Samfélagsmiðlar

Farið til Oslóar oftast ódýrast

Mánaðarlega ber Túristi saman fargjöld til höfuðborga Bretlands, Danmerkur og Noregs. Trekk í trekk er farið til til þeirrar norsku það lægsta og oftar en ekki er það lággjaldaflugfélagið Norwegian sem býður ódýrustu farmiðana.

 

 

Mánaðarlega ber Túristi saman fargjöld til höfuðborga Bretlands, Danmerkur og Noregs. Trekk í trekk er farið til þeirrar norsku það lægsta og oftar en ekki er það lággjaldaflugfélagið Norwegian sem býður ódýrustu farmiðana.

Ríflega fjórar af hverjum tíu flugvélum sem munu taka á loft frá Keflavík í vetur eru á leiðinni til flugvallanna við Kaupmannahöfn, London eða Osló eins og sjá má í nýlegri úttekt Túrista. Framboð á flugi til þessara þriggja borga hefur verið mun meira en til annarra áfangastaða um langt skeið. Til London er hægt að komast með easyJet, Icelandair og WOW air, til Oslóar fljúga Icelandair, Norwegian og SAS en aðeins íslensku félögin tvö bjóða upp á áætlunarferðir til Kaupmannahafnar.

Norwegian oftast ódýrast

Frá ársbyrjun 2013 hefur Túristi á fjögurra vikna fresti borið saman fargjöld flugfélaganna til borganna þriggja. Aðferðin er ávallt sú sama, fundin eru lægstu fargjöld hvers flugfélags fyrir sig fjórum og tólf vikum fram í tímann. Í upphafi var allur gangur á því til hvaða borgar var ódýrast að fljúga en í síðustu sextán verðkönnunum hefur farið til Oslóar verið lægra en til Kaupmannahafnar og London. Þetta á bæði við um farmiða sem bókaðir eru fjórum og tólf vikum fyrir brottför. Oft munar litlu á lægsta fargjaldinu til borganna þriggja en mismunurinn getur líka verið verulegur. Í síðustu könnun var ódýrasta farið til London til að mynda um sextíu prósent dýrara en farið til Oslóar.

Lægri aukagjöld

Í ríflega tveimur af hverjum þremur tilfellum er það norska lággjaldaflugfélagið Norwegian sem er með lægsta verðið til Oslóar. Icelandair og SAS bjóða þó stundum lægri fargjöld þangað. Norwegian er lágfargjaldaflugfélag líkt og easyJet og WOW air en ein ástæða þess að oft munar miklu á fargjöldum þess norska og hinna tveggja er sú að farþegar Norwegian borga mun minna fyrir innritaðan farangur. Það kostar um 3.600 krónur að innrita eina tösku, báðar leiðir, hjá félaginu en fyrir þá þjónustu er greitt á bilinu sex til átta þúsund hjá easyJet og 7.998 krónur hjá WOW air.

Í viðtali við Túrista sl. haust sagði forstjóri Norwegian að hann hefði áhuga á að fjölga ferðum til Íslands og í kjölfarið fékk félagið afgreiðslutíma á Keflavíkurflugvelli fyrir flug hingað frá Kaupmannahöfn og London. Ekkert hefur hins vegar orðið úr þeim áætlunum ennþá.

 

Nýtt efni

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …

Icelandair tekur í notkun þrjár nýjar Boeing Max þotur fyrir sumarvertíðina og sú fyrsta er komin til landsins en hún er fengin af lager flugvélaframleiðandans í Seattle. Hinar tvær eru splunkunýjar og segir Guðni Sigurðsson, talsmaður flugfélagsins, að þær séu báðar komnar af færibandinu og nú fari fram lokaskoðun á þeim. Von er á þessum …

Íslendingar hafa líklega önnur viðmið um það hvað sé hæfilega margt fólk samankomið á einum stað en þjóðir sem vanar eru meiri mannþröng og umferðarþunga alla daga. Sjálfsagt er það eigingjarnt og sjálfmiðað að ætlast til þess að fá að ganga einsamall í friði og ró niður Almannagjá á Þingvöllum á góðum sumardegi. Þeir dagar …

Frestur til að skila inn tilboðum í 35 prósent hlut Landsbankans í Keahótelin, eina stærstu hótelkeðju landsins, rann út fyrir síðustu jól. Ennþá er söluferlið í gangi samkvæmt svari frá bankanum en engar nýjar upplýsingar er að fá um stöðuna. Hluturinn í Keahótelunum var auglýstur til sölu í lok nóvember í fyrra og þá sagði …

Wizz Air er meðal þeirra flugfélaga í heiminum sem losa minnst af CO2 og hefur fengið alþjóðlegar viðurkenningar fyrir viðleitni til sjálfbærni. Þessi árangur skýrist fyrst og fremst af því að ungverska félagið er með nýjan flugflota í þjónustu sinni, aðallega Airbus A321neo sem flestar eru innan við fimm ára gamlar. Þá hjálpa góð sætanýting …

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …