Samfélagsmiðlar

Boðið í betri sæti hjá Icelandair

Þeir sem eru á leið út með Icelandair geta nú reynt að komast fremst í vélina fyrir minna en það kostar að bóka miða á Saga Class.

Nýlega hófu forsvarsmenn Icelandair að leita tilboða meðal farþega á almennu farrými í laus sæti á Economy Comfort og Saga Class. Tíu dögum fyrir brottför hefst uppboðið og geta þá áhugasamir lagt inn boð í sætin fremst í vélinni. Í uppboðsferlinu sjá þátttakendur hversu líklegt er að tilboði þeirra verði tekið en niðurstaðan liggur fyrir tveimur sólarhringum fyrir brottför.

Þrefalt dýrari miðar

Ólíklega nægir að borga aukalega nokkur þúsund krónur fyrir betri sætin því samkvæmt lauslegri athugun Túrista þá greiða farþegar á Economy Comfort helmingi til tvöfalt meira fyrir sína miða en þeir sem eru á almennu farrými. Sætin á Saga Class geta hins vegar kostað þrefalt meira.

Á dýrari farrýmunum fá farþegar hins vegar fríar veitingar og aðgang að „betri stofum“ á flugvöllum. Þá þjónustu fá einnig þeir sem kaupa sætin á uppboði.

Viðtökur í samræmi við væntingar

Guðjón Arngrímsson, upplýsingafulltrúi Icelandair, segir að félagið sé að prófa sig áfram með þessa þjónustu og hún verði í boði í fleiri tilvikum eftir því sem á líður. „Verðunum er stýrt af þeim sem bjóða í, og þannig gefum við ekki út neitt lágmarksverð. Þetta er jafnframt háð framboði sæta og er eingöngu í boði ef við náum ekki að selja þau með venjulegum leiðum sem getur verið mjög mismunandi eftir flugleiðum og tíma dags sem flogið er. Viðtökurnar eru í samræmi við væntingar,” segir Guðjón aðspurður um hvort margir farþegar taki þátt í uppboðunum.

 

Nýtt efni

„Samstarf fólks um allt land er forsenda þess að þróunin verði Grænlandi í hag. Ferðamenn virða ekki sveitamörk heldur eru með hugann allan við að njóta áfangastaða sinna. Þess vegna er svo brýnt að við sem áfangastaðurinn Grænland vinnum saman að því að bjóða upp á óaðfinnanlega og heildstæða upplifun - og náum saman, bæði …

Biðinni er brátt lokið og eftirvæntingarfullir aðdáendur írska rithöfundarins Sally Rooney getað andað léttar því að í liðinni viku var tilkynnt af The Wylie Agency, umboðsskrifstofu rithöfundarins, að ný bók væri væntanleg frá henni þriðjudaginn 24. september 2024.  Alex Bowler, talsmaður Faber & Faber, enska forlags rithöfundarins, sendi líka frá sér tilkynningu í tilefni af væntanlegri  …

Farþegar á Keflavíkurflugvelli gátu að jafnaði valið á milli nærri 10 brottfara á dag til höfuðborgar Bretlands í síðasta mánuði. Þetta er viðbót um eina ferð frá sama tíma í fyrra ef tillit er tekið til þess að nú er hlaupaár. London var sú borg sem oftast var flogið til frá Keflavíkurflugvelli í febrúar samkvæmt …

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …