Samfélagsmiðlar

Ferðalög um ófriðarsvæði

Útlendingum er oftast ráðlagt að halda sig fjarri stríðshrjáðum löndum. Það eru samt til ferðaskrifstofur sem sérhæfa sig reisum um vígvelli.

 

 

Útlendingum er oftast ráðlagt að halda sig fjarri stríðshrjáðum löndum. Það eru samt til ferðaskrifstofur sem sérhæfa sig reisum um vígvelli.

Orðin mannrán, bílsprengjur og eldflaugaárásir hafa líklega ekki ratað í marga ferðabæklinga hér á landi eða annars staðar. Þau koma þó ósjaldan fyrir í ferðalýsingum þeirra fyrirtækja sem gera út á ferðalög til svæða sem vestræn stjórnvöld biðja þegna sína um að sneiða hjá. Ferðaviðvaranir utanríkisráðuneyta verða því eins konar gæðastimpill fyrir viðkomandi ferðaskrifstofur og samkvæmt grein í hinu danska Politiken fer markhópur þess háttar ferðalaga ört stækkandi.

Dauðatúrismi

„Fólk sækist eftir því að komast í snertingu við dauðann. Það vill ferðast inn á stríðssvæði, á meðan átökin eiga sér stað, vegna þess að það er heillað af ástandinu,” útskýrir prófessorinn John Lennon í viðtali við Politiken en Lennon er sérfræðingur í þeirri tegund ferðaþjónustu sem hefur einhver tengsl við dauðann. Hann segir ákveðinn töfraljóma yfir þessum stríðsferðum og þeir sem í þær fara sækist eftir því að skapa sér sérstöðu. Mikil útbreiðsla samfélagsmiðla hefur einmitt verið talin ein ástæða þess að sífellt fleiri sæki í þess háttar ferðalög því fátt toppar sjálfsmynd sem tekin er á átakasvæði.

Fimmtugir karlar

Ein þeirra ferðaskrifstofa sem býður upp á stríðsferðir kallast War Zone Tours og sérhæfa starfsmenn hennar sig í því að fara með túrista um hættusvæði í Írak, Beirút, Mexíkó, Súdan og Sómalíu. Síðastnefna landið nýtur mestra vinsælda um þessar mundir og kosta ferðirnar þangað um fjórar milljónir króna. Aðeins fjórir ferðalangar komast í hvern túr og eina skilyrðið sem ferðaskrifstofan setur er að þátttakendurnir blandi sér ekki í átökin. Það eru helst vestrænir karlar fimmtugt sem sækja í þessa tegund ferða.

Skothelt vesti fyrir 10 þúsund

Það þarf þó ekki að kosta milljónir að kynna sér stríðsátök. Í sumar buðust til að mynda ferðir um ófriðarsvæði í Úkraínu fyrir um áttatíu þúsund krónur. Gjaldið fyrir þá sem vildu aðeins rétt stinga nefinu inn var um tíu þúsund krónur og fylgdi þá skothelt vesti og vopnaðar vörður með í kaupunum samkvæmt frétt Daily Mail.

Mikil áhætta

Talsmaður danska utanríkisráðuneytisins segir í viðtali við Politiken að stjörnvöld geti ekki bannað fólki að heimsækja þau lönd sem eru á lista ráðuneytisins yfir hættusvæði. Hann vill þó benda fólki á að það taki mikla áhættu með því að fara í svona ferðir og þær geti haft miklar fjárhagslegar afleiðingar fyrir ferðalanginn og aðstandendur hans. Vísar hann þar sennilega til þess að vestrænt fólk er oft skotmark mannræningja í þeim löndum þar sem ástandið er einna verst.

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …