Samfélagsmiðlar

Sólarlandaferðir til Mallorca í boði á ný

Um áratugaskeið voru Mallorca ferðir fastur liður á dagskrá ferðaskrifstofa hér á landi. Síðustu ár hefur spænska eyjan verið útundan en í sumar ætlar ferðaskrifstofan VITA að bjóða upp á reglulegar ferðir til Mallorca. 

 

 

Um áratugaskeið voru Mallorca ferðir fastur liður á dagskrá ferðaskrifstofa hér á landi. Síðustu ár hefur spænska eyjan verið útundan en í sumar ætlar VITA að bjóða upp á reglulegar ferðir til Mallorca.

Það eru sennilega ófáir hér á landi sem tóku sín fyrstu spor í útlöndum á flugbraut á Mallorca. Sólarlandareisur til spænsku eyjunnar nutu nefnilega gífurlegra vinsælda meðal Íslendinga og sérstaklega hjá barnafjölskyldum. Síðustu ár hefur úrval af ferðum þangað verið takmarkað.

Vilja endurnýja kynnin við eyjuna

Á því verður breyting á næsta ári þar sem ferðaskrifstofan VITA ætlar að bjóða upp á vikulegar ferðir til Mallorca allt sumarið. Guðrún Sigurgeirsdóttir, framleiðslustjóri hjá VITA, segir að við hrunið hafi forsendur breyst, áfangastöðum fækkaði og þá datt Mallorca út. „Kúnnarnir okkar hafa spurt oft og mikið um Mallorca og þá langar að endurnýja kynnin við uppáhaldshótelið sitt eða ströndina. Margir hafa farið í frí á sama stað undanfarin 4 til 5 ár, þar sem fáir sólarstaðir hafa verði í boði, en nú vill fólk breyta til.“

Áhersla á afþreyingu fyrir börn

Það hefur verið talað um að verðlagið á Mallorca sé nokkuð hátt í samanburði við marga aðra þekkta sólarlandastaði. Guðrún segir að hóteli hafi þótt dýr á eyjunni en bendir á að standardinn sé hár. „Hins vegar bjóðum við fjölbreytta flóru gististaða, allt frá ódýrum íbúðum upp í lúxushótel og leggjum líka mikla áherslu á hótel sem bjóða afþreyingu fyrir barnafjölskyldur þar sem það er nokkuð sem fólk gerir kröfu um í dag.“

Palma í uppáhaldi

Aðspurð um sinn uppáhaldsstað á Mallorca nefnir Guðrún höfuðborgina Palma. „Þess vegna myndi ég búa á Playa de Palma. Nota ströndina þar og þegar komið er nóg af sólbaðinu færi ég inn í borgina og myndi rápa um göturnar. Setjast svo á tapasbar, notalegan gangstéttarbar eða borða fisk við höfnina. Eins má kíkja í verslanir sem eru flottar í Palma.“

SÉRVALIN HÓTEL Á VEGUM TABLET HOTELS:

PARIS: PARADISPARISFRÁ 17ÞÚS KR.KÖBEN: HOTEL 27 – FRÁ 20ÞÚS KR.LONDON: ROCKWELL – FRÁ 17ÞÚS KR. NEW YORK: NIGHT HOTEL – FRÁ 14ÞÚS KR.

 

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …