Samfélagsmiðlar

Beint flug til Bandaríkjanna í ár

Árið 2015 verður flogið héðan til ellefu bandarískra flugvalla. Áfangastaðirnir hafa ekki áður verið jafn margir.                                          

Árið 2015 verður flogið héðan til ellefu bandarískra flugvalla. Áfangastaðirnir hafa ekki áður verið jafn margir.

Það eru ekki til neinar opinberar tölur um hversu margir Íslendingar ferðast til Bandaríkjanna en þar sem utanferðum landans hefur fjölgað töluvert síðustu ár má gera ráð fyrir að sífellt fleiri Íslendingar fari í frí vestur um haf. Áætlunarferðirnar þangað eru líka orðnar mun tíðari en þær voru fyrir nokkrum árum síðan og í vor bætist verulega við framboð á flugferðum þangað.

Þrjú flugfélög á leið yfir hafið

Áður en Iceland Express hóf flug til Bandaríkjanna sumarið 2010 var Icelandair eina félagið sem bauð upp á reglulegar ferðir þangað. Bandaríska flugfélagið Delta hóf svo Íslandsflug sitt árið eftir og hefur allar götur síðan flogið allt að daglega yfir sumartímann hingað frá John F. Kennedy flugvelli í New York. Útlit er fyrir að bandaríska félagið bæti við flugi hingað frá Minneapolis á næsta ári. Þá mun WOW air einnig hefja flug til Bandaríkjanna og fljúga til flugvallanna við Boston og Baltimore. Sá síðarnefndi er stutt frá höfuðborg Bandaríkjanna. Í maí bætir Icelandair svo níundu bandarísku borginni við leiðakerfi sitt þegar félagið hefur áætlunarflug til Portland í norðvesturhluta landsins. Þar með fljúga vélar Icelandair til tíu flugvalla í Bandaríkjunum.

Umsvifamikil í Boston

Frá og með vorinu geta farþegar í Keflavík valið á milli fjögurra ferða á dag til Boston. Það er meira úrval en farþegum á stærstu flugvöllum Evrópu stendur til boða og til að mynda er ekki flogið til Boston frá neinum öðrum norrænum flugvelli en þeim íslenska. Eins og gefur að skilja er ferðagleði Íslendinga ekki helsta ástæðan fyrir þessum tíðum ferðum og vinsældir Íslands sem ferðamannastaðar meðal íbúa Massachussets fylkis skýrir ekki heldur þessa loftbrú á milli borganna. Ástæðan er fyrst og fremst sú að stór hluti farþega Icelandair er fólk á leið á milli Evrópu og Norður-Ameríku og millilendir aðeins á Íslandi á leið sinni yfir hafið. WOW air hyggst einnig ná til þessa hóps.

Þær bandarísku flughafnir sem flogið verður til á næsta ári frá Keflavíkurflugvelli:

Anchorage: Icelandair

Baltimore/Washington: WOW air

Boston Logan: Icelandair og WOW air

Denver: Icelandair

John F. Kennedy í New York: Delta og Icelandair

Minneapolis/St. Paul: Icelandair og hugsanlega Delta

Newark í New Jersey/New York: Icelandair

Orlando Sanford: Icelandair (Orlando International Airport frá og með haustinu)

Portland: Icelandair

Seattle Tacoma: Icelandair

Washington Dulles: Icelandair

 

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …