þann 30. janúar síðastliðinn stóðu aðdáendur hennar í löngum röðum í vetrarkuldanum fyrir framan bókabúðirnar sem höfðu ákveðið að opna búðir sínar á miðnætti á útgáfudeginum í New York og víðar um Bandaríkin. Þessar raðir fyrir framan …

Matvælastofnun Sameinuðu þjóðanna hefur áætlað að af öllum mat sem framleiddur er í heiminum fari um þriðingur í ruslið, eða 1,3 milljarðar tonna á ári. Umhverfisstofnun Sameinuðu þjóðanna hefur áætlað að á heimsvísu fari um 17 prósent af öllum mat í matvöruverslunum, á veitingastöðum og á heimilum í ruslið. Það er gríðarlegt magn af prýðisgóðri næringu sem þar fer …