Samfélagsmiðlar

Góður julefrokost í Kaupmannahöfn

Í lok árs fjölgar ferðum Íslendinga til gömlu höfuðborgarinnar og þá koma líklega margir við á smurbrauðstofu. Þeir sem ætla í þannig reisu í ár ættu að taka frá borð fyrr en síðar því heimamenn skipuleggja sig langt fram í tímann.

 

 

 

Í lok árs fjölgar ferðum Íslendinga til gömlu höfuðborgarinnar og þá koma líklega margir við á smurbrauðstofu. Þeir sem ætla í þannig reisu í ár ættu að taka frá borð fyrr en síðar því heimamenn skipuleggja sig langt fram í tímann.

„Vitið þið afhverju hjónaskilnaðir eru svona tíðir hér í Danmörku?”, spurði kennarinn bekkinn. Þegar nemendurnir gerðu sig ekki líklega til að svara skrifaði hann svarið með stórum stöfum á töfluna. „Þetta er ástæðan”, sagði hann og benti á orðið JULEFROKOST á töflunni.

Sennilega er þetta mikil einföldun á raunveruleikanum hjá kennaranum en það verður þó ekki litið framhjá því að margir Danir sleppa fram af sér beislinu þegar vinnustaðurinn eða vinahópurinn safnast saman á aðventunni til að borða julefrokost. Gleðin endar þá stundum með leiðindum. En hvað sem þessu líður þá munu sennilega fjölmargir Íslendingar setjast að borðum á dönskum smurbrauðstofum í nóvember og desember innan um hina glöðu Dani. Þeir sem vilja vera alveg vissir um að fá pláss á góðum stað ættu að panta sem fyrst því heimamenn eru þekktir fyrir að vera tímanlega í því.

Hér eru nokkrir af þeim stöðum sem óhætt er að mæla með í Kaupmannahöfn sé stefnan sett á síld, flæskesteg og ris a la mande að hætti Dana í nóvember og desember.

Schønnemann

Það eru sennilega allir helstu matgæðingar Danmerkur sammála um að á Schønnemann við Hauser Plads er danskri matarhefð gert sérstaklega hátt undir höfði. Þess vegna bókast borðin hratt vikurnar sem hægt er að snæða julefrokost staðarins frá 7. nóvember og fram til jóla. Í ár kosta herlegheitin 438 danskar (um 9 þúsund íslenskar).

Julefrokost Schønnemann: Steikt síld í öllegi, síld í jólaákavíti, rauðspretta með remúlaði, grafinn lax, hænsnasalat, grísasulta, kálfakæfa, „flæskesteg”, brie og stilton ostar með púrtvínshnetum, ris a la mande með heitri kirsuberjasósu.

Café Sorgenfri

Á meðan flestar smurbrauðsjómfrúr stimpla sig út eftir hádegismatinn þá heldur sú á Café Sorgenfri áfram fram eftir kvöldi. Það eru því sennilega margir Íslendingar sem varið kvöldinu inn á þessum litla sjarmerandi stað í Brolæggersstræde. Þar verður auðvitað líka boðið upp á julefrokost frá morgni og fram á kvöld og kostar veislan 325 danskar á mann (um 6700 krónur).

Julefrokost Sorgenfri: Marineruð, karrí og krydduð síld, reyktur lax með eggi og aspas, fiskifillet með rækjum, lifrakæfa með sveppum, hænsnasalat, heilsteikt lund, „flæskesteg”, ostar og vínber.

FRAMHALD Á NÆSTU SÍÐU

 

 

Nýtt efni

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …

Almennu hlutafjárútboði Play lauk í gær og bárust tilboð upp á 105 milljónir króna en lagt var upp með að selja nýtt hlutafé fyrir allt að 500 milljónir króna. Þátttaka almennings í hlutafjáraukningu Play í nóvember 2022 var heldur ekki í takt við framboð. Þá lögðu stærstu hluthafar félagsins því til 2,3 milljarða króna. Það …

Bandarísk flugfélög hvetja Biden-stjórnina í Bandaríkjunum til að gefa ekki út fleiri flugleyfi fyrir kínverska keppinauta þeirra í flugi milli Kína og Bandaríkjanna. Vísað er til samkeppnishindrana sem flugmálayfirvöld í Kína beita erlend flugfélög. Reuters-fréttastofan greinir frá þessu. Samgönguráðuneyti Bandaríkjanna gaf það út í febrúar að kínversk flugfélög gætu boðið allt að 50 flugferðir á …

Kynnisferðir, sem starfa undir vörumerkinu Icelandia, hafa gengið frá kaupum á öllu hlutafé í Dive.is. Fyrir áttu Kynnisferðir 51% hlut í félaginu á móti Tobias Klose. Dive.is sérhæfir sig í köfunar- og snorklferðum í Silfru auk þess að bjóða upp á námskeið í köfun. Félagið leggur mikið uppúr upplifun viðskiptavina enda er það í efsta …

„Ég myndi halda að við værum stærsta flugfélagið fyrir þá sem eru að fljúga frá Íslandi," sagði Einar Örn Ólafsson, forstjóri Play, á kynningarfundi hlutafjárútboðs félagsins, á þriðjudaginn. Máli sínu til stuðnings sýndi hinn nýi forstjóri og fyrrum stjórnarformaður flugfélagsins glæru þar sem sjá mátti hvernig hlutdeild Play á heimamarkaði hefur aukist og farið upp …

Árið 2018 kynnti netverslunin Amazon nýjung á bandarískum smásölumarkaði: Amazon Just Walk Out-Stores. Verslunin var kynnt sem mikil bylting og í rauninni væri lausn Amazon framtíðarlausn fyrir aðrar smásöluverslanir. Maður skannaði símann sinn þegar gengið var inn í Just Walk Out-verslun Amazon, valdi þær vörur sem maður girntist, setti þær í innkaupakörfu og síðan gat …

MYND: ÓJ

Fyrir heimsfaraldur voru flugsamgöngur milli Íslands og Ítalíu litlar, takmörkuðust lengst af við sumarferðir til Mílanó. Á þessu hefur orðið mikil breyting því nú er hægt að fljúga héðan allt árið til Rómar og Mílanó og á sumrin eykst úrvalið enn frekar.  Ítölsku ferðafólki hefur fjölgað verulega í takt við þessar auknu samgöngur og var …

Sala á hreinum rafbílum frá þýska bílaframleiðandanum BMW jókst um 41 prósent á fyrsta fjórðungi ársins. Með söluaukningunni er vægi rafbíla hjá BMW, sem einnig framleiðir Mini, komið upp í 20 prósent hjá þýska framleiðandnum en hlufallið var 15 prósent fyrir ári síðan samkvæmt frétt Bloomberg. Á sama tíma hefur orðið samdráttur í sölu á …