Samfélagsmiðlar

Langdýrast að leigja bíl við Keflavíkurflugvöll

sulurit bilaleiga

Leiguverð á 20 evrópskum flughöfnum. Þeir borga mest sem vilja hafa bíl til umráða hér á landi en minnst í Danmörku. Það munar mörgum tugum prósenta á verðinu á bílaleigunum við Flugstöð Leifs Eiríkssonar og öðrum evrópskum flughöfnum. Á vinsælum ferðamannastöðum er leigan í júlí mun hærri en seinnihlutann í júní. 
Það kostar ríflega fjórum sinnum meira að leigja bíl á Keflavíkurflugvelli en á Kaupmannahafnarflugvelli í sumar miðað við verðið í dag.
Ferðamaður sem bókar núna bílaleigubíl í tvær vikur hér á landi í júní, júlí eða ágúst borgar að jafnaði um 122 þúsund krónur fyrir fólksbíl af minnstu gerð í fjórtán daga. Sambærilegur bíll kostar tæplega 29 þúsund á bílaleigunum við flugstöðina í Kaupmannahöfn, 42 þúsund í Barcelona, 46 þúsund í Frankfurt en 77 þúsund í Ósló eins og sjá má á töflunni hér fyrir neðan.
Leigan við Óslóarflugvöll er næst hæst en samt nærri fjörtíu prósent ódýrari en við Keflavíkurflugvöll samkvæmt athugun Túrista.
Í verðkönnuninni voru fundnir ódýrustu leigubílarnir við hverja flugstöð seinnihlutann í júní, júlí og ágúst og svo reiknað út meðalverð á dag.
Notast var við leitarvél Rentalcars.com sem er ein umsvifamesta bókunarsíða heims á þessu sviði og býður því oft lægra verð en almennt gerist. Þannig kostar ódýrasti bílaleigubíllinn á Keflavíkurflugvelli seinni hlutann í júlí rúmlega 130 þúsund skv. Rentalcars en ef bókað er beint hjá Hertz er verðið að lágmarki 198.800 kr. og 214.300 hjá Avis. Ódýrasti bíllinn sem Dohop finnur er á 157 þúsund. Þess ber að geta að Rentalcars.com er samstarfsaðili Túrista og sér um íslenska bílaleiguleit síðunnar. Í öllum tilvikum er ótakmarkaður akstur og kaskótrygging innifalin í verðinu.

Munur á milli mánaða

Sá sem ætlar í ferðalag um suðurhluta Evrópu í sumar og vill hafa bíl til umráða borgar mun meira fyrir leiguna í júlí og ágúst en seinnihlutann í júní eins og sjá má á töflunni hér fyrir neðan. Víða annars staðar er verðið það sama alla þrjá mánuðina.
Verð á bílaleigubílum breytast jafnt og þétt og Túristi mun halda áfram að fylgjast með þróun leiguverðs.
tafla bilaleiga

Nýtt efni

Notkun á sjálfbæru eldsneyti er besta leiðin til að draga hratt úr losun frá flugsamgöngum, segir Willie Walsh, framkvæmdastjóra Alþjóðasambands flugfélaga, IATA. Hann ræddi mikilvægi þess að minnka losun í ávarpi sínu á flugmálaráðstefnu Changi í Singapúr í vikunni.  Willie Walsh undirstrikaði í ávarpi sínu að flugheimurinn stefndi staðfastlega að kolefnishlutleysi árið 2050: „Við megum …

Vesturland er í útjaðri meginstraums erlendra ferðamanna sem koma til Íslands. Flestir eru þeir á Suðvesturlandi, fara Gullna hringinn og meðfram suðurströndinni - en auðvitað aka margir þeirra eftir Hringveginum í gegnum Borgarfjörð eða halda upp á Snæfellsnes - og áfram sem leið liggur til Vestfjarða með ýmsum útúrdúrum. Við ætlum sem sagt ekki að …

Gott símasamband í höfuðborg Bretlands byggði lengi á hinum 177 metra háa BT Tower sem kenndur var við eigandann, British Telecom. Turninn varð hæsta mannvirkið í London þegar hann var reistur af símafyrirtækinu árið 1964. Það var ekki fyrr en 16 árum síðar að annað mannvirki í London fór upp fyrir þetta símamastur sem einnig …

Velta í ferðaþjónustu í nóvember og desember í fyrra var nærri óbreytt miðað við sama tíma árið 2022 eða rúmlega 121 milljarður króna. Ef veltan hefði verið í takt við verðbólgu og fjölgun gistinátta ferðamanna þá hefði hún verið um 13 milljörðum kr. hærri. Af undirgreinum ferðaþjónustunnar þá var veitingareksturinn sá eini sem hélt í …

Bandaríski fjárfestingasjóðurinn Bain Capital Credit varð langstærsti hluthafinn í Icelandair í júní 2021 og á nú 17,2 prósenta hlut. Sjóðurinn hefur fjárfest fyrir 10,4 milljarða króna í flugfélaginu en fengi rétt 7,5 milljarða fyrir hlutinn í dag. Mismunurinn nemur nærri 3 milljörðum króna en gengi hlutabréfa í Icelandair hefur lækkað um 18 prósent frá því …

Tölur sem Kóperníkus, lofthjúpsvöktunaþjónusta Evrópusambandsins, og ítölsku umhverfisverndarsamtökin Legambiente kynntu nýlega sýna að í Mílanó mælist svifryk og önnur loftmengun áfram hvað mest í allri Evrópu. Nú er loks rætt um það af yfirvöldum í Mílanó og nærliggjandi borgum og bæjum á Langabarðalandi að grípa einhverra aðgerða - eins og að takmarka notkun á mest …

Þátttaka hins opinbera í rafbílakaupum landsmanna er nú með breyttu sniði. Í stað skattaafsláttar upp á 1,3 milljónir króna, sem dreginn var frá söluverði nýrra rafbíla, þá verða kaupendur bílanna að greiða fullt verð í umboðinu og sækja svo um 900 þúsund króna styrk hjá Orkustofnun í framhaldinu. Þessi breyting var gerð um síðustu áramóti …

Sá sem kaupir ódýrasta fargjaldið hjá Icelandair, Economy Light, þarf að borga aukalega fyrir innritaðan farangur. Áður var töskugjaldið 5.280 krónur en nú þarf að borga allt að 6.600 krónur undir farangurinn aðra leið. Hækkunin nemur 25 prósentum og svo mikil eru hún líka ef innrita á skíði. Flutningur á þeim kostar núna allt að …