Samfélagsmiðlar

Leigan hér á landi sker sig úr

Ennþá er miklu dýrara að leigja bíl hér á landi yfir sumarmánuðina en víða annars staðar í Evrópu. Á meginlandinu hefur leigan lækkað í mörgum tilfellum.

Fyrir mánuði síðan kannaði Túristi verð á bílaleigubílum við sextán evrópskar flughafnir í júní, júlí og ágúst. Niðurstaðan var sú að meðalverðið var langhæst á Keflavíkurflugvelli og var það til að mynda um þrefalt hærra en í Kaupmannahöfn og London. Í dag könnuðum við á ný hvernig verðskrár evrópskra bílaleiga hafa þróast síðastliðinn mánuð og þá kemur í ljós að meðalverðið, fyrir júlí og ágúst, hefur staðið í stað hér á landi en lækkað á ellefu flugvöllum. Aðeins í Stokkhólmi hefur verðið hækkað sem nokkru nemur eins og sjá má hér fyrir neðan.

Meðalleiguverð á dag í júlí og ágúst.

Tíu þúsund króna daggjald

Núna kostar að meðaltali 10.442 krónur á dag að taka bíl á leigu við Keflavíkurflugvöll og skila honum tveimur vikum síðar. Meðal daggjaldið þessa tvo mánuði var 10.440 krónur í könnunni sem var gerð í byrjun sumars. Líkt og þá er Osló næstdýrasti staðurinn en þar hefur meðalverðið í júlí og ágúst lækkað um þúsund krónur og er 7.595 krónur. Leigan hér á landi er því um fjórðundi hærri en hún er við flugvöllinn í Gardermoen. Almennt hafa leiguverð lækkað eins og sést þegar bornar eru saman bláu og rauðu súlurnar hér fyrir ofan. Sú bláa sýnir meðalverðið í júlí og ágúst eins og það var fyrir mánuði síðan en rauða súlan sýnir verðið eins og það er í dag.

Á næstu síðu má sjá hvernig verðin hafa þróast milli mánaða á hverjum flugvelli fyrir sig.

Við könnunina var notuð leitarvél Rentalcars.com, sem er eitt umsvifamesta fyrirtæki heims á þessu sviði og gerir verðsamanburð á mörgum þekktustu bílaleigum í heimi. Rentalcars.com knýr einnig áfram bílaleigusíðu Túrista. Borin voru saman verð á bílum í minnsta stærðarflokki.

ÆTLARÐU AÐ LEIGJA BÍL Á NÆSTUNNI? GERÐU VERÐSAMANBURÐ HÉR.

Nýtt efni

Um 90% af öllum úrgangi sem fellur til á Íslandi, bæði frá heimilum og rekstri, ratar í einhvers konar endurvinnslu eða endurnýtingu. Þetta sýna nýjar úrgangstölur frá Umhverfisstofnun, fyrir árið 2022.  Það er fróðlegt að rýna í þessar tölur og fá þar með yfirsýn yfir neyslu Íslendinga, en Íslendingar eru á meðal mestu neysluþjóða í heimi. Magn …

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …