Samfélagsmiðlar

101 brottför til New York í maí

manhattan 860

Ódýrustu farmiðarnir til New York í vor kosta 53.985 krónur og það er töluvert úrval af miðum á undir 80 þúsund. Bæði Delta og Icelandair fjölga ferðum sínum héðan til fjölmennustu borgar Bandaríkjanna í vor og sumar. Þeir sem ætla að vera út í að minnsta kosti viku borga minna en þeir sem stoppa stutt.
Það var flogið að jafnaði tvisvar á dag frá Keflavík til New York í maí í fyrra. Á sama tíma í ár verða ferðirnar hins vegar hundrað og ein talsins og aukningin á milli maímánaða er 63 prósent. Suma daga munu fjórar vélar fljúga héðan til heimsborgarinnar. Helsta ástæðan fyrir þessum tíðari samgöngum er sú að í ár hefst Íslandsflug Delta mánuði fyrr en vanalega. Fyrsta ferðin verður farin 2. maí en ekki í byrjun júní líkt og undanfarin sumur. Bandaríska félagið mun fljúga daglega hingað frá JFK flugvelli en þangað fer Icelandair eina til tvær ferðir á dag. Auk þess fjölgar Icelandair ferðunum til Newark flugvallar.

Ódýrast fyrir þá sem dvelja lengur

Þeir sem ætla að fljúga til New York í maí geta í dag fundið töluvert af flugmiðum á undir áttatíu þúsund krónur hjá báðum flugfélögum samkvæmt athugun Túrista. Ódýrustu miðarnir kosta hins vegar 53.985 krónur hjá Delta en þá þarf að dvelja úti í að minnsta kosti eina viku. Ef stoppað er í nokkra daga þá kostar lægsta farið í maí hjá Delta 79.585 krónur en 68.105 krónur hjá Icelandair. Lengd ferðalagsins skiptir minna máli hjá íslenska félaginu. 

Ekki það sama innifalið

Allir farþegar Icelandair á leið til N-Ameríku mega innrita tvær ferðatöskur án þess að greiða aukalega fyrir en hjá Delta er hámarkið ein. Hins vegar þarf ekki að borga fyrir matinn um borð hjá bandaríska félaginu en þeir sem sitja á ódýrasta farrýminu hjá Icelandair greiða fyrir veitingar í föstu formi.

Nýtt efni

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …