Samfélagsmiðlar

Hóteltékk: The Bonham í Edinborg

Í höfuðborg Skotlands er tilvalið að tékka sig inn á klassískt gistihús og komast í betra samband við borgina en gestir stóru hótelanna komast í. The Bonham er ljómandi kostur í New Town.

 

 

Í höfuðborg Skotlands er tilvalið að tékka sig inn á klassískt gistihús og komast í betra samband við borgina en gestir stóru hótelanna komast í. Gistihúsin eru nefnilega oft aðeins fyrir utan helstu ferðamannastaðina, jafnvel inn í íbúðahverfunum, gestirnir eru færri sem býður upp á persónulegri þjónustu. Það er því hægt að venja komur sínar á hverfisbar í fríinu og fara á veitingastaði þar sem heimamenn eru í meirihluta. The Bonham er góður kostur fyrir þá sem vilja verja nokkrum dögum í Edinborg ögn frá ferðamannagildrunum við Princes Street og á Kastalahæðinni.

Herbergin

Líkt og aðrar vistaverur The Bonham þá eru herbergin búin hlutlausum húsgögnum í dökkum litum. Rúmin er stór og þægileg og baðherbergin hefðbundin. Það er því ekkert sem stingur í stúf eða kemur sérstaklega á óvart við herbergin. Öllu er haldið vel við.

Þeir sem fá herbergi sem snýr út í garðinn geta fengið ljómandi útsýni yfir New Town hverfið. Hinir fá útsýni út á torgið fyrir fram hótelið.

Staðsetningin

The New Town er eitt af elstu hverfum Edinborgar og þar eru nær óteljandi lengjur af gráum reisulegum húsum og eru mörg þeirra nýtt fyrir skrifstofur eða gistiheimili.

Það tekur um korter að ganga frá The Bonham að Princes Street en reikna má með um hálftíma göngu upp að Edinborgarkastala. Í The New Town er úrval af skemmtilegum veitingastöðum, sérstakleg í þeim hluta sem er næst miðborginni, t.d. við Hannover street og Frederik street. Frá The Bonham er hægt að ganga að National Museum of Modern Art og Dean Museum sem eru aðeins fyrir utan miðborgina.

Maturinn

Það er þess virði að borða alla vega einu sinni morgunmat á hótelinu. Hægt er að velja á milli nokkurra rétta á matseðli og óhætt að mæla með Egg Benedict með laxi.

Verðið

Það kostar að lágmarki um 20 þúsund (um 100 til 120 pund) að gista á tveggja manna herbergi á The Bonham. Þetta er því gisting í milliverðflokki í skosku höfuðborginni. Það eru reglulega í boði tilboð á gistingunni á The Bonham (sjá hér). Heimasíða The Bonham

 

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …