Samfélagsmiðlar

Niðurstaðan jákvæð að mati forstjóra Samkeppniseftirlitsins

Úrskurður EFTA dómstólsins í deilunni um afgreiðslutíma á Keflavíkurflugvelli skapar Samkeppniseftirlitinu sterkari grundvöll til að bregðast við samkeppnishindrunum sem stafa af úthlutun afgreiðslutíma.

 

 

 

Úrskurður EFTA dómstólsins í deilunni um afgreiðslutíma á Keflavíkurflugvelli skapar Samkeppniseftirlitinu sterkari grundvöll til að bregðast við samkeppnishindrunum sem stafa af úthlutun afgreiðslutíma.

Í morgun birti EFTA dómstóllinn úrskurð sinn í deilunni um afgreiðslutíma á Keflavíkurflugvelli líkt og Túristi greindi frá. Þar segir meðal annars að samkeppnisyfirvöld geti farið fram á það við flugfélög að þau láti af hendi afgreiðslutíma á flugvöllum, t.d. ef þau eru talin hafa misnotað markaðsráðandi stöðu sína.

Fyrir ári síðan fór Samkeppniseftirlitið fram á það við Isavia, rekstraraðila Keflavíkurflugvallar, að WOW air fengi tvo af þeim tímum sem Icelandair nýtir í dag. Isavia áfrýjaði málinu og eins og áður segir birti dómstóllinn í Lúxemburg úrskurð sinn í morgun. Páll Gunnar Pálsson, forstjóri Samkeppniseftirlitsins, segir niðurstöðuna skapa eftirlitinu sterkari grundvöll.

„Samkeppniseftirlitið mun nú fara rækilega yfir dóminn og meta áhrif hans á yfirstandandi rannsókn og hugsanlegar frekari rannsóknir sem varða úthlutun afgreiðslutíma. Dómurinn leysir úr réttarágreiningi á þessu sviði og niðurstaða hans er jákvæð í því ljósi því hún skapar eftirlitinu sterkari grundvöll í framtíðinni til þess að bregðast við samkeppnishindrunum sem stafa af úthlutun afgreiðslutíma“, segir Páll Gunnar en vísar að öðru leyti til fréttatilkynningar sem eftirlitið sendi frá sér. Þar segir meðal annars að með dómi EFTA-dómstólsins hafi verið staðfest heimild samkeppnisyfirvalda til að grípa til aðgerða í tilefni samkeppnishindrunum sem leiða af úthlutun afgreiðslutíma á flugvöllum með skammtaðan afgreiðslutíma.

Nýtt mál til skoðunar

Samkeppniseftirlitið er nú með til skoðunar erindi WOW air sem snýr að úthlutun afgreiðslutíma á Keflavíkurflugvelli fyrir næsta sumar. Tímunum hefur verið úthlutað og það gæti því farið þannig að raða þyrfti þeim á ný sem myndi valda breytingum á flugáætlunum Icelandair og WOW air. En forsvarsmenn síðarnefnda félagsins hafa einmitt lýst ánægju með núverandi flugtíma.

 

Nýtt efni

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …

Allt frá því að Play var skráð á hlutabréfamarkað sumarið 2021 og fram til ársloka 2022 var Fiskisund ehf. stærsti hluthafinn í Play með 8,6 prósenta hlut. Fyrir Fiskisundi fóru þau Kári Þór Guðjónsson, Halla Sigrún Hjartardóttir og Einar Örn Ólafsson, sem lengi var stjórnarformaður flugfélagsins en settist í forstjórastólinn um síðustu mánaðamót. Einar Örn átti einnig …

Flugstöðin í Changi í Singapúr er ekki lengur í efsta sæti á árlegum lista Skytrax yfir bestu flugvellina heldur í öðru sæti. Hamad alþjóðaflugvöllurinn í Doha í Katar toppar nú listann sem birtur var í gær en hann byggir á einkunnagjöf farþega. Í þriðja sæti er Incheon í Seoul en í næstu tveimur sætum eru …

Fyrsta skemmtiferðaskip ársins kom til Ísafjarðar um síðustu helgi, þýska AIDAsol með nærri í 2.200 farþega. Á sunnudag koma tvö skip með væntanlega 3.000 - 4.000 farþega. Það er farþegafjöldi undir öllum viðvörunarmörkum sem Ísafjarðarbær ætlar að fylgja í framtíðinni vegna komu skemmtiferðaskipa. Nýsamþykktar fjöldatakmarkanir gilda raunar ekki á þessu ári þar sem bókanir hafa …