Samfélagsmiðlar

Mun fleiri panta sæti hjá easyJet en WOW

Þeir sem fljúga með lágfargjaldaflugfélögum þurfa að borga aukalega fyrir að taka frá ákveðið sæti. Hlutfall farþega sem nýtir sér þessa þjónustu er mjög ólíkt milli félaga

Þeir sem fljúga með lágfargjaldaflugfélögum þurfa að borga aukalega fyrir að taka frá ákveðið sæti. Hlutfall farþega sem nýtir sér þessa þjónustu er mjög ólíkt milli félaga.

Þú borgar að lágmarki um sex hundrað krónur fyrir að velja sérstakt sæti um borð í vélum easyJet og WOW air. Dýrustu sætin kosta 1.995 krónur hjá því íslenska en ríflega þrjú þúsund hjá breska félaginu. Fjögurra manna fjölskylda sem bókar ódýrustu sætin, fram og tilbaka, borgar því nærri fimm þúsund krónur aukalega. Þeir sem vilja ekki eiga það á hættu að fá ekki sæti við hliðina á förunautunum komast því varla hjá því að borga þetta aukagjald.

Íslendingar að læra á lággjaldaflugfélögin

Það er þó langur vegur á milli þess hve algengt það er að farþegar þessara tveggja félaga nýti sér þessa aukaþjónustu samkvæmt athugun Túrista síðustu tvær vikur. Hjá easyJet hafa til að mynda um 85 prósent sætanna verið frátekin daginn fyrir brottför frá Keflavík en hjá WOW hefur hlutfallið verið 13 prósent. Munurinn er því mikill og aðspurð um hvort Íslendingar taki síður frá sæti en aðrir farþegar segir Svanhvít Friðriksdóttir, upplýsingafulltrúi WOW air, að um 15 til 20 prósent sæta séu almennt bókuð og hlutfallið fari vaxandi. „Íslendingar eru hægt og rólega að læra að ferðast með lággjaldaflugfélögum“, bætir hún við.

Komast fjölskyldur hjá aukagjaldinu?

Þrátt fyrir að ríflega átta af hverjum tíu sætum séu almennt tekin frá hjá easyJet segir Anna Knowles, talskona félagsins, að bókunarkerfi flugfélagsins sjái til þess að hópar og fjölskyldur fái sæti hlið við hlið í 99 prósentum tilvika. Samkvæmt því ættu þeir sem vilja spara sér sætisgjald easyJet en þó vera öruggir um sæti við hlið barnanna sinna ekki að þurfa að taka frá sæti. Svanhvít Friðriksdóttir, upplýsingafulltrúi WOW air, segir hins vegar að það sé öruggura fyrir fjölskyldur sem ferðast með WOW air að taka frá sæti fyrir brottför til að tryggja sér pláss hlið við hlið. Hún segir þó að farþegar geti við innritun í flug óskað eftir því að sitja saman og er þá eftir fremsta megni reynt að verða við þeirri ósk en það sé samt aldrei öruggt.

Tólf af þeim flugfélögum sem fljúga til Íslands um þessar mundir rukka sérstaklega fyrir sætisval samkvæmt úttekt Túrista.

Nýtt efni

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …