Samfélagsmiðlar

Í þessu toppa íbúar Portland

Gott kaffi, framúrskarandi bjór og almennilegar almenningssamgöngur eru meðal þess sem einkennir Portland í Oregon fylki. Í vor geta farþegar í Keflavík flogið beint til borgarinnar.

 

 

 

Gott kaffi, framúrskarandi bjór og almennilegar almenningssamgöngur eru meðal þess sem einkennir Portland í Oregon fylki. Í vor geta farþegar í Keflavík flogið beint til borgarinnar.

Árlega setja blaðamenn breska tímaritsins Monocle saman lista yfir 25 byggilegustu borgir í heimi og næstum alltaf er Portland eina bandaríska borgin sem hlýtur náð fyrir augum skríbentanna. Í ár skipar borgin tuttugusta og þriðja sætið.

Hugguleg hjólaborg

Í dómi Monocle segir að Portland sé notaleg borg þar sem lengi hefur verið passað upp á að byggðin dreifist ekki í allar áttir líkt og gerst hefur víða vestanhafs. Borgin er því óvenju þéttbýl á bandarískan mælikvarða og Portlandbúar komast nær allra sinna ferða með almenningssamgöngum. Hjólamenningin er þar líka mun ríkari en gengur og gerist í stórborgum N-Ameríku.

Stutt í náttúruna

Nálægðin við blómlegar sveitir Oregonfylkis tryggir matreiðslumönnum aðgang að góðu hráefni og lega borgarinnar gerir einnig þróttmiklum íbúum kleift að fara á ströndina fyrir hádegi en verja seinnipartinum í skíðabrekku. Það eru þó væntanlega fáir sem komast yfir svo mikið á einum degi en möguleikinn er fyrir hendi.

Gott að drekka

Portland er hins vegar ekki bara lofuð af útlendum blaðamönnum heldur líka bandarískum ferðamönnum. Eitt útbreiddasta ferðaritið vestanhafs, Travel&Leisure, efndi til kosninga á síðasta ári þar sem lesendur voru beðnir um að gefa vinsælum ferðamannaborgum einkunn í nokkrum flokkum. Það er skemmst frá því að segja að Portland náði efsta sætinu á listunum yfir borgirnar þar sem kaffið, ölið og götumaturinn er bestur. Almenningssamgöngurnar þykja heldur hvergi betri og flugvöllur borgarinnar þykir bera af öðrum vestanhafs.

Umhverfisstefna borgaryfirvalda er líka aðdáunarverð því 90 prósent af öllu rusli sem borgarbúar skila frá sér er endurunnið.

Í maí fer Icelandair jómfrúarflug sitt til Portland og verður flogið þangað tvisvar í viku út haustið.

 

Nýtt efni

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …

Toyota í Japan tilkynnti í morgun að framleiðsla fyrirtækisins hefði aukist um sjö prósent í janúar og að þetta væri þrettándi mánuðurinn í röð sem fleiri bílar væru framleiddir en í sama mánuði árið á undan. Meginskýringin er sögð mikil eftirspurn í Bandaríkjunum. Í janúar runnu rúmlega 740 þúsund fleiri Toyotur af færiböndum verksmiðjanna en …

Við þeim sem fara um Ráðhústorg í Kaupmannahöfn þessa dagana blasir við risastór auglýsing frá Icelandair. Velunnari FF7 var þar á ferð í vikunni og sendi meðfylgjandi mynd. Auglýsingin er á húsi númer fjögur við Ráðhústorg og fyrir hornið á vegg sem snýr að H.C. Andersen Boulevard, sem er mikil umferðaræð í gegnum miðborgina. Unnið …

Tæknirisinn Apple hefur síðastliðinn áratug unnið að þróun rafknúinna og sjálfstýrðra ökutækja sem þó aldrei hafa verið formlega kynnt. Og það verður varla úr þessu því nú hefur þessari þróunarvinnu verið hætt samkvæmt frétt Bloomberg. Þriðjungurinn af þeim mörg hundruð manns sem unnið hafa að bílaverkefninu verða færð yfir á svið gervigreindar hjá Apple en …

Útibú Arion banka á Keflavíkurflugvelli lokaði í janúar og við fjármálaþjónustu í flugstöðinni tók Change Group sem hátti hagkvæmasta tilboðið í þennan rekstur í útboði sem Isavia efndi til í fyrra. Ennþá er Change Group þó ekki komin með tilskilin leyfi til að sinna gjaldeyrisviðskiptum hér á landi samkvæmt því sem FF7 kemst næst og …

Hún er svo vinsæl, bandaríski rithöfundurinn Sarah J. Maas, að þegar þriðja bindið í Crescent City-bókaflokknum kom út þann 30. janúar síðastliðinn stóðu aðdáendur hennar í löngum röðum í vetrarkuldanum fyrir framan bókabúðirnar sem höfðu ákveðið að opna búðir sínar á miðnætti á útgáfudeginum í New York og víðar um Bandaríkin. Þessar raðir fyrir framan …

Matvælastofnun Sameinuðu þjóðanna hefur áætlað að af öllum mat sem framleiddur er í heiminum fari um þriðingur í ruslið, eða 1,3 milljarðar tonna á ári. Umhverfisstofnun Sameinuðu þjóðanna hefur áætlað að á heimsvísu fari um 17 prósent af öllum mat í matvöruverslunum, á veitingastöðum og á heimilum í ruslið. Það er gríðarlegt magn af prýðisgóðri næringu sem þar fer …